Şəki Kommersiya Məhkəməsi Qərardad — İş №e-2-2(117)-1106/2021

Azərbaycan Respublikası adından QƏRARDAD Şəki şəhəri İş № e-2-2(117)-1106/2021 24.11.2021 ŞƏKİ KOMMERSİYA MƏHKƏMƏSİ Hakim Hüseynov Mübariz Rahil oğlunun sədrliyi, X1 katibliyi, Cavabdeh MMC-nin nümayəndəsi Nümayəndə2 iştirakı ilə, İddiaçı Cavabdeh MMC-yə qarşı “76812,38 manat borcun, cavabdehin borcdan yayınması nəticəsində maddi və əldən çıxmış fayda kimi 20000 manat məbləğində pulun və 400 manat məbləğində ödənilmiş dövlət rüsumunun cavabdehdən tutularaq ödənilməsi” tələbinə dair işə məhkəmənin binasında, məhkəmənin açıq hazırlıq iclasında baxaraq, məhkəmə müəyyən etdi: İddiaçı Cavabdeh MMC-yə qarşı “76812,38 manat borcun, cavabdehin borcdan yayınması nəticəsində maddi və əldən çıxmış fayda kimi 20000 manat məbləğində pulun və 400 manat məbləğində ödənilmiş dövlət rüsumunun cavabdehdən tutularaq ödənilməsi” barədə qətnamə qəbul edilməsini xahiş etmişdir. İddiaçı elektron kabinet vasitəsilə ərizə ilə məhkəməyə müraciət edərək bildirmişdir ki, iş üzrə əlavə sənəd və sübutların toplanması zərurəti yaranmış, buna görə də iddia ərizəsi və ona əlavə olunmuş sənədləri geri qaytarılmasını, iddianın baxılmamış saxlanılmasını məhkəmədən xahiş etmişdir. Məhkəmə hazırlıq iclasının vaxtı və yeri barədə tərəflərə rəsmi məlumat verilməsinə baxmayaraq iddiaçı məhkəmə iclasına gəlməmiş və bunun üzrlü səbəbləri barədə məhkəməyə məlumat verməmişdir. Məhkəmə iddiaçının iştirakı olmadan məhkəmə hazırlıq iclasının keçirilməsini mümkün hesab etmişdir. Məhkəmə iş materiallarını və iddiaçının ərizəsini araşdırıb hesab edir ki, iddia ərizəsi geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 170.1-ci maddəsinə əsasən bu Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. 170.3-cü maddəsinə əsasən bu Məcəllənin 170.1-ci və 170.2-ci maddələrində göstərilən qaydada qəbul edilmiş qərardaddan şikayət verilə bilər. Hazırki iş üzrə iddiaçı ərizə ilə müraciət edərək iddianın baxılmamış saxlanılmasını xahiş etsə də, məhkəmə tərəflər arasında olan mübahisənin həll olunmasını, habelə iddianın hazırlıq mərhələsində baxılmamış saxlanılmasının mümkün olmadığını nəzərə alaraq hesab edir ki, iddia ərizəsi Mülki Prosessual Məcəlləsinin 170.1-ci maddəsinə əsasən geri qaytarılmışdır. Yuxarıda göstərilənlərə əsasən, Azərbaycan Respublikası Mülki Prosessual Məcəlləsinin, 263, 264, 266-268-ci maddələrini rəhbər tutaraq, məhkəmə qərara aldı: İddiaçı Cavabdeh MMC-yə qarşı “76812,38 manat borcun, cavabdehin borcdan yayınması nəticəsində maddi və əldən çıxmış fayda kimi 20000 manat məbləğində pulun və 400 manat məbləğində ödənilmiş dövlət rüsumunun cavabdehdən tutularaq ödənilməsi” tələbinə dair iddia ərizəsi geri qaytarılsın. Qərardaddan, rəsmi qaydada verildiyi gündən 10 (on) gün müddətində Şəki Kommersiya Məhkəməsinə (Elektron Məhkəmə İnformasiya Sistemində yaradılmış Elektron Kabinetdən istifadə edilməklə) şikayət verilə bilər. Sədrlik edən: Mübariz Hüseynov