Sumqayıt Kommersiya Məhkəməsi Qətnamə — İş №e-2-2(119)-327/2023

Azərbaycan Respublikası adından QƏTNAMƏ Sumqayıt şəhəri İş № e-2-2(119)-327/2023 24.02.2023 Sumqayıt Kommersiya Məhkəməsi Sumqayıt Kommersiya Məhkəməsinin hakimi Sadiqov Zülfüqar Əhməd oğlunun sədrliyi, Hüseynzadə Elsevər İsmayıl oğlunun katibliyi ilə, ərizəçi Azərbaycan Respublikası İqtisadiyyat Nazirliyi yanında Dövlət Vergi Xidmətinin Bakı şəhəri X1 üzrə Baş İdarəsi tərəfindən xüsusi icraat qaydasında Maraqlı şəxs qarşı verilmiş "ölkədən getmək hüququnun müvəqqəti məhdudlaşdırılması" barədə ərizəyə dair kommersiya işinə açıq məhkəmə iclasında baxaraq, məhkəmə M Ü Ə Y Y Ə N E T D İ: Ərizəçi Azərbaycan Respublikası İqtisadiyyat Nazirliyi yanında Dövlət Vergi Xidmətinin Bakı şəhəri X1 üzrə Baş İdarəsi “Elektron məhkəmə” informasiya sistemində yaradılmış elektron kabinet vasitəsi ilə Maraqlı şəxs qarşı “ölkədən getmək hüququnun müvəqqəti məhdudlaşdırılması” barədə ərizə ilə məhkəməyə müraciət edərək, 14 fevral 2023-cü il tarixə hesablanmış "xxxx" Məhdud Məsuliyyətli Cəmiyyətinin Dövlət Büdcəsinə olan 4537,42 (dörd min beş yüz otuz yeddi manat 42 qəpik) manat məbləğində vergi borcu, Dövlət Sosial Müdafiə Fonduna olan 84,09 (səksən dörd manat 09 qəpik) manat məbləğində borcu, İcbari Tibbi Sığorta Fonduna olan 6,74 (altı manat 74 qəpik) manat məbləğində borcu və İşsizlikdən Sığorta Fonduna olan 3,36 (üç manat 36 qəpik) manat məbləğində borcu, ”Nıfrısk Co” Məhdud Məsuliyyətli Cəmiyyətinin Dövlət Büdcəsinə olan 3895,83 (üç min səkkiz yüz doxsan beş manat 83 qəpik) manat məbləğində vergi borcu, Dövlət Sosial Müdafiə Fonduna olan 81,61 (səksən bir manat 61 qəpik) manat məbləğində borcu, İcbari Tibbi Sığorta Fonduna olan 6,54 (altı manat 54 qəpik) manat məbləğində borcu və İşsizlikdən Sığorta Fonduna olan 3,26 (üç manat 26 qəpik) manat məbləğində borcu, ”Lussak Company” Məhdud Məsuliyyətli Cəmiyyətinin Dövlət Büdcəsinə olan 848,15 (səkkiz yüz qırx yeddi manat 15 qəpik) manat məbləğində vergi borcu, Dövlət Sosial Müdafiə Fonduna olan 245,1 (iki yüz qırx beş manat 10 qəpik) manat məbləğində borcu, İcbari Tibbi Sığorta Fonduna olan 40,25 (qırx manat 25 qəpik) manat məbləğində borcu və İşsizlikdən Sığorta Fonduna olan 10,11 (on manat 11 qəpik) manat məbləğində borcu və "xxxx" Məhdud Məsuliyyətli Cəmiyyətinin Dövlət Büdcəsinə olan 5451,63 (beş min dörd yüz əlli bir manat 63 qəpik) manat məbləğində vergi borcu, Dövlət Sosial Müdafiə Fonduna olan 430,56 (dörd yüz otuz manat 56 qəpik) manat məbləğində borcu, İcbari Tibbi Sığorta Fonduna olan 37,9 (otuz yeddi manat 90 qəpik) manat məbləğində borcu və İşsizlikdən Sığorta Fonduna olan 17,6 (on yeddi manat 60 qəpik) manat məbləğində borcu ödənilənədək, həmin hüquqi şəxslərin icra orqanlarının rəhbəri – 22 avqust 1979-cu il təvəllüdlü Maraqlı şəxs ölkədən getmək hüququnun müvəqqəti məhdudlaşdırılması barədə qətnamə qəbul olunmasını xahiş etmişdir. Həmin ərizəyə baxılması ilə əlaqədar Maraqlı şəxs məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq, məhkəməyə gəlməməsinin səbəbini və ya mümkünsüzlüyünü bildirmədən və bu səbəblərin üzürlü olması barədə sübutlar təqdim etmədən, məhkəməyə gəlməmişdir. Ərizəçi Azərbaycan Respublikası İqtisadiyyat Nazirliyi yanında Dövlət Vergi Xidmətinin Bakı şəhəri X1 üzrə Baş İdarəsi isə ərizə ilə məhkəməyə müraciət edərək, məhkəmə baxışının ərizəçinin nümayəndəsinin iştirakı olmadan keçirilməsini xahiş etmişdir. Məhkəmə Azərbaycan Respublikası Mülki-Prosessual Məcəlləsinin 355-7.2-ci maddəsinə əsaslanaraq işə tərəflərin iştirakı olmadan baxılmasını mümkün hesab edir. Məhkəmə, ərizəni və işin faktiki hallarını araşdıraraq, işdə olan sənədləri tədqiq etməklə sübutları qiymətləndirərək hesab edir ki, aşağıda göstərilənlərə əsasən ərizə təmin olunmalıdır. Belə ki, ərizənin məzmunu və iş materialları ilə müəyyən olunur ki, vergi öhdəliklərini və digər məcburi dövlət ödənişlərini Azərbaycan Respublikası Vergi Məcəlləsi ilə müəyyən edilmiş müddətdə yerinə yetirmədiklərinə görə 22 avqust 1979-cu il təvəllüdlü Maraqlı şəxs (ünvan: Abşeron rayonu, Mehdiabad qəsəbəsi, İsmət Qayıbov küçəsi) icra orqanlarının rəhbəri olduğu "xxxx" Məhdud Məsuliyyətli Cəmiyyətinin (VÖEN **********) 14 fevral 2023-cü il tarixə hesablanmış Dövlət Büdcəsinə 4537,42 manat məbləğində vergi borcu, Dövlət Sosial Müdafiə Fonduna 84,09 manat məbləğində borcu, İcbari Tibbi Sığorta Fonduna 6,74 manat məbləğində borcu və İşsizlikdən Sığorta Fonduna 3,36 manat məbləğində borcu, "xxxx" Məhdud Məsuliyyətli Cəmiyyətinin (VÖEN **********) 14 fevral 2023-cü il tarixə hesablanmış Dövlət Büdcəsinə 3895,83 manat məbləğində vergi borcu, Dövlət Sosial Müdafiə Fonduna 81,61 manat məbləğində borcu, İcbari Tibbi Sığorta Fonduna 6,54 manat məbləğində borcu və İşsizlikdən Sığorta Fonduna 3,26 manat məbləğində borcu, "xxxx" Məhdud Məsuliyyətli Cəmiyyətinin (VÖEN **********) 14 fevral 2023-cü il tarixə hesablanmış Dövlət Büdcəsinə 848,15 manat məbləğində vergi borcu, Dövlət Sosial Müdafiə Fonduna 245,10 manat məbləğində borcu, İcbari Tibbi Sığorta Fonduna 40,25 manat məbləğində borcu və İşsizlikdən Sığorta Fonduna 10,11 manat məbləğində borcu və "xxxx" Məhdud Məsuliyyətli Cəmiyyətinin (VÖEN **********) 14 fevral 2023-cü il tarixə hesablanmış Dövlət Büdcəsinə 5451,63 manat məbləğində vergi borcu, Dövlət Sosial Müdafiə Fonduna 430,56 manat məbləğində borcu, İcbari Tibbi Sığorta Fonduna 37,90 manat məbləğində borcu və İşsizlikdən Sığorta Fonduna 17,60 manat məbləğində borcu vardır və həmin vergi ödəyicilərinə həmin borcların ödənilməsinə dair xəbərdarlıq edilmişdir. Azərbaycan Respublikası Vergi Məcəlləsinin 1.4-cü maddəsinə əsasən, bu Məcəllənin vergitutmanın ümumi əsasları, vergilərin ödənilməsi qaydaları (ödənilməsi mənbələri istisna olmaqla), vergi ödəyicilərinin və dövlət vergi orqanlarının, habelə vergi münasibətlərinin digər iştirakçılarının vergitutma məsələləri ilə bağlı hüquq və vəzifələri, vergi nəzarətinin forma və metodları, vergi qanunvericiliyinin pozulmasına görə məsuliyyət, dövlət vergi orqanlarının və onların vəzifəli şəxslərinin hərəkətlərindən (hərəkətsizliyindən) şikayət edilməsi qaydaları ilə bağlı müddəaları məcburi dövlət sosial sığorta haqqı, icbari tibbi sığorta haqqı və işsizlikdən sığorta haqqına münasibətdə də tətbiq olunur. Həmin Məcəllənin 16.1.1-ci maddəsinə əsasən, qanunla müəyyən edilmiş vergiləri, habelə bu Məcəllə ilə müəyyən edilmiş qaydada hesablanmış faizləri, tətbiq edilmiş maliyyə sanksiyalarını və digər məcburi ödənişləri ödəmək vergi ödəyicisinin vəzifəsidir. Həmin Məcəllənin 23.1.15-3-cü maddəsinə əsasən, vergi ödəyicisi vergi öhdəliyini bu Məcəllə ilə müəyyən edilmiş müddətdə yerinə yetirmədikdə, hesablanmış vergilər üzrə borcların və faizlərin, tətbiq edilmiş maliyyə sanksiyalarının ödənilməsini təmin etmək üsulu kimi vergi ödəyicisi olan fiziki şəxsin və ya hüquqi şəxsin icra orqanının rəhbərinin ölkədən getmək hüququnun müvəqqəti məhdudlaşdırılması üçün məhkəməyə müraciət etmək vergi orqanın hüququdur. Azərbaycan Respublikası Miqrasiya Məcəlləsinin 9.3.6-1-ci maddəsinə əsasən, vergi, məcburi dövlət sosial sığorta, icbari tibbi sığorta və işsizlikdən sığorta haqları üzrə öhdəliyini qanunla müəyyən edilmiş hallarda və müddətlərdə yerinə yetirmədikdə, hesablanmış vergilər, məcburi dövlət sosial sığorta, icbari tibbi sığorta və işsizlikdən sığorta haqları üzrə borcları və faizləri, vergilər və məcburi dövlət sosial sığorta haqları üzrə tətbiq edilmiş maliyyə sanksiyalarını ödəməməsinə görə vətəndaşın ölkədən getmək hüququnun müvəqqəti məhdudlaşdırılması barədə məhkəmənin qanuni qüvvəyə minmiş qərarı olduqda – məhdudlaşdırmanın götürülməsi barədə qərar qəbul edilənədək - vətəndaşın ölkədən getmək hüququ müvəqqəti məhdudlaşdırıla bilər. Azərbaycan Respublikası Mülki-Prosessual Məcəlləsinin 305.1.12-ci maddəsinə əsasən, məhkəmə xüsusi icraat qaydasında vergi ödəyicisi və ya sığortaedən olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında işə baxır. Həmin Məcəllənin 355-5.1-ci maddəsinə əsasən, vergi ödəyicisi və ya sığortaedən vergi, məcburi dövlət sosial sığorta, icbari tibbi sığorta və işsizlikdən sığorta haqları üzrə öhdəliyini qanunla müəyyən edilmiş hallarda və müddətlərdə yerinə yetirmədikdə, hesablanmış vergilər, məcburi dövlət sosial sığorta, icbari tibbi sığorta və işsizlikdən sığorta haqları üzrə borcların və faizlərin, vergilər və məcburi dövlət sosial sığorta haqları üzrə tətbiq edilmiş maliyyə sanksiyalarının ödənilməsini təmin etmək üçün müvafiq icra hakimiyyəti orqanının müəyyən etdiyi orqan (qurum) fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması barədə məhkəməyə müraciət etmək hüququna malikdir. Həmin Məcəllənin 355-7.4-cü maddəsinə əsasən, vergi ödəyicisi və ya sığortaedən olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında qətnamə qəbul edildikdən dərhal sonra qüvvəyə minir və qətnamədən şikayətin verilməsi onun icrasını dayandırmır. Azərbaycan Respublikası Mülki-Prosessual Məcəlləsinin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 88-ci maddəsinə əsasən, məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Həmin Məcəllənin 217.4-cü maddəsinə əsasən, məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə də, məhkəmə yuxarıda qeyd olunanları nəzərə alıb, iş üzrə tədqiq edilən sübutlara qiymət verərək hesab edir ki, vergi ödəyicisi olan hüquqi şəxslər "xxxx" MMC, ”Nıfrısk Co” MMC, ”Lussak Company” MMC və "xxxx" MMC vergi öhdəliklərini və digər məcburi dövlət ödənişləri üzrə öhdəliklərini lazımi qaydada yerinə yetirmədiklərindən ərizəçi Azərbaycan Respublikası İqtisadiyyat Nazirliyi yanında Dövlət Vergi Xidmətinin Bakı şəhəri X1 üzrə Baş İdarəsinin ərizəsi əsaslıdır və təmin olunmalıdır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 216-220, 227, 305, 355-5, 355-6, 355-7, 358, 360 və 362-ci maddələrini rəhbər tutaraq, məhkəmə QƏT ETDİ: Ərizə təmin edilsin. 14 fevral 2023-cü il tarixə hesablanmış "xxxx" Məhdud Məsuliyyətli Cəmiyyətinin 4537,42 (dörd min beş yüz otuz yeddi manat 42 qəpik) manat vergi borcu Dövlət Büdcəsinə, 84,09 (səksən dörd manat 09 qəpik) manat borcu Dövlət Sosial Müdafiə Fonduna, 6,74 (altı manat 74 qəpik) manat borcu İcbari Tibbi Sığorta Fonduna və 3,36 (üç manat 36 qəpik) manat borcu İşsizlikdən Sığorta Fonduna, ”Nıfrısk Co” Məhdud Məsuliyyətli Cəmiyyətinin 3895,83 (üç min səkkiz yüz doxsan beş manat 83 qəpik) manat vergi borcu Dövlət Büdcəsinə, 81,61 (səksən bir manat 61 qəpik) manat borcu Dövlət Sosial Müdafiə Fonduna, 6,54 (altı manat 54 qəpik) manat borcu İcbari Tibbi Sığorta Fonduna və 3,26 (üç manat 26 qəpik) manat borcu İşsizlikdən Sığorta Fonduna, ”Lussak Company” Məhdud Məsuliyyətli Cəmiyyətinin 848,15 (səkkiz yüz qırx yeddi manat 15 qəpik) manat vergi borcu Dövlət Büdcəsinə, 245,1 (iki yüz qırx beş manat 10 qəpik) manat borcu Dövlət Sosial Müdafiə Fonduna, 40,25 (qırx manat 25 qəpik) manat borcu İcbari Tibbi Sığorta Fonduna və 10,11 (on manat 11 qəpik) manat borcu İşsizlikdən Sığorta Fonduna və "xxxx" Məhdud Məsuliyyətli Cəmiyyətinin 5451,63 (beş min dörd yüz əlli bir manat 63 qəpik) manat vergi borcu Dövlət Büdcəsinə, 430,56 (dörd yüz otuz manat 56 qəpik) manat borcu Dövlət Sosial Müdafiə Fonduna, 37,9 (otuz yeddi manat 90 qəpik) manat borcu İcbari Tibbi Sığorta Fonduna və 17,6 (on yeddi manat 60 qəpik) manat borcu İşsizlikdən Sığorta Fonduna ödənilənədək, həmin hüquqi şəxslərin icra orqanlarının rəhbəri – 22 avqust 1979-cu il təvəllüdlü Maraqlı şəxs ölkədən getmək hüququ müvəqqəti məhdudlaşdırılsın. Qətnamədən rəsmi qaydada verildiyi gündən bir ay müddətində Sumqayıt Kommersiya Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. Qətnamə qəbul edildikdən dərhal sonra qanuni qüvvəyə minir və qətnamədən şikayət verilməsi onun icrasını dayandırmır. Sədrlik edən Zülfüqar Sadiqov