Saatlı Rayon Məhkəməsi Qətnamə — İş №e-2(5-150)-5/2026

Azərbaycan Respublikası adından QƏTNAMƏ Saatlı rayonu İş № e-2(5-150)-5/2026 09.02.2026 SAATLI RAYON MƏHKƏMƏSİ Hakim Abuşov İxtiyar Əliyar oğlu, İddiaçı "xxxx" Məhdud Məsuliyyətli Cəmiyyətinin Cavabdeh qarşı borc tələbi barədə kiçik iddia ərizəsinə dair işə baxaraq Müəyyənetdi: İddiaçı "xxxx" Məhdud Məsuliyyətli Cəmiyyəti Cavabdeh qarşı kiçik iddia ərizəsi ilə məhkəməyə müraciət edərək 04 iyul 2025-ci il tarixli müqavilə üzrə 2791,02 manat əsas borc, 279,10 manat cərimə və innovativ layihələr mərkəzinə ödənilmiş 23,60 manat olmaqla, cəmi 3093,72 manat borcun və məhkəmədə iddia qaldırmaq üçün ödənilmiş 50,94 manat dövlət rüsumunun cavabdehdən alınıb iddiaçının xeyrinə ödənilməsi barədə qətnamə çıxarılmasını məhkəmədən xahiş etmişdir. İddiaçı "xxxx" Məhdud Məsuliyyətli Cəmiyyəti tələbini onunla əsaslandırmışdır ki, Cavabdeh ilə bağlanmış 04 iyul 2025-ci il tarixli, ********** saylı müqaviləyə əsasən cavabdeh 218 manat ilkin ödəniş etməklə, 18 ay müddətinə, hər ay 163,93 manat ödəniş etməyi öhdəsinə götürməklə, iddiaçıdan zəmanət və xidmət daxil olmaqla, ümumi dəyəri 3168,74 manat olan bir ədəd telefon və telefon aksesuarı almışdır. Lakin Cavabdeh müqavilənin şərtlərinə əməl etməmiş və 2791,02 manat borcu yaranmışdır. Edilmiş xəbərdarlıqlara baxmayaraq cavabdeh üzərinə götürdüyü öhdəliyi yerinə yetirmədiyi üçün ona müqavilənin 3.5-ci bəndinə əsasən 279,10 manat cərimə hesablanmışdır. Müqaviləyə əsasən alınmış telefonun açılıb-bağlanılması xidmətinə görə "xxxx" Məhdud Məsuliyyətli Cəmiyyəti tərəfindən İnnovativ layihələr mərkəzinə 23,60 manat ödənilmişdir. Ona görə də, Cavabdeh müqavilə üzrə 2791,02 manat əsas borc, 279,10 manat cərimə, İnnovativ layihələr mərkəzinə ödənilmiş 23,60 manat olmaqla, cəmi 3093,72 manat borcun və məhkəmədə iddia qaldırmaq üçün ödənilmiş 50,94 manat dövlət rüsumunun alınaraq iddiaçı "xxxx" Məhdud Məsuliyyətli Cəmiyyətinin xeyrinə ödənilməsi barədə qətnamə çıxarılmasını məhkəmədən xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən cavabdehə rəsmi qaydada bildiriş göndərilərək iddiaçının tələbinə dair əsaslandırılmış etirazının olduğu halda 10 iş günü müddətində öz dəlillərini və onları təsdiq edən sənədləri təqdim etməli olduğu bildirilmişdir. Lakin cavabdehdən ərizəyə dair etiraz daxil olmamışdır. Məhkəmə Azərbaycan Respublikası Mülki Prosessual Məcəlləsinin 284-5.3-cü maddəsinə əsasən işə iddiaçının təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmasını mümkün hesab edir. İşdə olan 04 iyul 2025-ci il tarixli, ********** saylı müqavilədən (5.1-ci bənd) görünür ki, bu müqavilə 10 il müddətinə, müqavilədə nəzərdə tutulmuş şərtlərlə "xxxx" Məhdud Məsuliyyətli Cəmiyyətindən mal və ya xidmət əldə etmək üçün Cavabdeh ilə iddiaçı "xxxx" Məhdud Məsuliyyətli Cəmiyyəti arasında bağlanmışdır. İşdə olan 04 iyul 2025-ci il tarixli 06475419 saylı fakturadan görünür ki, 04 iyul 2025ci il tarixli ********** saylı müqavilə əsasında ümumi dəyəri 3168,74 manat məbləğində bir ədəd “Samsung Galaxy S25 Ultra (SM-S938B)” markalı telefon və “Samsung 45W Charger” markalı aksesuar 218 manat ilkin ödəniş edilməklə, 18 ay müddətinə 163,93 manat hissəvi ödənişlə sənədləşdirilmişdir. İşdə olan 04 iyul 2025-ci il tarixli təhvil-təslim aktından görünür ki, Cavabdeh həmin tarixdə qeyd edilən malları təhvil almışdır. İşdə olan İnnovativ layihələr mərkəzinin 02 dekabr 2025-ci il tarixli təhvil-təslim aktından və 24 dekabr 2025-cı il tarixli arayışdan görünür ki, "xxxx" Məhdud Məsuliyyətli Cəmiyyəti tərəfindən Cavabdeh müqavilə əsasında satılmış İmei kodu **********62414 olan “Samsung Galaxy S25 Ultra” markalı telefonun açılıb-bağlanılması xidmətinə görə İnnovativ layihələr mərkəzinə 23,60 manat ödənilmişdir. İşdə olan 16 dekabr 2025-ci il tarixli maliyyə və ödəniş cədvəlindən görünür ki, Cavabdeh 04 iyul 2025-ci il tarixli müqavilə üzrə iddiaçı "xxxx" Məhdud Məsuliyyətli Cəmiyyətinə 2791,02 manat əsas borc, 279,10 manat cərimə, İnnovativ layihələr mərkəzinə ödənilmiş 23,60 manat olmaqla, cəmi 3093,72 manat borcu vardır. Cavabdeh müqavilə üzrə əsas borca 377,72 manat ödəniş etmişdir. İşdə olan 01 dekabr 2025-ci il tarixli xəbərdarlıq məktubundan görünür ki, iddiaçı tərəf cavabdehdən 04 iyul 2025-ci il tarixli, ********** saylı müqaviləyə əsasən öhdəliyini yerinə yetirməsini tələb etmiş, əks halda üç iş günü müddətində məhkəməyə müraciət ediləcəyi bildirilmişdir. Məhkəmə iş materiallarını tam, hərtərəfli və obyektiv araşdırıb hesab edir ki, iddia qismən təmin edilməlidir. Belə ki, Azərbaycan Respublikası Mülki Məcəlləsinin 385.1-ci maddəsinə əsasən kreditorun borcludan vəzifəsinin icrasını tələb etmək hüququ vardır və həmin məcəllənin 448.2-ci maddəsinə əsasən borclu öz öhdəliklərinin hər bir təqsirli pozuntusu üçün məsuliyyət daşıyır. Həmin Məcəllənin 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənəşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. İş materialları araşdırılarkən müəyyən olundu ki, Cavabdeh 04 iyul 2025-ci il tarixli müqaviləyə əsasən 218 manat ilkin ödəniş etməklə, 18 ay müddətinə, hər ay 163,93 manat ödəniş etməyi öhdəsinə götürməklə, iddiaçıdan zəmanət və xidmət daxil olmaqla, ümumi dəyəri 3168,74 manat olan bir ədəd telefon və telefon aksesuarı almışdır. Lakin Cavabdeh müqavilənin şərtlərinə əməl etməmiş və iddiaçıya 2791,02 manat borcu yaranmışdır. Xəbərdarlıqlara baxmayaraq cavabdeh öhdəliyini yerinə yetirmədiyi üçün ona 279,10 manat cərimə hesablanmışdır. Müqaviləyə əsasən alınmış telefonun açılıbbağlanılması xidmətinə görə "xxxx" Məhdud Məsuliyyətli Cəmiyyəti tərəfindən İnnovativ layihələr mərkəzinə 23,60 manat ödənilmişdir. Ona görə də, iddiaçı "xxxx" Məhdud Məsuliyyətli Cəmiyyəti Cavabdeh müqavilə üzrə 2791,02 manat əsas borc, 279,10 manat cərimə, İnnovativ layihələr mərkəzinə ödənilmiş 23,60 manat olmaqla, cəmi 3093,72 manat borcun alınaraq onun xeyrinə ödənilməsini tələb edir. Qeyd olunanlardan görünür ki, iddiaçı "xxxx" Məhdud Məsuliyyətli Cəmiyyəti Cavabdeh 04 iyul 2025-ci il tarixli müqavilə üzrə 2791,02 manat əsas borc, 279,10 manat cərimə, İnnovativ layihələr mərkəzinə ödənilmiş 23,60 manat olmaqla, cəmi 3093,72 manat borcun alınmasını tələb etməkdə haqlıdır. Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Məhkəmə cavabdehdən tələb olunan 279,10 manat məbləğində dəbbə pulunun (cərimənin) tənasübsüz surətdə yüksək olduğunu nəzərə alaraq hesab edir ki, dəbbə pulunun miqdarı 120 manatadək azaldılmalıdır. Azərbaycan Respublikası Mülki Prosessual Məcəlləsinin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Şərh olunanları nəzərə alaraq məhkəmə belə nəticəyə gəlir ki, iddia qismən təmin edilərək Cavabdeh 04 iyul 2025-ci il tarixli müqavilə üzrə 2791,02 manat əsas borc, 120 manat cərimə və İnnovativ layihələr mərkəzinə ödənilmiş 23,60 manat, cəmi 2934,62 manat borc alınaraq iddiaçı "xxxx" Məhdud Məsuliyyətli Cəmiyyətinə ödənilməli, iddia qalan hissədə təmin edilməməlidir. İşdə olan 26 dekabr 2025-ci il tarixli mədaxil qəbzindən görünür ki, "xxxx" Məhdud Məsuliyyətli Cəmiyyəti tərəfindən məhkəmədə iddia qaldırmaq üçün 50,94 manat dövlət rüsumu ödənilmişdir. Azərbaycan Respublikasının Mülki Prosessual Məcəlləsinin 119.1-ci maddəsinin tələbinə görə məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Göstərilən maddənin tələbinə uyğun olaraq məhkəmə hesab edir ki, məhkəmədə iddia qaldırmaq üçün ödənilmiş 50,94 manat dövlət rüsumu cavabdehdən alınaraq iddiaçının xeyrinə ödənilməlidir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 284-6-cı maddəsinə əsasən, məhkəmə Q ə t e t d i: İddia qismən təmin edilsin. Cavabdeh 04 iyul 2025-ci il tarixli, ********** saylı müqaviləyə əsasən 2791,02 manat əsas borc, 120 manat cərimə və İnnovativ layihələr mərkəzinə ödənilmiş 23,60 manat, cəmi 2934 (iki min doqquz yüz otuz dörd) manat 62 (altmış iki) qəpik alınaraq iddiaçı "xxxx" Məhdud Məsuliyyətli Cəmiyyətinə ödənilsin. İddia qalan hissədə təmin edilməsin. Məhkəmədə iddia qaldırmaq üçün ödənilmiş 50 (əlli) manat 94 (doxsan dörd) qəpik dövlət rüsumu cavabdehdən alınaraq iddiaçının xeyrinə ödənilsin. Qətnamədən rəsmi qaydada verildiyi vaxtdan bir ay müddətində Saatlı Rayon Məhkəməsi vasitəsi ilə “Elektron məhkəmə” informasiya sistemində yaradılan elektron kabinetdən istifadə etməklə Şirvan Apellyasiya Məhkəməsinə apellyasiya şikayəti verilə bilər. Qətnamədən apellyasiya qaydasında şikayət verilmədikdə qətnamə həmin müddət başa çatdığı vaxtdan sonrakı gün qanuni qüvvəyə minir.