Göygöl Rayon Məhkəməsi Qətnamə — İş №e-2(5-124)-59/2026

Azərbaycan Respublikası adından QƏTNAMƏ Göygöl rayonu İş № e-2(5-124)-59/2026 19.02.2026 GÖYGÖL RAYON MƏHKƏMƏSİ Hakim Mustafayev Rəşad Mustafa oğlu, iddiaçı "xxxx" Məhdud Məsuliyyətli Cəmiyyətinin (bundan sonra-"xxxx" MMC) Cavabdeh qarşı “pul” tələbinə dair kiçik iddialarla bağlı ərizəsi üzrə mülki işə məhkəmənin inzibati binasında, sadələşdirilmiş icraat qaydasında məhkəmə iclasından kənar baxaraq, müəyyən etdim: İddiaçı "xxxx" MMC Cavabdeh qarşı “pul” tələbinə dair kiçik iddialarla bağlı ərizə ilə məhkəməyə müraciət edərək, xx.xx.2025-ci il tarixli müqaviləyə əsasən, İmei kod **********02721 İphone 13 üçün, 1024,04 (bir min iyirmi dörd manat, dörd qəpik) manat ödənilməmiş hissə, 102,40 (bir yüz iki manat, qırx qəpik) manat cərimə; xx.xx.2025-ci il tarixli müqaviləyə əsasən, Hoffman Soac kondisioner üçün, 483,75 (dörd yüz səksən üç manat, yetmiş beş qəpik) manat ödənilməmiş hissə, 48,38 (qırx səkkiz manat, otuz səkkiz qəpik) manat cərimə, ümumilikdə 1658,57 manat borc və 36,59 manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənməsi barədə qətnamə çıxarılmasını xahiş etmişdir. İddia tələbini onunla əsaslandırmışdır ki, cavabdeh ilə "xxxx" MMC arasında bağlanmış xx.xx.2025-ci il və xx.xx.2025-ci il tarixli müqavilələrə əsasən, İmei kod **********02721 İphone 13, Hoffman Soac kondisioner almış və nəticədə 1658,57 (bir min altı yüz əlli səkkiz manat, əlli yeddi qəpik) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2025-ci il tarixli müqaviləyə əsasən, alqı-satqı qiyməti 1429,04 (bir min dörd yüz iyirmi doqquz manat, dörd qəpik) manat (12 ay x 102,42 manat+200 manat ilkin ödəniş) olan İmei kod **********02721 İphone 13 üçün ümumilikdə, 1126,44 (bir min bir yüz iyirmi altı manat, qırx dörd qəpik) manat olmaqla ondan, 1024,04 (bir min iyirmi dörd manat. Dörd qəpik) manat ödənilməmiş hissə, güzəşt olunaraq 102,40 (bir yüz iki manat, qırx qəpik) manat cərimə; xx.xx.2025-ci il tarixli müqaviləyə əsasən, alqı-satqı qiyməti 548,96 (beş yüz qırx səkkiz manat, doxsan altı qəpik) manat (6 ay x 83,16 manat + 50 manat ilkin ödəniş) olan Hoffman Soac kondisioner üçün ümumilikdə 532,13 (beş yüz otuz iki manat, on üç qəpik) manat olmaqla ondan, 483,75 (dörd yüz səksən üç manat, yetmiş beş qəpik) manat ödənilməmiş hissə, güzəşt olunaraq 48,38 (qırx səkkiz manat, otuz səkkiz qəpik) manat cərimə miqdarında borc yaranmışdır. Cavabdehin cəmi ödədiyi məbləğ 470,21 manat təşkil edir. Ödəniş cədvəlinin 2-ci bəndinə əsasən, ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə aralarında bağlanılmış xx.xx.2025-ci il və xx.xx.2025-ci il tarixli müqavilələrin ayrılmaz tərkib hissəsi olan əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərdikləri xx.xx.2025-ci il tarixli xəbərdarlıq məktubunda mübahisənin məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirsələr də, qarşı tərəf müqavilə ilə təsbit olunmuş öhdəlikləri icra etməmişdir. Tələbin əsaslığını və əmlakın dəyərini sübut edən sənədlər: tərəflər arasında bağlanılmış Müqavilə, onun əlavəsi, bildirişi, əşyaların təhvil-təslimaktı və ödəniş cədvəlindən ibarətdir. Azərbaycan Respublikası Mülki Prosessual Məcəlləsinin 284-5-ci maddəsinə uyğun olaraq cavabdehə bildiriş və iddia ərizəsi ona əlavə edilmiş sənədlərlə birlikdə göndərilməklə, ona iddia tələbinə dair əsaslandırılmış etirazını, dəlillərini və sübutlarını təqdim etmək təklif olunsa da cavabdehdən iddiaya dair etiraz daxil olmamışdır. Məhkəmə iş üzrə sənədləri araşdıraraq hesab edir ki, iddia tələbi təmin edilməlidir. Belə ki, iş materiallarına əlavə edilmiş: "xxxx" MMC ilə alıcı Cavabdeh arasında bağlanmış xx.xx.2025-ci il tarixli, ********** saylı müqavilədən, təhvil-təslim aktından və əlavədən görünür ki, "xxxx" MMC alıcıya 1429,04 (bir min dörd yüz iyirmi doqquz manat, dörd qəpik) manat dəyərində İmei kod **********02721 İphone 13-ün dəyərini hissə-hissə ödəmə şərti ilə satmışdır. Alıcı aldığı malın dəyərini müqavilədə göstərilən ödəmə tarixində şərtsiz və ödəmənin hər gecikdiyi gün üçün müddəti keçmiş məbləğin 1%-i miqdarında cərimə ödəməyi barədə üzərinə öhdəlik götürmüşdür. Cavabdeh həmin müqavilə üzrə 200 manat ilkin ödəniş olmaqla sonrakı aylar İmei kod **********02721 İphone 13 üçün hər ay 102,42 (bir yüz iki manat, qırx iki qəpik) manat ödəniş etmək öhdəliyini üzərinə götürmüşdür. "xxxx" MMC ilə alıcı Cavabdeh arasında bağlanmış xx.xx.2025-ci il tarixli, ********** saylı müqavilədən, təhvil-təslim aktından və əlavədən görünür ki, "xxxx" MMC alıcıya dəyəri 548,96 (beş yüz qırx səkkiz manat, doxsan altı qəpik) manat olan Hoffman Soac kondisioner-in dəyərini hissə-hissə ödəmə şərti ilə satmışdır. Alıcı aldığı malın dəyərini müqavilədə göstərilən ödəmə tarixində şərtsiz və ödəmənin hər gecikdiyi gün üçün müddəti keçmiş məbləğin 1%-i miqdarında cərimə ödəməyi barədə üzərinə öhdəlik götürmüşdür. Cavabdeh həmin müqavilə üzrə 50 manat ilkin ödəniş olmaqla sonrakı aylar Hoffman Soac kondisioner üçün hər ay 83,16 (səksən üç manat, on altı qəpik) manat ödəniş etmək öhdəliyini üzərinə götürmüşdür. xx.xx.2026-cı il tarixli "xxxx" MMC-nin maliyyə və ödəniş cədvəlindən görünür ki, Cavabdeh xx.xx.2025-ci il tarixli müqaviləyə əsasən "xxxx" MMC-dən İmei kod **********02721 İphone 13 12 ay müddətinə ödəmək şərti ilə dəyəri 1429,04 (bir min dörd yüz iyirmi doqquz manat, dörd qəpik) manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 1024,04 (bir min iyirmi dörd manat, dörd qəpik) ödənilməmiş hissə, güzəşt olunaraq 102,4 (bir yüz iki manat, qırx qəpik) manat cərimə hesablanmışdır, eyni tarixli maliyyə və ödəniş cədvəlindən görünür ki, Cavabdeh xx.xx.2025-ci il tarixli müqaviləyə əsasən "xxxx" MMCdən Hoffman Soac kondisioner üçün 6 ay müddətinə ödəmək şərti ilə dəyəri 548,96 (beş yüz qırx səkkiz manat, doxsan altı qəpik) manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 483,75 (dörd yüz səksən üç manat, yetmiş beş qəpik) manat borcunu ödəməmiş və həmin məbləğə 48,38 (qırx səkkiz manat, otuz səkkiz qəpik) manat cərimə hesablanmışdır. xx.xx.2025-ci il tarixli xəbərdarlıqdan görünür ki, cavabdeh borcun ödənilməyəcəyi təqdirdə məhkəmədə ona qarşı iddia qaldırılacağı barədə xəbərdar edilmişdir. İş materiallarına əlavə edilmiş AZE seriyalı ******** nömrəli şəxsiyyət vəsiqəsinin surətindən görünür ki, Cavabdeh xx.xx.1960-cı ildə Ermənistan Respublikası, Vardenis rayonu, Şişqaya kəndində anadan olmuşdur, Azərbaycan Respublikasının vətəndaşıdır. İş materiallarına əlavə edilmiş xəbərnamədən məlum olur ki, Cavabdeh ünvanlanmış məhkəmə bildirişi xx.xx.2026-cı il tarixdə oğlu tərəfindən qəbul edilmişdir. İddia tələbinin qanuni əsası kimi məhkəmə aşağıdakı maddi hüquq normalarına istinad etməyi əsaslı hesab edir. Belə ki, öhdəlik hüququndan bəhs edən Azərbaycan Respublikası Mülki Məcəlləsinin 385.1-ci maddəsində qeyd edilir ki, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin: 567-ci maddəsində qeyd olunur ki, alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. 600.1-ci maddəsində göstərilir ki, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. 600.2-ci maddəsinə görə, əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. Məhkəmə tədqiq olunmuş sübutlara tam, hərtərəfli, obyektiv və məcmu halında qiymət verərək hesab edir ki, iddia tələbi təmin edilməli, "xxxx" MMC-nin xeyrinə Cavabdeh xx.xx.2025-ci il tarixli, ********** saylı müqaviləyə əsasən İmei kod **********02721 İphone 13 üçün 1024,04 (bir min iyirmi dörd manat, dörd qəpik) manat ödənilməmiş hissə, 102,40 (bir yüz iki manat, qırx qəpik) manat cərimə; xx.xx.2025-ci il tarixli, ********** saylı müqaviləyə əsasən Hoffman Soac kondisioner üçün 483,75 (dörd yüz səksən üç manat, yetmiş beş qəpik) manat ödənilməmiş hissə, 48,38 (qırx səkkiz manat, otuz səkkiz qəpik) manat cərimə olmaqla, hər iki müqavilə üzrə ümumilikdə 1658,57 (bir min altı yüz əlli səkkiz manat, əlli yeddi qəpik) manat pul tutularaq iddiaçıya verilməlidir. Bununla yanaşı, MPM-in 107-ci və 119.1-ci maddələrinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Ona görə də, məhkəmə ödənilmiş 36,59 (otuz altı manat, əlli doqquz qəpik) manat dövlət rüsumunun da cavabdehdən iddiaçının xeyrinə tutulmasını əsaslı hesab edir. Azərbaycan Respublikası Mülki Prosessual Məcəlləsinin: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 119.1-ci maddəsinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir; 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənlərə əsasən və Azərbaycan Respublikası Mülki Prosessual Məcəlləsinin 216-273-ci maddələrini rəhbər tutaraq, məhkəmə qətetdi: İddia təmin edilsin. Cavabdeh xx.xx.2025-ci il tarixli, ********** saylı müqavilə üzrə 1024,04 (bir min iyirmi dörd manat, dörd qəpik) manat əsas borcdan ödənilməmiş hissə, 102,40 (bir yüz iki manat, qırx qəpik) manat cərimə borcu və xx.xx.2025-ci il tarixli, ********** saylı müqavilə üzrə 483,75 (dörd yüz səksən üç manat, yetmiş beş qəpik) manat əsas borcdan ödənilməmiş hissə, 48,38 (qırx səkkiz manat, otuz səkkiz qəpik) manat cərimə borcu olmaqla, hər iki müqavilə üzrə ümumilikdə 1658,57 (bir min altı yüz əlli səkkiz manat, əlli yeddi qəpik) manat borc məbləği və məhkəmə xərci olaraq 36,59 (otuz altı manat, əlli doqquz qəpik) manat dövlət rüsumu alınaraq "xxxx" Məhdud Məsuliyyətli Cəmiyyətinin xeyrinə ödənilsin. Qətnаmənin surəti rəsmi qaydada verildiyi gündən 1 (bir) аy müddətində “Elektron məhkəmə” informasiya sistemində yaradılmış elektron kabinetə yerləşdirməklə Göygöl Rаyоn Məhkəməsi vаsitəsilə Gəncə Аpellyаsiyа Məhkəməsinə аpellyаsiyа şikаyəti verilə bilər. Həmin müddətdə şikayət verilməzsə qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Rəşad Mustafayev İş № e-2(5-124)-59/2026 Birinci instansiya məhkəməsində məhkəmə iclasından kənar ayrıca prosessual hərəkətin aparılması barədə PROTOKOL xx.xx.2026-cı il Göygöl şəhəri Göygöl Rayon Məhkəməsinin hakimi Mustafayev Rəşad Mustafa oğlu tərəfindən iddiaçı "xxxx" MMC-nin Cavabdeh qarşı “pul” tələbinə dair kiçik iddia üzrə sadələşmiş qaydada iddia ərizəsi üzrə mülki işə məhkəmənin inzibati binasında, iş üzrə tərəflərin iştirakı olmadan məhkəmə iclasından kənar baxılır, Prosessual hərəkət saat 09:30-da başladım. İşə baxan hakim olaraq iddia ərizəsini və ona əlavə olunmuş sənədləri yoxlayaraq iddia ərizənin təmin edilməsi barədə qətnamə qəbul etdim. Prosessual hərəkət saat 09:40-da başa çatdırdım. Hakim: Rəşad Mustafayev