Şəki Kommersiya Məhkəməsi Qərardad — İş №e-2-2(117)-1779/2022

Azərbaycan Respublikası adından QƏRARDAD Şəki şəhəri İş № e-2-2(117)-1779/2022 09.12.2022 ŞƏKİ KOMMERSİYA MƏHKƏMƏSİ Hakim Hüseynov Mübariz Rahil oğlu, ərizəçi Bakı şəhəri X1 üzrə Baş İdarəsinin Maraqlı şəxs qarşı “"xxxx" MMC-nin Dövlət Sosial Müdafiə Fonduna olan 4085,4 manat, dövlət büdcəsinə olan 416,16 manat məbləğində borcun ödənilməsini təmin etmək üçün Maraqlı şəxs (şəxsiyyəti təsdiq edən sənədin seriya və nömrəsi AZE -********, FİN nömrəsi - xxxxxxx) ölkədən getmək hüququnun müvəqqəti məhdudlaşdırılması” ərizəsinə və ona əlavə edilmiş sənədlərə baxaraq, müəyyən etdi: Ərizəçi Bakı şəhəri X1 üzrə Baş İdarəsi Maraqlı şəxs qarşı “"xxxx" MMC-nin Dövlət Sosial Müdafiə Fonduna olan 4085,4 manat, dövlət büdcəsinə olan 416,16 manat məbləğində borcun ödənilməsini təmin etmək üçün Maraqlı şəxs (şəxsiyyəti təsdiq edən sənədin seriya və nömrəsi AZE -********, FİN nömrəsi - xxxxxxx) ölkədən getmək hüququnun müvəqqəti məhdudlaşdırılması” barədə ərizə ilə məhkəməyə müraciət etmişdir. Məhkəmə, iş materiallarını araşdırıb hesab edir ki, hazırki ərizəyə ərazi aidiyyəti üzrə Şəki Kommersiya Məhkəməsi tərəfindən baxılmalı olmadığından ərizə və ona əlavə edilmiş sənədlər geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 355-5.1-ci maddəsinə əsasən vergi ödəyicisi və ya sığortaedən vergi, məcburi dövlət sosial sığorta, icbari tibbi sığorta və işsizlikdən sığorta haqları üzrə öhdəliyini qanunla müəyyən edilmiş hallarda və müddətlərdə yerinə yetirmədikdə, hesablanmış vergilər, məcburi dövlət sosial sığorta, icbari tibbi sığorta və işsizlikdən sığorta haqları üzrə borcların və faizlərin, vergilər və məcburi dövlət sosial sığorta haqları üzrə tətbiq edilmiş maliyyə sanksiyalarının ödənilməsini təmin etmək üçün müvafiq icra hakimiyyəti orqanının müəyyən etdiyi orqan (qurum) fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması barədə məhkəməyə müraciət etmək hüququna malikdir. 355-5.2-ci maddəsinə əsasən ölkədən getmək hüququnun müvəqqəti məhdudlaşdırılması haqqında ərizə fiziki şəxslərin və ya hüquqi şəxslərin icra orqanının rəhbərinin yaşadığı (olduğu) yer üzrə verilir. İş materiallarından göründüyü kimi, iş üzrə maraqlı şəxs ünvan 1 ünvanında qeydiyyatdadır. Bu səbəbdən də hazırki ərizəyə sonuncunun yaşayış yeri üzrə səlahiyyətli məhkəmə tərəfindən baxılmalıdır. Bundan başqa, işə əlavə olunmuş vergi ödəyicilərinin məlumatlarından da aydın olur ki, maraqlı şəxsin rəhbəri olduğu "xxxx" MMC-nin hüquqi ünvanı da Bakı şəhərində yerləşir. İş materiallarından da göründüyü kimi, nə hüquqi şəxsin hüquqi ünvanı, nə də həmin hüquqi şəxsin icra orqanının rəhbərinin faktiki ünvanı Şəki Kommersiya Məhkəməsinin yurisdiksiyasına aid deyildir. Şərh olunanlara əsasən məhkəmə hesab edir ki, ərizəçi, maraqlı şəxsin ölkədən getmək hüququnun məhdudlaşdırılması barədə ərizəni ərazi aidiyyəti qaydalarına görə düzgün vermədiyindən və hazırki ərizəyə maraqlı şəxsin qeydiyyat və yaşayış ünvanı üzrə Bakı Kommersiya Məhkəməsində baxılmalı olduğundan ərizə və ona əlavə edilmiş sənədlər ərizəçiyə qaytarılmalıdır. Belə ki, Azərbaycan Respublikası Mülki Prosessual Məcəlləsinin 13.4-ci maddəsinə əsasən, barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. 152.1.3-cü maddəsinə əsasən, əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə hakim iddia ərizəsi və ona əlavə edilmiş sənədləri geri qaytarır. Yuxarıda göstərilənlərə əsasən, Azərbaycan Respublikası Mülki Prosessual Məcəlləsinin 263-264-cü maddəsini rəhbər tutaraq, məhkəmə qərara aldı: Ərizəçi Bakı şəhəri X1 üzrə Baş İdarəsinin Maraqlı şəxs qarşı “"xxxx" MMC-nin Dövlət Sosial Müdafiə Fonduna olan 4085,4 manat, dövlət büdcəsinə olan 416,16 manat məbləğində borcun ödənilməsini təmin etmək üçün Maraqlı şəxs (şəxsiyyəti təsdiq edən sənədin seriya və nömrəsi AZE -********, FİN nömrəsi - xxxxxxx) ölkədən getmək hüququnun müvəqqəti məhdudlaşdırılması” barədə ərizəsi və ona əlavə edilmiş sənədlər geri qaytarılsın. Qərardaddan rəsmi qaydada verildiyi gündən 10 (on) gün müddətində Şəki Kommersiya Məhkəməsinə (Elektron Məhkəmə İnformasiya Sistemində yaradılmış Elektron Kabinetdən istifadə edilməklə) şikayət verilə bilər. Hakim: Mübariz Hüseynov