Sumqayıt Kommersiya Məhkəməsi Qərardad — İş №e-2-2(119)-667/2021

Azərbaycan Respublikası adından QƏRARDAD Sumqayıt şəhəri İş № e-2-2(119)-667/2021 21.05.2021 SUMQAYIT KOMMERSİYA MƏHKƏMƏSİ Sumqayıt Kommersiya Məhkəməsinin hakimi Sadiqov Zülfüqar Əhməd oğlu, İddiaçı tərəfindən Cavabdeh qarşı verilmiş “pul tələbi” barədə iddia ərizəsini və ərizəyə əlavə olunmuş sənədləri nəzərdən keçirib, MÜƏYYƏN E T D İ: İddiaçı “Elektron məhkəmə” informasiya sistemində yaradılmış elektron kabinet vasitəsi ilə Cavabdeh qarşı “pul tələbi” barədə iddia ərizəsi ilə Sumqayıt Kommersiya Məhkəməsinə müraciət etmişdir. Azərbaycan Respublikası Mülki-Prosessual Məcəlləsinin 10-1.1-ci maddəsinə əsasən, elektron qaydada mülki işlər və kommersiya mübahisələri üzrə məhkəmə icraatı bu Məcəllə ilə müəyyən edilmiş ümumi prosessual qaydalara uyğun olaraq “Elektron məhkəmə” informasiya sistemi vasitəsilə aparılır. Həmin Məcəllənin 151.1-ci maddəsinə əsasən, iddia ərizəsi Mülki-Prosessual Məcəllənin tələblərinə riayət edilməklə verildikdə, onun məhkəmə icraatı mümkündür. Məhkəmə icraatının mümkünlüyünün yoxlanılması ilə əlaqədar İddiaçı Cavabdeh qarşı “pul tələbi” barədə iddia ərizəsini və ona əlavə edilmiş sənədləri nəzərdən keçirərək hesab edirəm ki, aşağıda göstərilənlərə əsasən həmin iddia ərizəsi geri qaytarılmalıdır. Belə ki, iddia ərizəsinə əlavə edilmiş sənədlərlə müəyyən olunur ki, “ünvan 1 ünvanında qeydiyyatda olan (həmin ərazi uzun illər işğal altında olduğuna görə o, həmin ünvanda yaşamır) Cavabdeh hal-hazırda rəsmi yaşayış yeri “ünvan 2 ünvanıdır (iddia ərizəsində də həmin ünvan göstərilmişdir) və o, məcburi köçkün olaraq həmin ünvanda qeydiyyata alınmışdır. Buna görə də, Cavabdeh şəxsiyyət vəsiqəsi Bakı şəhər Nərimanov rayon Polis İdarəsi tərəfindən verilmiş və eyni zamanda, iddia ərizəsinə əlavə edilmiş “Fiziki şəxsin sahibkarlıq uçotu haqqında” şəhadətnamədə (VÖEN **********) onun ünvanı “ünvan 5dir. Həmçinin, iddiaçı tərəfindən iddia ərizəsində də Cavabdeh ünvanı “ünvan 6la aparılan bütün yazışmalarda və tərtib edilən sənədlərdə (müqavilə və s.) həmin ünvan onun olduğu ünvan kimi göstərilmişdir. Eləcə də, iddia ərizəsinə əlavə edilmiş Azərbaycan Respublikası Qaçqınların və X1 üzrə Dövlət Komitəsinin 06 yanvar 2021-ci il tarixli 02/06/1 nömrəli məktubunda da qeyd olunur ki, məcburi köçkün Cavabdeh “ünvan 2 ünvanında məskunlaşmışdır (məcburi köçkünlərin rəsmi yaşayış yeri Azərbaycan Respublikası Qaçqınların və X1 üzrə Dövlət Komitəsi tərəfindən qeydə alındıqları yaşayış məntəqəsi hesab olunur). Göründüyü kimi, iddia ərizəsində cavabdeh qismində göstərilən Cavabdeh məcburi köçkün olaraq hal-hazlrda rəsmi qeydiyyatda olduğu ünvan Sumqayıt Kommersiya Məhkəməsinin yurisdiksiyasına aid olan ərazi vahidlərinin hər hansı birində yerləşmir (Bakı şəhərinin inzibati ərazisi Bakı Kommersiya Məhkəməsinin yurisdiksiyasına aid olan ərazi vahididir). Buna görə də, həmin iddia ərizəsinə ərazi aidiyyəti üzrə Sumqayıt Kommersiya Məhkəməsində baxıla bilməz. Azərbaycan Respublikası Mülki-Prosessual Məcəlləsinin 35.1-ci maddəsinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 40.1-ci maddəsinə əsasən, ərazi aidiyyəti qaydalarının pozulmasına yol verilmir. Həmin Məcəllənin 152.1.3-cü maddəsinə əsasən, əgər iş ərazi aidiyyəti üzrə həmin məhkəmədə baxılmalı deyildirsə - iddia ərizəsi və ona əlavə edilmiş sənədlər geri qaytarılır. Azərbaycan Respublikası Mülki-Prosessual Məcəlləsinin 152.4-cü maddəsinə əsasən, iddia ərizəsinin qaytarılması, nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 149-152, 263, 264, 267 və 268-ci maddələrinin tələblərini rəhbər tutaraq, QƏRARA ALDİ: İddiaçı tərəfindən Cavabdeh qarşı verilmiş “pul tələbi” barədə iddia ərizəsi iddiaçıya geri qaytarılsın. İddiaçıya izah olunsun ki, iddia ərizəsinin qaytarılması, nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan 10 gün müddətində Sumqayıt Kommersiya Məhkəməsinə şikayət verilə bilər. Hakim Zülfüqar Sadiqov