Azərbaycan Respublikası adından QƏTNAMƏ Bakı şəhəri İş № e-2-2(113)-7712/2025 26.09.2025 BAKİ KOMMERSİYA MƏHKƏMƏSİ Ərizəçi Azərbaycan Respublikası İqtisadiyyat Nazirliyi yanında Dövlət Vergi Xidmətinin 5 saylı Ərazi Vergilər İdarəsinin Maraqlı şəxs qarşı maraqlı şəxsin ölkədən getmək hüququnun müvəqqəti məhdudlaşdırılması tələbinə dair ərizə (açar sözlər:) (ölkədən getmək hüququnun müvəqqəti məhdudlaşdırılması) Hakim Zamanlı Pərviz Mirsiyaf oğlunun sədrliyi, Kərimova Benəzir Tofiq qızının katibliyi ilə, Tərəflərin iştirakı olmadan, Ərizəçi Azərbaycan Respublikası İqtisadiyyat Nazirliyi yanında Dövlət Vergi Xidmətinin 5 saylı Ərazi Vergilər İdarəsinin Maraqlı şəxs ölkədən getmək hüququnun müvəqqəti məhdudlaşdırılmasına dair ərizəsi üzrə kommersiya mübahisəsinə məhkəmənin inzibati binasında açıq məhkəmə iclasında baxılmışdır. İŞİN HALLARİ
1. Fiziki şəxs haqqında məlumat əsasında müəyyən edilir ki, Maraqlı şəxs vergi ödəyicisi kimi Azərbaycan Respublikası İqtisadiyyat Nazirliyi yanında Dövlət Vergi Xidmətinin 5 saylı Ərazi Vergilər İdarəsində qeydiyyata alınmaqla (VÖEN: **********) fərdi sahibkarlıq fəaliyyəti ilə məşğul olan fiziki şəxsdir. Əsas fəaliyyət istiqaməti yük avtomobil nəqliyyatlarının fəaliyyəti ilə bağlıdır.
2. Hüquqi şəxs haqqında məlumat əsasında müəyyən edilir ki, “Net Service Petrol X1 Arıtma Sanayi ve Dış Ticaret Limited” Şirkətinin Azərbaycan Respublikasındakı Filialı vergi ödəyicisi kimi Azərbaycan Respublikası İqtisadiyyat Nazirliyi yanında Dövlət Vergi Xidmətinin 5 saylı Ərazi Vergilər İdarəsində qeydiyyata alınmaqla (VÖEN: **********) sahibkarlıq fəaliyyəti ilə məşğul olan hüquqi şəxsdir. Əsas fəaliyyət istiqaməti boru kəmərlərinin tikintisi fəaliyyəti ilə bağlıdır, rəhbəri Maraqlı şəxsdur.
3. Hüquqi şəxs haqqında məlumat əsasında müəyyən edilir ki, "xxxx" Kiçik Müəssisəsi vergi ödəyicisi kimi Azərbaycan Respublikası İqtisadiyyat Nazirliyi yanında Dövlət Vergi Xidmətinin 5 saylı Ərazi Vergilər İdarəsində qeydiyyata alınmaqla (VÖEN: **********) sahibkarlıq fəaliyyəti ilə məşğul olan hüquqi şəxsdir. Əsas fəaliyyət istiqaməti digər qruplara daxil edilməyən ixtisaslaşdırılmış tikinti işləri fəaliyyəti ilə bağlıdır, rəhbəri Maraqlı şəxsdur.
4. "xxxx" Kiçik Müəssisəsinə aid olan şəxsi hesab vərəqəsinə görə onun xx.xx.2025ci il tarixə cəmi ödənilməli borcu 1289,92 manat təşkil edir.
5. “Net Service Petrol X1 Arıtma Sanayi ve Dış Ticaret Limited” Şirkətinin Azərbaycan Respublikasındakı Filialına aid olan şəxsi hesab vərəqəsinə görə onun xx.xx.2025-ci il tarixə cəmi ödənilməli borcu 5685,55 manat təşkil edir.
6. Ərizəçi tərəfindən maraqlı şəxsə və hüquqi şəxslərə ünvanlanmış – xx.xx.2025-ci il tarixli ******************.02.2023-cü il tarixli **********014900, xx.xx.2023-cü il tarixli ******************.04.2025-ci il tarixli **********637800, xx.xx.2024-cü il tarixli **********072400, xx.xx.2023-cü il tarixli **********411400 nömrəli bildirişlər ilə borcun 5 gün müddətində dövlət büdcəsinə ödənilməsi tələb edilmiş, borc ödənilmədiyi təqdirdə məhkəməyə müraciət ediləcəyi bildirilmişdir.
MƏHKƏMƏDƏ İCRAAT
a) Ərizəçinin tələbi və tələbinin dəlilləri
7. Ərizəçi vergi ödəyicisi olan fiziki şəxs və hüquqi şəxslər ("xxxx" Kiçik Müəssisəsi, “Net Service Petrol X1 Arıtma Sanayi ve Dış Ticaret Limited” Şirkətinin Azərbaycan Respublikasındakı Filialı) tərəfindən dövlət büdcəsinə olan ümumilikdə 5615,23 manat, Dövlət Sosial Müdafiə Fonduna olan 151,34 manat, İşsizlikdən sığorta fonduna olan 6,98 manat, İcbari Tibbi Sığorta Fonduna olan 3,86 manat məbləğində borcun ödənilməsini təmin etmək üçün fiziki şəxs, eyni zamanda hüquqi şəxsin icra orqanının rəhbəri olan Maraqlı şəxs barəsində ölkədən getmək hüququnun müvəqqəti məhdudlaşdırılması tələbinə dair xüsusi icraat qaydasında ərizə ilə məhkəməyə müraciət etmişdir.
8. Ərizəçi tələbini onunla əsaslandırmışdır ki, Vergi öhdəliklərini Azərbaycan Respublikasının Vergi Məcəlləsi ilə müəyyən edilmiş müddətdə yerinə yetirmədiyi üçün xx.xx.2025ci il tarixə vergi ödəyicisi olan "xxxx" Kiçik Müəssisəsinin (VÖEN: **********) dövlət büdcəsinə 1491,68 manat məbləğində (o cümlədən, vergilər üzrə 1008,48 manat, faizlər üzrə 403,2 manat, maliyyə sanksiyası üzrə 80 manat) , Maraqlı şəxs (VÖEN: **********) İcbari Tibbi Sığorta Fonduna 3,86 manat, Dövlət Sosial Müdafiə Fonduna 18,46 manat, “Net Service Petrol X1 Arıtma Sanayi ve Dış Ticaret Limited” Şirkətinin Azərbaycan Respublikasındakı Filialının (VÖEN: **********) dövlət büdcəsinə 4123,55 manat məbləğində (o cümlədən, vergilər üzrə 2032,47 manat, faizlər üzrə 1931,08 manat, maliyyə sanksiyası üzrə 160 manat) , Dövlət Sosial Müdafiə Fonduna 132,88 manat, İşsizlikdən sığorta fonduna 6,98 manat olmaqla, ümumilikdə 5777,41 manat borcu vardır. Yaranmış borc məbləğinin 5 gün ərzində dövlət büdcəsinəvə müvafiq fonda ödənilməsi məqsədi ilə vergi ödəyicilərinə Vergi Məcəlləsinin 65-ci maddəsinə əsasən xx.xx.2025-ci il tarixli ******************.02.2023-cü il tarixli **********014900, xx.xx.2023-cü il tarixli ******************.04.2025-ci il tarixli **********637800, xx.xx.2024-cü il tarixli **********072400, xx.xx.2023-cü il tarixli **********411400 nömrəli bildirişlər göndərilmiş, lakin vergi ödəyiciləri yaranmış borc məbləğlərini ödəməmişlər. Reyestr məlumatlarına əsasən yuxarıda qeyd edilən fiziki şəxs, eyni zamanda hüquqi şəxsin icra orqanının rəhbəri olan borclu Bakı şəhəri, İzmir küçəsi, 5 “A”, 49 ünvanında yaşayır.
b) Ərizəyə qarşı etirazın dəlilləri
9. Ərizəyə qarşı yazılı etiraz təqdim edilməmişdir.
Məhkəmə iclasında verilən izahatlar:
10. Maraqlı şəxs məhkəmə iclasının yeri və vaxtı barədə lazımi qaydada məlumatlandırılmasına baxmayaraq, məhkəmə iclasına gəlməmiş və gəlməməsinin səbəbləri barədə məlumat verməmişdir. Ərizəçinin nümayəndəsi məhkəməyə ərizə ünvanlayaraq işə onun iştirakı olmadan baxılaraq ərizənin təmin edilməsi barədə qətnamə qəbul edilməsini xahiş etmişdir.
11. Məhkəmə MPM-nin 355-7.2-ci maddəsinə əsasən işə ərizəçinin iştirakı olmadan baxılmasını mümkün hesab etmişdir.
MƏHKƏMƏ BAXİŞİNİN HƏDLƏRİ
12. Vergi ödəyicisi və ya sığortaedən olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında işlərə məhkəmə xüsusi icraat qaydasında baxır (MPM-in 305.1.12-ci maddəsi).
13. Hakim işdə iştirak edən şəxslərin verdiyi tələblər üzrə qətnamə çıxarır. Lakin hakim qanunda göstərilən müstəsna hallarda iddia tələblərindən kənara çıxa bilər (MPM-in 218.3cü maddəsi).
TƏTBİQ EDİLƏN HÜQUQ
Аzərbаycаn Rеspublikаsının Vergi Məcəlləsi:
14. Maddə 16.1.1. Qanunla müəyyən edilmiş vergiləri, habelə həmin Məcəllə ilə müəyyən edilmiş qaydada hesablanmış faizləri, tətbiq edilmiş maliyyə sanksiyalarını və digər məcburi ödənişləri ödəmək vergi ödəyicisinin vəzifəsidir.
15. Maddə 23.1.15-3. Vergi orqanları vergi ödəyicisi vergi öhdəliyini bu Məcəllə ilə müəyyən edilmiş müddətdə yerinə yetirmədikdə, hesablanmış vergilər üzrə borcların və faizlərin, tətbiq edilmiş maliyyə sanksiyalarının ödənilməsini təmin etmək üsulu kimi vergi ödəyicisi olan fiziki şəxsin və ya hüquqi şəxsin icra orqanının rəhbərinin ölkədən getmək hüququnun müvəqqəti məhdudlaşdırılması üçün məhkəməyə müraciət etmək hüququna malikdirlər.
Azərbaycan Respublikasının Mülki Prosessual Məcəlləsi:
16. Maddə 355-5.1. Vergi ödəyicisi və ya sığortaedən vergi, məcburi dövlət sosial sığorta, icbari tibbi sığorta və işsizlikdən sığorta haqları üzrə öhdəliyini qanunla müəyyən edilmiş hallarda və müddətlərdə yerinə yetirmədikdə, hesablanmış vergilər, məcburi dövlət sosial sığorta, icbari tibbi sığorta və işsizlikdən sığorta haqları üzrə borcların və faizlərin, vergilər və məcburi dövlət sosial sığorta haqları üzrə tətbiq edilmiş maliyyə sanksiyalarının ödənilməsini təmin etmək üçün müvafiq icra hakimiyyəti orqanının müəyyən etdiyi orqan (qurum) fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması barədə məhkəməyə müraciət etmək hüququna malikdir.
17. Maddə 355-7.4. Vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında qətnamə qəbul edildikdən dərhal sonra qüvvəyə minir və qətnamədən şikayətin verilməsi onun icrasını dayandırmır.
18. Maddə 124.1. İşə baxılması ilə əlaqədar məhkəmənin çəkdiyi xərclər və iddiaçının ödəməkdən azad edildiyi dövlət rüsumu, iddia tələblərinin təmin edilmiş hissəsinə mütənasib olaraq dövlət mədaxilinə cavabdehdən alınır.
“Dövlət rüsumu haqqında” AR Qanununun:
19. 8.2-ci maddəsinə görə xüsusi icraat qaydasında baxılan iş üzrə ərizənin verilməsinə görə 100 manat məbləğində dövlət rüsumunun ödənilməsi nəzərdə tutulmuşdur.
MƏHKƏMƏNİN MÖVQEYİ
20. Məhkəmə ərizənin dəlillərini və iş materiallarını araşdıraraq hesab edir ki, ərizə təmin edilməlidir.
21. Belə ki, məhkəmə araşdırması zamanı müəyyən edildi ki, vergi ödəyicisi olan fiziki şəxs və hüquqi şəxslər "xxxx" Kiçik Müəssisəsi və “Net Service Petrol X1 Arıtma Sanayi ve Dış Ticaret Limited” Şirkətinin Azərbaycan Respublikasındakı Filialı vergi öhdəliklərini qanunla müəyyən edilmiş müddətdə yerinə yetirmədiyi üçün onun dövlət büdcəsinə və büdcədənkənar fondlara borcu yaranmışdır. Vergi ödəyicisinə vergi borcunun mövcudluğu və həmin borcu ödəməməyə görə məsuliyyət tədbirləri barədə məlumat verilməsinə baxmayaraq, sonuncu tərəfindən borc məbləğinin ödənilməsi təmin edilməmişdir. "xxxx" Kiçik Müəssisəsinə aid olan şəxsi hesab vərəqəsinə görə onun xx.xx.2025-ci il tarixə cəmi ödənilməli borcu 1289,92 manat təşkil edir. “Net Service Petrol X1 Arıtma Sanayi ve Dış Ticaret Limited” Şirkətinin Azərbaycan Respublikasındakı Filialına aid olan şəxsi hesab vərəqəsinə görə onun xx.xx.2025-ci il tarixə cəmi ödənilməli borcu 5685,55 manat təşkil edir. Azərbaycan Respublikası İqtisadiyyat Nazirliyi yanında Dövlət Vergi Xidmətinin İnternet Vergi İdarəsindən çıxarışdan görünür ki, “Net Service Petrol X1 Arıtma Sanayi ve Dış Ticaret Limited” Şirkətinin Azərbaycan Respublikasındakı Filialının (VÖEN: **********) xx.xx.2025-ci il tarixə ödənilməli borcu 2589,89 manat təşkil edir.
22. Beləliklə, məhkəmə araşdırması zamanı müəyyən edildi ki, vergi ödəyicisi olan fiziki şəxs və hüquqi şəxslər "xxxx" Kiçik Müəssisəsi və “Net Service Petrol X1 Arıtma Sanayi ve Dış Ticaret Limited” Şirkətinin Azərbaycan Respublikasındakı Filialı öz öhdəliklərini Аzərbаycаn Rеspublikаsının Vergi Məcəlləsi ilə müəyyən edilmiş müddətdə yerinə yetirmədiyi üçün dövlət büdcəsinə və büdcədənkənar fondlara borcu yaranmışdır. Həmin borcun ödənilməsini təmin etmək məqsədi ilə Azərbaycan Respublikası İqtisadiyyat Nazirliyi yanında Dövlət Vergi Xidmətinin 5 saylı Ərazi Vergilər İdarəsi qanunla müəyyən edilmiş tədbir görmüş, maraqlı şəxsə vergi borcunun ödənilməsinə dair bildiriş ünvanlanaraq 5 gün müddətində dövlət büdcəsinə ödənilməsi tələb edilmiş, lakin qeyd olunan müddət ərzində borclular tərəfindən borc məbləğinin ödənilməsi təmin edilməmişdir. Odur ki, borcluların dövlət büdcəsinə və büdcədənkənar fondlara olan vergi borcunun ödənilməsini təmin etmək, eyni zamanda maraqlı şəxsin ölkədən getmək hüququnun müvəqqəti məhdudlaşdırılması üçün qanunvericilikdə nəzərdə tutulmuş əsaslar mövcuddur. Odur ki, ərizə təmin edilməli və maraqlı şəxsin ölkədən getmək hüququ müvəqqəti məhdudlaşdırılmalıdır.
23. Məhkəmə xərclərinə gəldikdə hazırkı halda ərizəçinin dövlət rüsumunu ödəməkdən azad olunduğunu, eləcə də hazırkı qətnamə ilə xüsusi icraat qaydasında verilmiş ərizənin təmin edildiyini nəzərə alaraq məhkəmə hesab edir ki, ərizənin verilməsinə görə ödənilməli olan 100 manat məbləğində dövlət rüsumu maraqlı şəxsdən tutularaq dövlət büdcəsinə ödənilməlidir.
24. Şərh olunanlara əsasən və Azərbaycan Respublikası Mülki Prosessual Məcəlləsinin 216-220, 227, 355-7, 360-cı maddələrini rəhbər tutaraq, məhkəmə
QƏTETDİ:
Ərizə təmin edilsin. Vergi ödəyicisi olan fiziki şəxs və hüquqi şəxslər ("xxxx" Kiçik Müəssisəsi, “Net Service Petrol X1 Arıtma Sanayi ve Dış Ticaret Limited” Şirkətinin Azərbaycan Respublikasındakı Filialı) tərəfindən dövlət büdcəsinə olan ümumilikdə 5615,23 manat, Dövlət Sosial Müdafiə Fonduna olan 151,34 manat, İşsizlikdən sığorta fonduna olan 6,98 manat, İcbari Tibbi Sığorta Fonduna olan 3,86 manat məbləğində borcun ödənilməsini təmin etmək üçün fiziki şəxs, eyni zmanda həmin şəxslərin icra orqanının rəhbəri olan Maraqlı şəxs (xx.xx.1956-cı il tarixdə ünvan 1 ünvanında qeydiyyatda olan, şəxsiyyəti təsdiq edən sənədin FİN nömrəsi – xxxxxxx, seriya və nömrəsi AZE*******) ölkədən getmək hüququ müvəqqəti məhdudlaşdırılsın. 100 (yüz) manat məbləğində dövlət rüsumu Maraqlı şəxs tutularaq dövlət büdcəsinə ödənilsin. Qətnamə qəbul edildikdən dərhal sonra qanuni qüvvəyə minir. Qətnamədən, rəsmi qaydada verildiyi gündən 1 (bir) ay müddətində Bakı Kommersiya Məhkəməsi vasitəsi ilə Bakı Apellyasiya Məhkəməsinin Kommersiya Kollegiyasına apellyasiya şikayəti verilə bilər.
Sədrlik edən: Pərviz Zamanlı