Sumqayıt Kommersiya Məhkəməsi Qərardad — İş №e-2-2(119)-28/2022

Azərbaycan Respublikası adından QƏRARDAD Sumqayıt şəhəri İş № e-2-2(119)-28/2022 18.01.2022 Sumqayıt Kommersiya Məhkəməsi Hakim Tağıyev Xəqani Qəhrəman oğlunun sədrliyi, Bağırova Naidə Saləddin qızının katibliyi ilə İddiaçı cavabdeh "xxxx" Şirkətinə qarşı borcun tutulması tələbinə dair kommersiya işinə məhkəmə binasında açıq məhkəmə iclasında baxaraq, məhkəmə MÜƏYYƏN ETDİ: Məhkəmənin icraatında İddiaçı MMC-nin cavabdeh "xxxx" Şirkətinə qarşı borcun tutulması tələbinə dair kommersiya işi vardır. İşin məhkəmə baxışı 18 yanvar 2022-ci il tarixə, saat 10:30-a Sumqayıt Məhkəmə Kompleksinə təyin edilmişdir. Lakin tərəflər məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq, nümayəndələri məhkəmə iclasına gəlməmiş və gəlməmələrinin üzrlü səbəbləri barədə məhkəməyə məlumat verməmişlər. İddiaçının vəkili məhkəməyə ərizə göndərərək "xxxx" Şirkəti tərəfindən borcun tam ödənildiyini, buna görə də iddiadan imtina etdiklərini bildirərək iclasın onun iştirakı olmadan keçirilməsini və iş üzrə icraata xitam verilməsini xahiş etsə də, iddiaçı tərəfindən ona verilmiş etibarnamənin qüvvədə olma müddəti 31.12.2021-ci il tarixdə bitdiyi üçün həmin ərizə nəzərə alınmamalı, işə onların iştirakı olmadan baxmağı xahiş etməmiş tərəflər məhkəməyə gəlmədiyinə görə iddia ərizəsi baxılmamış saxlanılmalıdır. Azərbaycan Respublikası MPM-nin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə, məhkəmə ərizəni baxılmamış saxlayır. Sadalananlara əsasən məhkəmə hesab edir ki, tərəflər məhkəmə iclasına gəlmədiklərindən və işə onların iştirakı olmadan baxılmasını xahiş etmədiklərindən iddia ərizəsi baxılmamış saxlanılmalıdır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 259, 263, 264, 267 və 268-269-cu maddələrinin tələblərini rəhbər tutaraq, məhkəmə QƏRARA ALDİ: İddiaçı cavabdeh "xxxx" Şirkətinə qarşı borcun tutulması tələbinə dair iddia ərizəsi baxılmamış saxlanılsın. Qərardaddan 10 gün müddətində Sumqayıt Kommersiya Məhkəməsinə şikayət verilə bilər. Hakim: Xəqani Tağıyev