Sumqayıt Kommersiya Məhkəməsi Qərardad — İş №e-2-2(119)-852/2020

Azərbaycan Respublikası adından QƏRARDAD Sumqayıt şəhəri İş № e-2-2(119)-852/2020 02.12.2020 SUMQAYIT KOMMERSİYA MƏHKƏMƏSİ Sumqayıt Kommersiya Məhkəməsinin hakimi Məmmədov Zahid Tahir oğlu, İddiaçı Açıq Səhmdar Cəmiyyətinin cavabdeh X2 qarşı borcun tutulması tələbinə dair iddia ərizəsini nəzərdən keçirərək, MÜƏYYƏN ETDİ: İddiaçı cavabdehə qarşı borcun tutulması tələbi barədə iddia ərizəsi ilə məhkəməyə müraciət edərək, 7155 manat əsas borc, 1942.65 manat cərimə borcu və 30 manat dövlət rüsumunun X1 tutularaq İddiaçı ASC-yə ödənilməsi barədə qətnamə qəbul edilməsini xahiş etmişdir. Azərbaycan Respublikası Mülki Prosessual Məcəlləsinin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. Həmin Məcəllənin 153.2.4-cü maddəsinə əsasən eyni tərəflər arasında, eyni predmet barəsində və eyni əsaslar üzrə mübahisəyə dair başqa məhkəmənin icraatında iş olarsa hakim iddianın yolverilməzliyinə görə iddia ərizəsini qəbul etməkdən imtina edir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir, Mülki Prosessual Məcəllənin 153.2.4-cü maddəsinin tələblərinə uyğun olaraq, iddianın yolverilməzliyinə görə iddia ərizəsinin qəbul edilməsindən imtina edilməlidir. Belə ki, hal-hazırda Sumqayıt Kommersiya Məhkəməsinin icraatında olan e-2-2(119)- 317/2020 nömrəli işin materialları ilə müəyyən olunur ki, iddiaçı “xxxx” ASC cavabdeh X2 qarşı borcun tutulması tələbi barədə iddia ərizəsi ilə məhkəməyə müraciət etmiş, həmin iş üzrə məhkəmənin xx xxxxxxxx 2020-ci il tarixli qərardadı ilə icraat dayandırılmışdır. Hər iki iş üzrə iddia tələbi xx.xx.2018-ci il tarixli, 244-L/18 saylı lizinq müqaviləsi üzrə borcla əlaqədar tələbdir. “xxxx” Açıq Səhmdar Cəmiyyətinin fəaliyyətinin tənzimlənməsi ilə bağlı bəzi tədbirlər haqqında” Azərbaycan Respublikası Prezidentinin 2020-ci il 17 avqust tarixli, 1137 nömrəli Fərmanına əsasən Azərbaycan Respublikası Kənd Təsərrüfatı Nazirliyinin tabeliyindəki “xxxx” Açıq Səhmdar Cəmiyyətinin adı dəyişdirilərək İddiaçı Açıq Səhmdar Cəmiyyəti adlandırılmışdır. Hal-hazırda Sumqayıt Kommersiya Məhkəməsinin icraatında olan e-2- 2(119)-317/2020 nömrəli işdə iddiaçı qismində “xxxx” Açıq Səhmdar Cəmiyyəti çıxış edir. Göründüyü kimi, eyni tərəflər arasında, eyni predmet barəsində və eyni əsaslar üzrə mübahisəyə dair iş artıq Sumqayıt Kommersiya Məhkəməsinin icraatında vardır. Yəni, iddiaçı eyni cavabdehə qarşı, eyni tələb üzrə, eyni əsaslarla təkrarən məhkəməyə müraciət etmişdir. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 153, 263, 264, 267 və 268-ci maddələrinin tələblərini rəhbər tutaraq, QƏRARA A L D İ: İddianın yolverilməzliyinə görə İddiaçı Açıq Səhmdar Cəmiyyətinin cavabdeh X2 qarşı borcun tutulması tələbi barədə iddia ərizəsinin icraata qəbul olunmasından imtina edilsin. Qərardaddan 10 gün müddətində Sumqayıt Kommersiya Məhkəməsinə şikayət verilə bilər. Hakim Zahid Məmmədov