Sumqayıt Kommersiya Məhkəməsi Qətnamə — İş №e-2-2(119)-950/2024

Azərbaycan Respublikası adından QƏTNAMƏ Sumqayıt şəhəri İş № e-2-2(119)-950/2024 29.05.2024 Sumqayıt Kommersiya Məhkəməsi Sumqayıt Kommersiya Məhkəməsinin hakimi Sadiqov Zülfüqar Əhməd oğlunun sədrliyi, X1 qızının katibliyi ilə, ərizəçi Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsi tərəfindən xüsusi icraat qaydasında Maraqlı şəxs qarşı verilmiş "ölkədən getmək hüququnun müvəqqəti məhdudlaşdırılması" barədə ərizəyə dair kommersiya işinə açıq məhkəmə iclasında baxaraq, məhkəmə M Ü Ə Y Y Ə N E T D İ: Ərizəçi Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsi “Elektron məhkəmə” informasiya sistemində yaradılmış elektron kabinet vasitəsi ilə Maraqlı şəxs qarşı “ölkədən getmək hüququnun müvəqqəti məhdudlaşdırılması” barədə ərizə ilə məhkəməyə müraciət edərək, 10 may 2024-cü il tarixə hesablanmış "xxxx" Məhdud Məsuliyyətli Cəmiyyətinin 32842,85 (otuz iki min səkkiz yüz qırx iki manat 85 qəpik) manat vergi borcu Dövlət Büdcəsinə, 187,94 (yüz səksən yeddi manat 94 qəpik) manat borcu Dövlət Sosial Müdafiə Fonduna, 30,04 (otuz manat 04 qəpik) manat borcu İcbari Tibbi Sığorta Fonduna və 7,54 (yeddi manat 54 qəpik) manat borcu İşsizlikdən Sığorta Fonduna, ”Sellionez” Məhdud Məsuliyyətli Cəmiyyətinin 33307,6 (otuz üç min üç yüz yeddi manat 60 qəpik) manat vergi borcu Dövlət Büdcəsinə, 549,9 (beş yüz qırx doqquz manat 90 qəpik) manat borcu Dövlət Sosial Müdafiə Fonduna, 87,9 (səksən yeddi manat 90 qəpik) manat borcu İcbari Tibbi Sığorta Fonduna və 21,99 (iyirmi bir manat 99 qəpik) manat borcu İşsizlikdən Sığorta Fonduna, ”Refresh C” Məhdud Məsuliyyətli Cəmiyyətinin 2425,73 (iki min dörd yüz iyirmi beş manat 73 qəpik) manat vergi borcu Dövlət Büdcəsinə, 278,16 (iki yüz yetmiş səkkiz manat 16 qəpik) manat borcu Dövlət Sosial Müdafiə Fonduna, 44,46 (qırx dörd manat 46 qəpik) manat borcu İcbari Tibbi Sığorta Fonduna və 11,16 (on bir manat 16 qəpik) manat borcu İşsizlikdən Sığorta Fonduna, "xxxx" Məhdud Məsuliyyətli Cəmiyyətinin 38810,28 (otuz səkkiz min səkkiz yüz on manat 28 qəpik) manat vergi borcu Dövlət Büdcəsinə, 93,89 (doxsan üç manat 89 qəpik) manat borcu Dövlət Sosial Müdafiə Fonduna, 15 (on beş) manat borcu İcbari Tibbi Sığorta Fonduna və 3,76 (üç manat 76 qəpik) manat borcu İşsizlikdən Sığorta Fonduna və ”Pinses L” Məhdud Məsuliyyətli Cəmiyyətinin 32837,27 (otuz iki min səkkiz yüz otuz yeddi manat 27 qəpik) manat vergi borcu Dövlət Büdcəsinə, 281,67 (iki yüz səksən bir manat 67 qəpik) manat borcu Dövlət Sosial Müdafiə Fonduna, 45,02 (qırx beş manat 02 qəpik) manat borcu İcbari Tibbi Sığorta Fonduna və 11,27 (on bir manat 27 qəpik) manat borcu İşsizlikdən Sığorta Fonduna və eləcə də, hüquqi şəxs yaratmadan sahibkarlıq fəaliyyəti ilə məşğul olduğu üçün vergi ödəyicisi olan Maraqlı şəxs (VÖEN **********) 85,24 (səksən beş manat 24 qəpik) manat borcu Dövlət Sosial Müdafiə Fonduna və 15,14 (on beş manat 14 qəpik) manat borcu İcbari Tibbi Sığorta Fonduna ödənilənədək, həmin hüquqi şəxslərin icra orqanlarının rəhbəri və vergi ödəyicisi – xx xxx 1977-ci il təvəllüdlü Maraqlı şəxs ölkədən getmək hüququnun müvəqqəti məhdudlaşdırılması barədə qətnamə qəbul olunmasını xahiş etmişdir. Həmin ərizəyə baxılması ilə əlaqədar Maraqlı şəxs məhkəmə baxış iclasının vaxtı və yeri haqqında lazımi qaydada xəbərdar edilməsinə baxmayaraq, məhkəməyə gəlməməsinin səbəbini və ya mümkünsüzlüyünü bildirmədən və bu səbəblərin üzrlü olması barədə sübutlar təqdim etmədən, məhkəməyə gəlməmişdir. Ərizəçi Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsi isə ərizə ilə məhkəməyə müraciət edərək, məhkəmə iclasının ərizəçinin nümayəndəsinin iştirakı olmadan keçirilməsini xahiş etmişdir. Məhkəmə, Azərbaycan Respublikası Mülki-Prosessual Məcəlləsinin 355-7.2-ci maddəsinə əsasən işə tərəflərin iştirakı olmadan baxılmasını mümkün hesab etmişdir. Məhkəmə, ərizəni və işin faktiki hallarını araşdıraraq, işdə olan sənədləri tədqiq etməklə sübutları qiymətləndirərək hesab edir ki, aşağıda göstərilənlərə əsasən "ölkədən getmək hüququnun müvəqqəti məhdudlaşdırılması" barədə ərizə təmin olunmalıdır. Belə ki, ərizənin məzmunu və iş materialları ilə müəyyən olunur ki, vergi öhdəliklərini və digər məcburi dövlət ödənişlərini Azərbaycan Respublikası Vergi Məcəlləsi ilə müəyyən edilmiş müddətdə yerinə yetirmədiklərinə görə 30 dekabr 1971-ci il təvəllüdlü Maraqlı şəxs (ünvan: ünvan 1r - "xxxx" Məhdud Məsuliyyətli Cəmiyyətinin (VÖEN **********) 10 may 2024-cü il tarixə hesablanmış Dövlət Büdcəsinə 32842,85 manat vergi borcu, Dövlət Sosial Müdafiə Fonduna 187,94 manat borcu, İşsizlikdən Sığorta Fonduna 7,54 manat borcu və İcbari Tibbi Sığorta Fonduna 30,04 manat borcu, "xxxx" Məhdud Məsuliyyətli Cəmiyyətinin (VÖEN **********) 10 may 2024-cü il tarixə hesablanmış Dövlət Büdcəsinə 33307,6 manat vergi borcu, Dövlət Sosial Müdafiə Fonduna 549,9 manat borcu, İcbari Tibbi Sığorta Fonduna 87,9 manat borcu və İşsizlikdən Sığorta Fonduna 21,99 manat borcu, "xxxx" Məhdud Məsuliyyətli Cəmiyyətinin (VÖEN **********) 10 may 2024-cü il tarixə hesablanmış Dövlət Büdcəsinə 2425,73 manat vergi borcu, Dövlət Sosial Müdafiə Fonduna 278,16 manat borcu, İcbari Tibbi Sığorta Fonduna 44,46 manat borcu və İşsizlikdən Sığorta Fonduna 11,16 manat borcu, "xxxx" Məhdud Məsuliyyətli Cəmiyyətinin (VÖEN **********) 10 may 2024-cü il tarixə hesablanmış Dövlət Büdcəsinə 38810,28 manat vergi borcu, Dövlət Sosial Müdafiə Fonduna 93,89 manat borcu, İcbari Tibbi Sığorta Fonduna 15 manat məbləğində borcu və İşsizlikdən Sığorta Fonduna 3,76 manat borcu və "xxxx" Məhdud Məsuliyyətli Cəmiyyətinin (VÖEN **********) 10 may 2024-cü il tarixə hesablanmış Dövlət Büdcəsinə 32837,27 manat vergi borcu, Dövlət Sosial Müdafiə Fonduna 281,67 manat borcu, İcbari Tibbi Sığorta Fonduna 45,02 manat borcu və İşsizlikdən Sığorta Fonduna 11,27 manat borcu vardır. Eləcə də, hüquqi şəxs yaratmadan sahibkarlıq fəaliyyəti ilə məşğul olduğu üçün vergi ödəyicisi olan xx xxx 1977-ci il təvəllüdlü Maraqlı şəxs (VÖEN **********) özünün də 10 may 2024-cü il tarixinə Dövlət Sosial Müdafiə Fonduna 85,24 manat məbləğində borcu və İcbari Tibbi Sığorta Fonduna 15,14 manat məbləğində borcu vardır. Həmin vergi ödəyicilərinə qeyd olunan borcların ödənilməsinə dair xəbərdarlıq edilmişdir. Azərbaycan Respublikası Vergi Məcəlləsinin 1.4-cü maddəsinə əsasən, bu Məcəllənin vergitutmanın ümumi əsasları, vergilərin ödənilməsi qaydaları (ödənilməsi mənbələri istisna olmaqla), vergi ödəyicilərinin və dövlət vergi orqanlarının, habelə vergi münasibətlərinin digər iştirakçılarının vergitutma məsələləri ilə bağlı hüquq və vəzifələri, vergi nəzarətinin forma və metodları, vergi qanunvericiliyinin pozulmasına görə məsuliyyət, dövlət vergi orqanlarının və onların vəzifəli şəxslərinin hərəkətlərindən (hərəkətsizliyindən) şikayət edilməsi qaydaları ilə bağlı müddəaları məcburi dövlət sosial sığorta haqqı, icbari tibbi sığorta haqqı və işsizlikdən sığorta haqqına münasibətdə də tətbiq olunur. Həmin Məcəllənin 16.1.1-ci maddəsinə əsasən, qanunla müəyyən edilmiş vergiləri, habelə bu Məcəllə ilə müəyyən edilmiş qaydada hesablanmış faizləri, tətbiq edilmiş maliyyə sanksiyalarını və digər məcburi ödənişləri ödəmək vergi ödəyicisinin vəzifəsidir. Həmin Məcəllənin 23.1.15-3-cü maddəsinə əsasən, vergi ödəyicisi vergi öhdəliyini bu Məcəllə ilə müəyyən edilmiş müddətdə yerinə yetirmədikdə, hesablanmış vergilər üzrə borcların və faizlərin, tətbiq edilmiş maliyyə sanksiyalarının ödənilməsini təmin etmək üsulu kimi vergi ödəyicisi olan fiziki şəxsin və ya hüquqi şəxsin icra orqanının rəhbərinin ölkədən getmək hüququnun müvəqqəti məhdudlaşdırılması üçün məhkəməyə müraciət etmək vergi orqanın hüququdur. Azərbaycan Respublikası Miqrasiya Məcəlləsinin 9.3.6-1-ci maddəsinə əsasən, vergi, məcburi dövlət sosial sığorta, icbari tibbi sığorta və işsizlikdən sığorta haqları üzrə öhdəliyini qanunla müəyyən edilmiş hallarda və müddətlərdə yerinə yetirmədikdə, hesablanmış vergilər, məcburi dövlət sosial sığorta, icbari tibbi sığorta və işsizlikdən sığorta haqları üzrə borcları və faizləri, vergilər və məcburi dövlət sosial sığorta haqları üzrə tətbiq edilmiş maliyyə sanksiyalarını ödəməməsinə görə vətəndaşın ölkədən getmək hüququnun müvəqqəti məhdudlaşdırılması barədə məhkəmənin qanuni qüvvəyə minmiş qərarı olduqda – məhdudlaşdırmanın götürülməsi barədə qərar qəbul edilənədək - vətəndaşın ölkədən getmək hüququ müvəqqəti məhdudlaşdırıla bilər. Azərbaycan Respublikası Mülki-Prosessual Məcəlləsinin 305.1.12-ci maddəsinə əsasən, məhkəmə xüsusi icraat qaydasında vergi ödəyicisi və ya sığortaedən olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında işlərə baxır. Həmin Məcəllənin 355-5.1-ci maddəsinə əsasən, vergi ödəyicisi və ya sığortaedən vergi, məcburi dövlət sosial sığorta, icbari tibbi sığorta və işsizlikdən sığorta haqları üzrə öhdəliyini qanunla müəyyən edilmiş hallarda və müddətlərdə yerinə yetirmədikdə, hesablanmış vergilər, məcburi dövlət sosial sığorta, icbari tibbi sığorta və işsizlikdən sığorta haqları üzrə borcların və faizlərin, vergilər və məcburi dövlət sosial sığorta haqları üzrə tətbiq edilmiş maliyyə sanksiyalarının ödənilməsini təmin etmək üçün müvafiq icra hakimiyyəti orqanının müəyyən etdiyi orqan (qurum) fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması barədə məhkəməyə müraciət etmək hüququna malikdir. Həmin Məcəllənin 355-7.4-cü maddəsinə əsasən, vergi ödəyicisi və ya sığortaedən olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında qətnamə qəbul edildikdən dərhal sonra qüvvəyə minir və qətnamədən şikayətin verilməsi onun icrasını dayandırmır. Azərbaycan Respublikası Mülki-Prosessual Məcəlləsinin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 88-ci maddəsinə əsasən, məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Həmin Məcəllənin 217.4-cü maddəsinə əsasən, məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə də, məhkəmə yuxarıda qeyd olunanları nəzərə alıb, iş üzrə tədqiq edilən sübutlara qiymət verərək hesab edir ki, vergi ödəyicisi olan hüquqi şəxslər "xxxx" MMC, ”Sellionez” MMC, ”Refresh C” MMC, "xxxx" MM, ”Pinses L” MMC və həmçinin, hüquqi şəxs yaratmadan sahibkarlıq fəaliyyəti ilə məşğul olduğu üçün vergi ödəyicisi olan Maraqlı şəxs vergi öhdəliklərini və digər məcburi dövlət ödənişləri üzrə öhdəliklərini lazımi qaydada yerinə yetirmədiklərindən ərizəçi Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsinin ərizəsi əsaslıdır və təmin olunmalıdır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 216-220, 227, 305, 355-5, 355-6, 355-7, 358, 360 və 362-ci maddələrini rəhbər tutaraq, məhkəmə QƏT ETDİ: Ərizə təmin edilsin. 10 may 2024-cü il tarixə hesablanmış "xxxx" Məhdud Məsuliyyətli Cəmiyyətinin 32842,85 (otuz iki min səkkiz yüz qırx iki manat 85 qəpik) manat vergi borcu Dövlət Büdcəsinə, 187,94 (yüz səksən yeddi manat 94 qəpik) manat borcu Dövlət Sosial Müdafiə Fonduna, 30,04 (otuz manat 04 qəpik) manat borcu İcbari Tibbi Sığorta Fonduna və 7,54 (yeddi manat 54 qəpik) manat borcu İşsizlikdən Sığorta Fonduna, ”Sellionez” Məhdud Məsuliyyətli Cəmiyyətinin 33307,6 (otuz üç min üç yüz yeddi manat 60 qəpik) manat vergi borcu Dövlət Büdcəsinə, 549,9 (beş yüz qırx doqquz manat 90 qəpik) manat borcu Dövlət Sosial Müdafiə Fonduna, 87,9 (səksən yeddi manat 90 qəpik) manat borcu İcbari Tibbi Sığorta Fonduna və 21,99 (iyirmi bir manat 99 qəpik) manat borcu İşsizlikdən Sığorta Fonduna, ”Refresh C” Məhdud Məsuliyyətli Cəmiyyətinin 2425,73 (iki min dörd yüz iyirmi beş manat 73 qəpik) manat vergi borcu Dövlət Büdcəsinə, 278,16 (iki yüz yetmiş səkkiz manat 16 qəpik) manat borcu Dövlət Sosial Müdafiə Fonduna, 44,46 (qırx dörd manat 46 qəpik) manat borcu İcbari Tibbi Sığorta Fonduna və 11,16 (on bir manat 16 qəpik) manat borcu İşsizlikdən Sığorta Fonduna, "xxxx" Məhdud Məsuliyyətli Cəmiyyətinin 38810,28 (otuz səkkiz min səkkiz yüz on manat 28 qəpik) manat vergi borcu Dövlət Büdcəsinə, 93,89 (doxsan üç manat 89 qəpik) manat borcu Dövlət Sosial Müdafiə Fonduna, 15 (on beş) manat borcu İcbari Tibbi Sığorta Fonduna və 3,76 (üç manat 76 qəpik) manat borcu İşsizlikdən Sığorta Fonduna və ”Pinses L” Məhdud Məsuliyyətli Cəmiyyətinin 32837,27 (otuz iki min səkkiz yüz otuz yeddi manat 27 qəpik) manat vergi borcu Dövlət Büdcəsinə, 281,67 (iki yüz səksən bir manat 67 qəpik) manat borcu Dövlət Sosial Müdafiə Fonduna, 45,02 (qırx beş manat 02 qəpik) manat borcu İcbari Tibbi Sığorta Fonduna və 11,27 (on bir manat 27 qəpik) manat borcu İşsizlikdən Sığorta Fonduna və hüquqi şəxs yaratmadan sahibkarlıq fəaliyyəti ilə məşğul olduğu üçün vergi ödəyicisi olan Maraqlı şəxs (VÖEN **********) 85,24 (səksən beş manat 24 qəpik) manat borcu Dövlət Sosial Müdafiə Fonduna və 15,14 (on beş manat 14 qəpik) manat borcu İcbari Tibbi Sığorta Fonduna ödənilənədək, həmin hüquqi şəxslərin icra orqanlarının rəhbəri və vergi ödəyicisi - xx xxx 1977-ci il təvəllüdlü Maraqlı şəxs ölkədən getmək hüququ müvəqqəti məhdudlaşdırılsın. Qətnamə qəbul edildikdən dərhal sonra qanuni qüvvəyə minir və qətnamədən şikayət verilməsi onun icrasını dayandırmır. Qətnamədən rəsmi qaydada verildiyi (elektron kabinetə yerləşdirildiyi) gündən bir ay müddətində Sumqayıt Kommersiya Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti (“Elektron məhkəmə” informasiya sistemində yaradılmış elektron kabinet vasitəsi ilə) verilə bilər. Sədrlik edən Zülfüqar Sadiqov