Bakı Kommersiya Məhkəməsi Qərardad — İş №e-2-2(113)-7582/2024

Azərbaycan Respublikası adından QƏRARDAD Bakı şəhəri İş № e-2-2(113)-7582/2024 10.10.2024 BAKİ KOMMERSİYA MƏHKƏMƏSİ Bakı Kommersiya Məhkəməsinin hakimi X1, İddiaçı MMC-nin Cavabdeh MMC-yə qarşı pul tələbinə dair iddia ərizəsini və ona əlavə olunmuş sənədləri məhkəmənin inzibati binasında nəzərdən keçirərək, müəyyən etdim: İddiaçı MMC iddia ərizə ilə məhkəməyə müraciət edərək Tərəflər arasında bağlanmış 102/21/SA saylı 18 noyabr 2021-ci il tarixli alğı-satqı müqaviləsi üzrə ödənilməli olan 46260,18 manat manat (ƏDV daxil) məbləğin, dəbbə pulu olaraq 4626,01 manat məbləğin və İddiaçı tərəfindən iddia ərizəsinin verilməsi ilə bağlı ödənilmiş 243 manat məbləğində dövlət rüsumunun cavabdeh "xxxx" MMC-dən tutularaq ona geri qaytarılması barədə qətnamə çıxarılmasını xahiş etmişdir. Ərizə və ona əlavə olunmuş sənədləri nəzərdən keçirərək hesab edirəm ki, eyni tərəflər arasında, eyni predmet barəsində və eyni əsaslar üzrə mübahisəyə əvvəl məhkəmədə baxılaraq, iddiaçının iddiadan imtina etməsi əsası ilə iş üzrə icraata xitam verilməsinə dair məhkəmə qərardadı qəbul edildiyindən, ərizənin qəbulundan imtina edilməlidir. Çünki Bakı Kommersiya Məhkəməsinin xx.xx.2024-cü il tarixli e-2-2(113)-1800/2024 saylı qərardadı ilə cavabdeh borcu tam ödədiyinə görə iddiaçı iddiadan imtina etdiyi üçün iş üzrə icraata xitam verilmişdir. Həmin iş üzrə iddiaçının tələbinin əsası hazırki tələblə eynilik təşkil edərək, xx.xx.2021-ci il tarixli №102/21/SA saylı alqı-satqı müqaviləsinə əsasən pulun ödənilməsi tələbi olmuşdur. Belə ki, Azərbaycan Respublikası Mülki Prosessual Məcəlləsinin: 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. 153.2.2-ci maddəsinə əsasən eyni tərəflər arasında, eyni predmet barəsində və eyni əsaslar üzrə mübahisəyə dair məhkəmənin qanuni qüvvəyə minmiş qətnaməsi və ya iddiaçının iddiadan imtina etməsi ilə əlaqədar iş üzrə icraata xitam edilməsi və ya tərəflərin barışıq sazişinin təsdiq edilməsi haqqında məhkəmənin qərardadı olarsa hakim iddianın yolverilməzliyinə görə iddia ərizəsini qəbul etməkdən imtina edir. 153.5-ci maddəsinə əsasən ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. 153.6-cı maddəsinə əsasən iddia ərizəsini qəbul etməkdən imtina barədə qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi ilk gündən verilmiş hesab edilir. Beləliklə, eyni tərəflər arasında, eyni predmet barəsində və eyni əsaslar üzrə mübahisəyə dair iddiaçının iddiadan imtina etməsi ilə əlaqədar Bakı Kommersiya Məhkəməsinin xx.xx.2024-cü il tarixli e-2-2(113)-1800/2024 saylı qanuni qüvvəyə minmiş qərardadı olduğuna görə hesab edirəm ki, iddiaçının hazırkı ərizəsinin icraata qəbulundan imtina edilməlidir. Şərh olunanlara əsasən və Azərbaycan Respublikası Mülki Prosessual Məcəlləsinin 153, 263, 264, 268 və 269–cu maddələrini rəhbər tutaraq, qərara aldım: İddiaçı MMC-nin Cavabdeh MMC-yə qarşı pul tələbinə dair iddia ərizəsinin icraata qəbulundan imtina edilsin. Qərardaddan, həmin qərardad tərəflərə rəsmi qaydada verildikdən (“elektron kabinet”lərinə yerləşdirildikdən) sonra 10 gün müddətində (elektron formada) Bakı Kommersiya Məhkəməsinə şikayət verilə bilər. Hakim Kənan Hüseynov