Biləsuvar Rayon Məhkəməsi Qətnamə — İş №e-2(5-115)-50/2026

Azərbaycan Respublikası adından QƏTNAMƏ Biləsuvar rayonu İş № e-2(5-115)-50/2026 05.02.2026 BİLƏSUVAR RAYON MƏHKƏMƏSİ Biləsuvar Rayon Məhkəməsinin hakimi Mirzəyev Nüsrət Fətulla oğlunun sədrliyi, hakim köməkçisi Abdullazadə Həsən Abdulla oğlunun katibliyi ilə, İddiaçı cavabdeh X3 qarşı pul tələbi barədə kiçik iddiasına dair mülki işə açıq məhkəmə iclasında baxaraq M Ü Ə Y Y Ə N E T D İ: İddiaçı cavabdeh X3 qarşı kiçik iddia ərizəsi ilə müraciət edərək, X1 borc müqaviləsinə (müqavilələrinə) əsasən 614 (altı yüz on dörd) manat əsas borc, 30 (otuz) manat məbləğində ödənilmiş dövlət rüsumunun, cəmi 644 (altı yüz qırx dörd) manat pul vəsaitinin alınaraq İddiaçı MMC-yə ödənilməsi barədə qətnamə çıxarılmasını xahiş etmişdir. İddia ərizəsində göstərilmişdir ki, cavabdeh X4 İddiaçı MMC ilə müddəti 22 ay olmaqla xx.xx.2022-ci il tarixli BLK6319580 saylı və 20 ay olmaqla xx.xx.2023-cü il tarixli BLK6430092 saylı borc müqaviləsi bağlamışdır. Həmin müqaviləyə əsasən cavabdeh iddiaçıdan ümumi dəyəri birinci müqavilə üzrə 1978 manat və ikinci müqavilə üzrə 1490 manat olan məişət avadanlığı əldə edib. Cavabdehin müqavilə üzrə ödənişlər etdikdən sonra iddiaçıya ümumilikdə 614 (altı yüz on dörd) manat əsas borcu qalıb. Yuxarıda göstərilənlərini nəzərə alaraq, cavabdeh X1 22 ay olmaqla xx.xx.2022-ci il tarixli BLK6319580 saylı və 20 ay olmaqla xx.xx.2023-cü il tarixli BLK6430092 saylı borc müqavilələrinə əsasən 614 (altı yüz on dörd) manat əsas borc, 30 (otuz) manat məbləğində ödənilmiş dövlət rüsumunun, cəmi 644 (altı yüz qırx dörd) manat pulun alınaraq İddiaçı MMC-yə ödənilməsi barədə qətnamə çıxarılması zəruridir. Məhkəmə hazırkı iddianın qiymətinin beş min manatdan az olmasını nəzərə alaraq mülki işə sadələşdirilmiş icraat qaydasında baxılmasını mümkün hesab etmişdir. Belə ki, Azərbaycan Respublikası Mülki-Prosessual Məcəlləsinin (MPM) 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Məhkəmə iddiaçının təqdim etdiyi sənədləri tədqiq edərək toplanmış sübutlara MPMin 88-ci maddəsinə əsasən məcmusu halında qiymət verərək hesab edir ki, iddia tələbi təmin olunmalıdır. Belə ki, iş materiallarında olan İddiaçı ilə cavabdeh X4 arasında xx.xx.2022-ci il tarixli BLK6319580 saylı müqaviləyə əsasən cavabdeh 1978 manat dəyərində aldığı malın dəyərini hər ay 81 manat ödəmək şərtilə 22 ay müddətində və xx.xx.2023-cü il tarixli BLK6430092 saylı müqaviləyə əsasən cavabdeh 1490 manat dəyərində aldığı malın dəyərini hər ay 73 manat ödəmək şərtilə 20 ay müddətində ödəməsini öhdəsinə götmüşdür. İşdə olan İddiaçı xx.xx.2025-ci il tarixli maliyyə arayışından görünür ki, X4 ilə İddiaçı arasında bağlanmış 22 ay olmaqla xx.xx.2022-ci il tarixli BLK6319580 saylı və 20 ay olmaqla xx.xx.2023-cü il tarixli BLK6430092 saylı müqaviləyə əsasən cavabdehin borcu ümumilikdə 614 (altı yüz on dörd) manat təşkil etmişdir. Beləliklə, işdə olan sübutlarla X4 ilə İddiaçı MMC arasında bağlanmış 22 ay olmaqla xx.xx.2022-ci il tarixli BLK6319580 saylı və 20 ay olmaqla xx.xx.2023-cü il tarixli BLK6430092 saylı müqaviləyə əsasən X2 İddiaçı MMC-yə 614 (altı yüz on dörd) manat borcunun yarandığı təsdiq olunur. Azərbaycan Respublikası Mülki Məcəlləsinin (MM) 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətləri etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 386.1-ci maddəsinin tələbinə görə öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Həmin Məcəllənin 567-ci maddəsinə əsasən alğı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 600.1-ci maddəsinə əsasən alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Qeyd olunanlara əsasən məhkəmə hesab edir ki, cavabdeh X4 xx.xx.2022-ci il tarixli BLK6319580 saylı və xx.xx.2023-cü il tarixli BLK6430092 saylı müqavilə üzrə öhdəliklərini vaxtında və lazımınca icra etmədiyinə görə 614 (altı yüz on dörd) manat məbləğdə pul vəsaiti cavabdeh X1 İddiaçı MMC-nin xeyrinə tutulmalıdır. MPM-in 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. MPM-in 119.1-ci maddəsinə əsasən məhkəmə hesab edir ki, məhkəməyə iddia ərizəsi verilərkən dövlət rüsumunun ödənilməsinə xərclənmiş vəsaitin əvəzi qismində 30 (otuz) manat məbləğdə pul vəsaiti cavabdehdən iddiaçının xeyrinə tutulmalıdır. Yuxarıda göstərilənlərə əsasən və MPM-in 216-220 və 222-ci maddələrinin göstərişini rəhbər tutaraq məhkəmə Q Ə T E T D İ: İddia təmin edilsin. Cavabdeh X1 İddiaçı xeyrinə 614 (altı yüz on dörd) manat əsas borc, 30 (otuz) manat məbləğində ödənilmiş dövlət rüsumu, cəmi 644 (altı yüz qırx dörd) manat pul vəsaiti tutulsun. Qətnamədən rəsmi qaydada verildiyi gündən 1 (bir) ay müddətində Biləsuvar Rayon Məhkəməsi vasitəsilə (“Elektron məhkəmə” informasiya sistemində yaradılan kabinetdən elektron qaydada) Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. X5