Şirvan Kommersiya Məhkəməsi Qərardad — İş №e-2-2(121)-278/2020

Azərbaycan Respublikası adından QƏRARDAD Şirvan şəhəri İş № e-2-2(121)-278/2020 27.01.2020 ŞİRVAN KOMMERSİYA MƏHKƏMƏSİ Şirvan Kommersiya Məhkəməsinin hakimi İsmayılov Rafiq Tofiq oğlu iddiaçı “X3” Məhdud Məsuliyyətli Cəmiyyətinin Cavabdehnə qarşı borcun tutulması barədə iddia ərizəsinə baxaraq, müəyyən etdi: İddiaçı “X3” Məhdud Məsuliyyətli Cəmiyyəti Cavabdehnə qarşı borcun tutulması barədə iddia ərizəsi ilə məhkəməyə müraciət etmişdir. Məhkəmə iş materiallarını nəzərdən keçirərək hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, Azərbaycan Respublikasının MPM-in 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. İş materiallarına əlavə olunmuş avtomobillərin texniki xidməti və təmiri üzrə xx xxxxxxx 2013-cü il tarixli, C-044-S-PCC-13 saylı müqavilədən göründüyü kimi, həmin müqavilənin tərəfi kimi X2 göstərilsə də, həmin müqavilədə qeyd olunan ********** saylı VÖEN Cavabdeh MMC-yə məxsusdur. Bundan başqa məhkəmə qeyd edir ki, kommersiya qurumlarının dövlət reyestri məlumatları haqqında Azərbaycan Respublikasının Vergilər Nazirliyinin İnternet Vergi İdarəsinin rəsmi internet səhifəsindən edilmiş çıxarışa əsasən, X2 vergi ödəyicisi kimi vergi orqanında qeydə alınmamışdır. Əlavə olaraq məhkəmə qeyd edir ki, iddiaçı “X3” Məhdud Məsuliyyətli Cəmiyyəti “Elektron məhkəmə” informasiya sistemində yaradılmış elektron kabinet vasitəsilə məhkəməyə müraciət edərək, cavabdeh kimi X1 deyil, Cavabdeh MMCni seçmişdir. İş materiallarına əlavə olunmuş vergi ödəyiciləri məlumatlarından çıxarışdan görünür ki, Cavabdeh MMC ünvan 1 məhəllə ünvanında vergi ödəyicisi kimi rəsmi olaraq qeydə alınmışdır. Azərbaycan Respublikası Məhkəmə-Hüquq Şurasının 2019-cu il 14 noyabr tarixli,4 saylı Qərarı ilə təsdiq edilmiş “Azərbaycan Respublikası apelyasiya, ağır cinayətlər, hərbi, inzibati və kommersiya məhkəmələrinin ərazi yurisdiksiyası”na əsasən, Yasamal rayonu BakıKommersiya Məhkəməsinin yurisdiksiyasına aid olan ərazi vahididir. Azərbaycan Respublikası Mülki Prosessual Məcəlləsinin 152.1.3-cü maddəsinə əsasən əgər iş ərazi aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. Belə olan halda məhkəmə hazırkı iddiaya ərazi aidiyyəti üzrə Şirvan Kommersiya Məhkəməsində baxılmalı olmadığını nəzərə alaraq hesab edir ki, iddia ərizəsi geri qaytarılmalı, iddiaçıya qeyd edilən nöqsan aradan qaldırıldıqdan sonra müvafiq məhkəməyə müraciət etmək hüququ izah edilməlidir. Şərh olunanlara əsasən və Azərbaycan Respublikası Mülki Prosessual Məcəlləsinin 152, 268-269–cu maddələrini rəhbər tutaraq məhkəmə, qərara aldı: İddiaçı “X3” Məhdud Məsuliyyətli Cəmiyyətinin Cavabdehnə qarşı borcun tutulması tələbinə dair iddia ərizəsi və ona əlavə edilmiş sənədlər geri qaytarılsın. Qərardad tərəfə rəsmi qaydada verildikdən sonra 10 (on) gün müddətində ondan Şirvan Kommersiya Məhkəməsinə şikayət verilə bilər. Hakim Rafiq İsmayılov