Sumqayıt Kommersiya Məhkəməsi Qərardad — İş №e-2-2(119)-606/2020

Azərbaycan Respublikası adından QƏRARDAD Sumqayıt şəhəri İş № e-2-2(119)-606/2020 10.09.2020 SUMQAYIT KOMMERSİYA MƏHKƏMƏSİ Sumqayıt Kommersiya Məhkəməsinin hakimi Sadiqov Zülfüqar Əhməd oğlu, iddiaçı “İddiaçı1“ X3 tərəfindən kiçik iddialara dair işlər üzrə sadələşdirilmiş icraat qaydasında cavabdehlər “Cavabdeh2” X2 və Cavabdeh1 qarşı verilmiş “pul tələbi” barədə iddia ərizəsini nəzərdən keçirib, M Ü Ə Y Y Ə N E T D İ: İddiaçı “İddiaçı1“ X3 “Elektron məhkəmə” informasiya sistemində yaradılmış elektron kabinet vasitəsilə kiçik iddialara dair işlər üzrə sadələşdirilmiş icraat qaydasında cavabdehlər “Cavabdeh2” X2 və Cavabdeh1 qarşı “pul tələbi” barədə iddia ərizəsi ilə məhkəməyə müraciət edərək, “11013 (on bir min on üç) manat pulun 2018-ci ilə görə faiz dərəcəsi 9% olmaqla 991,17 manat, 2019-cu ilə görə faiz dərəcəsi 8% olmaqla 881,04 manat itirilmiş gəlirin, müqavilə üzrə 10433 manatın gecikdirilmiş günlər üçün 37558 manat dəbbə pulun, 580 manatın hər gecikdirilmiş 2088 manat dəbbə pulun və ödənilmiş 30 manat dövlət rüsumun cavabdehlər “Cavabdeh2” X1 və Cavabdeh1 müştərək qaydada tutularaq Cəmiyyətə ödənilməsi” barədə qətnamə qəbul edilməsini xahiş etmişdir. Kiçik mübahisələr üzrə iddia ərizəsini və ona əlavə edilmiş sənədləri nəzərdən keçirərək hesab edirəm ki, aşağıda göstərilənlərə əsasən həmin ərizənin qəbul edilməsindən imtina olunmalıdır. Belə ki, iddiaçı “İddiaçı1“ X3 kiçik iddialara dair işlər üzrə sadələşdirilmiş icraat qaydasında cavabdehlər “Cavabdeh2” X2 və Cavabdeh1 qarşı iddia ərizəsi ilə məhkəməyə müraciət edərək, “11013 (on bir min on üç) manat pulun 2018-ci ilə görə faiz dərəcəsi 9% olmaqla 991,17 manat, 2019-cu ilə görə faiz dərəcəsi 8% olmaqla 881,04 manat itirilmiş gəlirin, müqavilə üzrə 10433 manatın gecikdirilmiş günlər üçün 37558 manat dəbbə pulun, 580 manatın hər gecikdirilmiş 2088 manat dəbbə pulun və ödənilmiş 30 manat dövlət rüsumun cavabdehlər “Cavabdeh2” X1 və Cavabdeh1 müştərək qaydada tutularaq Cəmiyyətə ödənilməsi” barədə qətnamə qəbul edilməsini xahiş etmişdir. Lakin, Azərbaycan Respublikası Mülki-Prosessual Məcəlləsinin 284-1-ci maddəsinin tələblərinə uyğun olaraq kiçik iddialara dair işlər üzrə sadələşdirilmiş icraat qaydasında həmin iddia tələbinə baxıla bilməz. Çünki, həmin maddənin tələblərinə görə kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Azərbaycan Respublikası Mülki-Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti iki min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-4.1 və 284-4.1.2-ci maddələrinə əsasən, verilmiş tələb bu Məcəllənin 284-1-ci maddəsinə uyğun deyildirsə - məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edir. Həmin Məcəllənin 284-4.2-ci maddəsinə əsasən, Mülki-Prosessual Məcəllənin 284- 4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o, qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. Həmin Məcəllənin 284-4.3-cü maddəsinə əsasən, ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Bu halda iddiaçı tərəfindən ödənilmiş dövlət rüsumu ödənilməli olan dövlət rüsumuna hesablanır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 263-264 və 284-1 - 284-4-cü maddələrini rəhbər tutub, Q Ə R A R A A L D İ: İddiaçı “İddiaçı1“ X3 tərəfindən kiçik iddialara dair işlər üzrə sadələşdirilmiş icraat qaydasında cavabdehlər “Cavabdeh2” X2 və Cavabdeh1 qarşı verilmiş “pul tələbi” barədə iddia ərizəsinin qəbul olunmasından imtina edilsin. İddiaçıya izah olunsun ki, kiçik iddialara dair işlər üzrə sadələşdirilmiş icraat qaydasında verilmiş iddia ərizəsinin qəbul edilməsindən imtina olunması - iddiaçının həmin tələb üzrə iddia icraatı qaydasında iddia verməsinə mane olmur. Qərardaddan şikayət verilə bilməz. Hakim Zülfüqar Sadiqov