Bakı Kommersiya Məhkəməsi Qərardad — İş №e-2-2(113)-892/2024

Azərbaycan Respublikası adından QƏRARDAD Bakı şəhəri İş № e-2-2(113)-892/2024 28.02.2024 BAKİ KOMMERSİYA MƏHKƏMƏSİ Bakı Kommersiya Məhkəməsinin hakimi Həsənova Ülkər Təhmasib qızı, Məmmədova Aydan Adgözəl qızının katibliyi, Cavabdehin nümayəndəsi X1 iştirakı ilə, İddiaçı cavabdeh Azərbaycan Dövlət Sığorta Kommersiya Şirkətinə qarşı “pul” tələbinə dair kommersiya mübahisəsinə məhkəmənin inzibati binasında açıq məhkəmə hazırlıq iclasında baxaraq MÜƏYYƏN ETDİ: İddiaçı (bundan sonra – iddiaçı) cavabdeh Azərbaycan Dövlət Sığorta Kommersiya Şirkətinə (bundan sonra – cavabdeh) qarşı “pul” tələbinə dair iddia ərizəsi ilə məhkəməyə müraciət edərək, cavabdehdən xx.xx.2023-cü il tarixədək öhdəliklərini icra etmədiyi, ödəmədiyi borc məbləği 46423 manat, gecikdirməyə görə 5 faizlə hesablanmış 30785 manat əldən çıxmış fayda və zərər olmaqla, cəmi 77208 manat, mediasiya ilə bağlı ödənilmiş 200 manat və ödənilmiş 200 manat məbləğində dövlət rüsumunun - ümumilikdə 77608 manat tutularaq iddiaçının xeyirinə ödənilməsi barədə qətnamə qəbul edilməsini xahiş etmişdir. Məhkəmə hazırlıq iclasında cavabdehin nümayəndəsi F.Mustafazadə cavabdeh hüquqi şəxsin ləğv edildiyini, hüquqi varisinin olmadığını, Azərbaycan Mərkəzi Bankının İdarə Heyətinin 14 fevral 2024-cü il tarixli qərarı ilə Dövlət Sığorta Kommersiya Şirkətinə sığorta fəaliyyətinə verilmiş lisenziyanın ləğv edildiyini, cavabdehin öz kreditorlarına çağırış etdiyini, lakin iddiaçının onlara müraciət etmədiyini bildirdi. İddiaçıya məhkəmə hazırlıq iclasının yeri və vaxtı barədə lazımi qaydada xəbərdar edilməsinə baxmayaraq, məhkəmə hazırlıq iclasına gəlməmiş və gəlməməsinin səbəbi barədə məhkəməyə məlumat verməmişdir. Məhkəmə hazırlıq iclasının iddiaçının iştirakı olmadan keçirilməsini mümkün hesab etmişdir. Məhkəmə nümayəndənin izahatını dinləyib, materialları nəzərdən keçirərək hesab edir ki, hazırkı iş üzrə icraata xitam verilməlidir. Belə ki, materiallara əlavə edilmiş “Azərbaycan Dövlət Sığorta Kommersiya Şirkəti və "xxxx" ASC-nin fəaliyyətinin təşkili haqqında” Azərbaycan Respublikası Prezidentinin xx.xx.2022-ci il tarixli 1751 nömrəli Fərmanının ləğv edilməsi barədə” Azərbaycan Respublikası Prezidentinin xx.xx.2024-cü il tarixli Fərmanı ilə cavabdeh ləğv edilmişdir. Azərbaycan Respublikası Maliyyə Nazirliyinin 08 fevral 2024-cü il tarixli 3-23/3-1-76/2024 saylı əmrindən görünür ki, Azərbaycan Respublikası Dövlət Sığorta Kommersiya Şirkətinin ləğvi ilə əlaqədar Azərbaycan İnvestisiya Holdinqinin təqdimatı nəzərə alınaraq Şirkətin Gündüz Əliyev, Kənan Quliyev və Ələskər Əliyevdən ibarət tərkibdə ləğvetmə komissiyasının yaradılması əmr edilmişdir. xx.xx.2024-cü il tarixdə kreditor tələblərinin ödənilməsi üçün xx.xx.2024-cü il tarixə qədər tələblərin qeydə alınması ilə bağlı kreditorlara cavabdeh tərəfindən çağırış elan edilmişdir. Belə ki, Azərbaycan Respublikası Mülki Prosessual Məcəlləsinin: 261.0.8-ci maddəsinə əsasən işdə iştirak edən hüquqi şəxs ləğv olunmuşsa, hakim iş üzrə icraata xitam verir. 262.1-ci maddəsinə əsasən iş üzrə icraata xitam verilməsi barədə məhkəmə qərardad çıxarır. 262.4-cü maddəsinə əsasən işin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə müraciət edilməsinə yol verilmir. 262.5-ci maddəsinə əsasən iş üzrə icraata xitam verilməsi haqqında məhkəmənin qərardadından şikayət verilə bilər. Materiallardan görünür ki, iddia ərizəsi verilərkən iddiaçı tərəfindən 200 manat dövlət rüsumu ödənilmişdir. Məhkəmə hesab edir ki, iş üzrə icraata xitam verildiyindən ödənilmiş dövlət rüsumu iddiaçıya geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 114.1.4-cü maddəsinə əsasən bu Məcəllə ilə nəzərdə tutulmuş əsaslarla iş üzrə icraata xitam verilərsə, ödənilmiş dövlət rüsumu qaytarılır. Yuxarıda göstərilənlərə əsasən məhkəmə hesab edir ki, cavabdeh hüquqi şəxs ləğv edildiyindən hazırkı iş üzrə icraata xitam verilməli, ödənilmiş 200 manat dövlət rüsumu iddiaçıya geri qaytarılmalıdır. Şərh olunanlara əsasən və Azərbaycan Respublikası MPM-nin 261-262, 263-264, 267-268-ci maddələrini rəhbər tutaraq, məhkəmə QƏRARA ALDİ: İddiaçı cavabdeh Azərbaycan Dövlət Sığorta Kommersiya Şirkətinə qarşı “pul” tələbinə dair iş üzrə icraata xitam verilsin. İddia ərizəsi verilərkən ödənilmiş 200 (iki yüz) manat dövlət rüsumu İddiaçı geri qaytarılsın. Eyni tərəflər arasında eyni predmet haqqında və eyni əsaslar üzrə mübahisə barəsində məhkəməyə təkrar müraciət edilməsinə yol verilmir. Qərardaddan, tərəfə rəsmi qaydada verildikdən sonra 10 (on) gün müddətində Bakı Kommersiya Məhkəməsinə şikayət verilə bilər. Hakim Ülkər Həsənova