Naxçıvan Muxtar Respublikasının Kommersiya Məhkəməsi Qərardad — İş №e-2-2(123)-13/2021

Azərbaycan Respublikası adından QƏRARDAD Naxçıvan şəhəri İş № e-2-2(123)-13/2021 18.01.2021 NAXÇIVAN MUXTAR RESPUBLİKASININ KOMMERSİYA MƏHKƏMƏSİ Naxçıvan Muxtar Respublikası Kommersiya Məhkəməsinin hakimi Hüseynov Elnur Heydər oğlu X1 Açıq Səhmdar Cəmiyyəti və İddiaçı2 Cavabdeh qarşı borcun ödənilməsi tələbinə dair kommersiya mübahisəsinə sadələşdirilmiş qaydada baxaraq müəyyən etdi: X1 Açıq Səhmdar Cəmiyyəti və İddiaçı2 xx xxxxxx 2021-ci il tarixdə elektron ərizə ilə məhkəməyə müraciət edərək, tərəflər arasında yaranmış mübahisəni dərindən araşdırıb taxılbiçən kombayn üçün 1416 (bir min dörd yüz on altı) manat borcun və 30 (otuz) manat dövlət rüsumunun X2 Səhmdar Cəmiyyətinin hesabına ödənilməsinə dair qətnamə çıxarılmasını xahiş etmişlər. Məhkəmə iddia ərizəsini və ona əlavə edilmiş sənədləri nəzərdən keçirdib hesab edir ki, iddia ərizəsi Azərbaycan Respublikası Mülki Prosessual Məcəllənin 149-cu maddəsi ilə müəyyən olunmuş tələblərə cavab vermədiyindən geri qaytarılmalıdır. Belə ki, məhkəməyə elektron qaydada göndərilmiş iddia ərizəsində tələbinin əsaslandığı hallar dəqiq şərh edilməmiş, nəticə hissəsində tələbin kimə qarşı (cavabdehin adı, soyadı, atasının adı) yönəldiyi göstərilməmiş və tələbin əsaslığını təsdiq edən sənədlər ərizəyə əlavə edilməmişdir. Azərbaycan Respublikası Mülki Prosessuаl Məcəlləsinin: 149.2 və 149.2.3-cü mаddələrinə əsasən iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələb ərizədə göstərilməlidir. 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. 152.1 və 152.1.1-ci maddələrinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. 284-3.2 və 284-3.2.3-cü maddələrinə əsasən iddiaçının tələbi və onun əsaslandığı hallar ərizədə göstərilməlidir. Yuxarıda qeyd olunanlara əsasən məhkəmə belə qənaətə gəlir ki, iddiaçılar tərəfindən məhkəməyə təqdim edilmiş iddia ərizəsi qanunvericiliyin icrası məcburi olan göstərişlərinə əməl edilmədən məhkəməyə təqdim edildiyindən kommersiya mübahisəsi üzrə məhkəmə icraatı mümkün deyildir. Odur ki, iddiaçılar tərəfindən “Elektron məhkəmə” informasiya sistemində yaradılan elektron kabinet vasitəsi ilə məhkəməyə təqdim edilmiş iddia ərizəsi və ona əlavə edilmiş sənədlər geri qaytarılmalıdır. Məhkəmə iddiaçıların diqqətinə çatdırır ki, Azərbaycan Respublikasının Mülki Prosessuаl Məcəlləsinin 152.4-cü maddəsinə əsasən qeyd olunan nöqsanlar aradan qaldırıldıqdan sonra ümumi qaydada ikinci dəfə aidiyyəti üzrə “Elektron məhkəmə” informasiya sistemində yaradılan elektron kabinet vasitəsilə məhkəməyə müraciət edilə bilər. Azərbaycan Respublikası Mülki Prosessual Məcəlləsinin 114.1 və 114.1.3-cü maddələrinə müvafiq olaraq bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. Ona görə də iddiaçı Naxçıvan Aqroservis ASC tərəfindən “Asan ödəniş” sistemi vasitəsilə xx.xx.2021-ci il tarixli mədaxil qəbz ilə ödənilmiş 30 (otuz) manat məbləğində dövlət rüsumu iddiaçıya qaytarılmalıdır. Göstərilənlərə əsasən və Azərbaycan Respublikası Mülki Prosessuаl Məcəlləsinin 149 və 151-ci maddələrini rəhbər tutaraq məhkəmə q ə r a r v e r d i: X1 Açıq Səhmdar Cəmiyyəti və İddiaçı2 Cavabdeh qarşı borcun ödənilməsi tələbinə dair iddia ərizəsi və ona əlavə edilmiş sənədlər geri qaytarılsın. “Asan ödəniş” sistemi vasitəsilə xx.xx.2021-ci il tarixdə, ödənilmiş 30 (оtuz) manat məbləğində dövlət rüsumu iddiaçı Naxçıvan Aqroservis ASC-yə qaytarılsın. Qərardad tərəfə rəsmi qaydada verildikdən sonra 10 (on) gün müddətində Naxçıvan MR Kommersiya Məhkəməsinə “Elektron məhkəmə” informasiya sistemində yaradılan elektron kabinet vasitəsilə şikayət verilə bilər. Hakim: Elnur Hüseynov.