Şəmkir Rayon Məhkəməsi Qətnamə — İş №e-2(5-159)-603/2026

Azərbaycan Respublikası adından Qətnamə Şəmkir rayon İş № e-2(5-159)-603/2026 31.03.2026 ŞƏMKIR RAYON MƏHKƏMƏSI Şəmkir Rayon Məhkəməsinin hakimi X1, İddiaçı “İrşad Electronics” MMC–nin cavabdeh Cavabdeh qarşı borcun ödənilməsi tələbinə dair iddiası üzrə mülki işə sadələşdirilmiş icraat qaydasında baxaraq, MÜƏYYƏN ETDİ: İddiaçı “İrşad Electronics” MMC iddia ərizəsi ilə Şəmkir Rayon Məhkəməsinə müraciət edərək, cavabdeh Cavabdeh ## ###### 2024–cü il tarixli ********* saylı müddətli (nisyə) alqı–satqı müqaviləsinə əsasən əsas borc üzrə 111,9 manat, cərimə borcu üzrə 16,7 manat olmaqla, cəmi 128,6 manat məbləğində pulun, ## ###### 2024–cü il tarixli ********* saylı müddətli (nisyə) alqı–satqı müqaviləsinə əsasən əsas borc üzrə 285,4 manat, cərimə borcu üzrə 42,8 manat olmaqla, cəmi 328,2 manat məbləğində pulun və 30 manat dövlət rüsumunun alınması haqda qətnamə çıxarılmasını xahiş etmişdir. İddia tələbi onunla əsaslandırılmışdır ki, cavabdeh Cavabdeh ## ###### 2024–cü il tarixli ********* saylı müddətli (nisyə) alqı–satqı müqaviləsinə əsasən “İrşad Electronics” MMC–dən 18 ay müddətinə ödəmək şərti ilə cəmi dəyəri 199,90 manat olan 1 ədəd “JBL” markalı qulaqcıq nisyə almışdır. Cavabdeh borcunu müqavilə üzrə hər ay 11 manat olmaqla ödəməyi öhdəsinə götürmüşdür. Eləcə də, cavabdeh ## ###### 2024–cü il tarixli ********* saylı müddətli (nisyə) alqı–satqı müqaviləsinə əsasən “İrşad Electronics” MMC–dən 18 ay müddətinə ödəmək şərti ilə cəmi dəyəri 517,40 manat olan 1 ədəd “Honor” markalı telefon nisyə almışdır. Cavabdeh borcunu müqavilə üzrə hər ay 29 manat olmaqla ödəməyi öhdəsinə götürmüşdür. Lakin cavabdeh aldığı əşyalara görə qismən ödəniş etmiş, qalan borcu ödəməkdən boyun qaçırmışdır. Nəticədə onun iki müqavilə üzrə ödənilməmiş cəmi 397,3 manat əsas borcu qalmışdır. Eləcə də, nisyə alqı–satqı müqavilələrinin * saylı əlavəsinin şərtlərinə uyğun olaraq gecikdirilən aylıq borc məbləğinə cərimə kimi gündəlik 1 % dərəcəsi ilə dəbbə pulu hesablanmış və cavabdehin iki müqavilə üzrə cərimə borcu yaranmışdır. Bununla belə həmin cərimənin 90 faizi güzəşt edilmiş və cavabdeh tərəfindən cərimənin yalnız 10 faizi, yəni 59,5 manat ödənilməsi tələb edilir. Dəfələrlə xəbərdarlıq edilməsinə baxmayaraq, cavabdeh qalıq borcunu ödəməmişdir. Odur ki, cavabdeh Cavabdeh ## ###### 2024–cü il tarixli ********* saylı müddətli (nisyə) alqı–satqı müqaviləsinə əsasən əsas borc üzrə 111,9 manat, cərimə borcu üzrə 16,7 manat olmaqla, cəmi 128,6 manat məbləğində pulun, ## ###### 2024–cü il tarixli ********* saylı müddətli (nisyə) alqı–satqı müqaviləsinə əsasən əsas borc üzrə 285,4 manat, cərimə borcu üzrə 42,8 manat olmaqla, cəmi 328,2 manat məbləğində pulun və 30 manat dövlət rüsumunun alınıb “İrşad Electronics” MMC–nin xeyrinə ödənilməsi haqda qətnamə çıxarılmasını məhkəmədən xahiş etmişdir. Məhkəmə hazırkı iddianın qiymətinin beş min manatdan az olmasını nəzərə alaraq mülki işə sadələşdirilmiş icraat qaydasında baxılmasını mümkün hesab etmişdir. Belə ki, Azərbaycan Respublikası Mülki Prosessual Məcəlləsinin 284–1–ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284–5.1–ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. İş materiallarından görünür ki, iddia ərizəsi ##.##.2026–cı il tarixdə məhkəməyə daxil olmuş və həmin tarixdə məhkəmə cavabdehə prosessual hüquq və vəzifələrinin izahı barədə rəsmi qaydada bildiriş göndərmişdir. Azərbaycan Respublikası Mülki–Prosessual Məcəlləsinin 284–5.2–ci maddəsinə görə cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. İşdə olan ## ###### 2024–cü il tarixli ********* saylı müddətli (nisyə) alqı–satqı müqaviləsindən görünür ki, alıcı adlanan cavabdeh Cavabdeh satıcı adlanan “İrşad Electronics” MMC–dən cəmi dəyəri 199,90 manat olan 1 ədəd “JBL” markalı qulaqcıq nisyə almışdır. Həmin nisyə alqı–satqı müqaviləsinin * saylı əlavəsinin şərtlərinə uyğun olaraq alıcı gecikdirilən aylıq borc məbləğinə cərimə kimi gündəlik 1 % dərəcəsi ilə dəbbə pulu ödəyir. İşdə olan ödəniş cədvəlindən görünür ki, cavabdeh Cavabdeh ## ###### 2024–cü il tarixli ********* saylı müddətli (nisyə) alqı–satqı müqaviləsi üzrə ##.##.2024–##.##.2026–cı il ərzində hər ay 11 manat məbləğində pulu iddiaçı “İrşad Electronics” MMC–yə ödəməyi öhdəsinə götürmüşdür. İşdə olan ## ###### 2024–cü il tarixli ********* saylı müddətli (nisyə) alqı–satqı müqaviləsindən görünür ki, alıcı adlanan cavabdeh Cavabdeh satıcı adlanan “İrşad Electronics” MMC–dən cəmi dəyəri 517,40 manat olan 1 ədəd “Honor” markalı telefon nisyə almışdır. Həmin nisyə alqı–satqı müqaviləsinin * saylı əlavəsinin şərtlərinə uyğun olaraq alıcı gecikdirilən aylıq borc məbləğinə cərimə kimi gündəlik 1 % dərəcəsi ilə dəbbə pulu ödəyir. İşdə olan ödəniş cədvəlindən görünür ki, cavabdeh Cavabdeh ## ###### 2024–cü il tarixli ********* saylı müddətli (nisyə) alqı–satqı müqaviləsi üzrə ##.##.2024–##.##.2026–cı il ərzində hər ay 29 manat məbləğində pulu iddiaçı “İrşad Electronics” MMC–yə ödəməyi öhdəsinə götürmüşdür. İşdə olan xəbərdarlıq məktubundan görünür ki, cəmiyyətə olan borcu cavabdehə xatırladılaraq ondan borclu olduğu məbləği qaytarmaq tələb olunmuşdur. İşdə olan maliyyə arayışlarından görünür ki, cavabdeh Cavabdeh ## ###### 2024–cü il tarixli ********* saylı müddətli (nisyə) alqı–satqı müqaviləsi üzrə 111,9 manat əsas borcu, 167 manat cərimə borcu, ## ###### 2024–cü il tarixli ********* saylı müddətli (nisyə) alqı–satqı müqaviləsi üzrə 285,4 manat əsas borcu, 428 manat cərimə borcu vardır. İş materiallarında olan göndərilmiş məktubların siyahısından görünür ki, cavabdehə məhkəmə bildirişi göndərilmiş, cavabdeh ##.##.2026–cı il tarixdə xəbərnaməyə imza etməklə bildirişi almış, lakin həmin tarixdən 10 (on) iş günündən artıq müddət keçməsinə baxmayaraq, cavabdeh iddiaya qarşı əsaslandırılmış etirazını və ona əlavə olunmuş sənədləri məhkəməyə göndərməmişdir. Məhkəmə, cavabdehə qanunla müəyyən olunmuş qaydada prosessual hüquq və vəzifələrinin izah olunduğunu, iddiaya qarşı etirazının olmamasını və iddia tələbinin kiçik iddialar kateqoriyasına aid edilməklə yanaşı mübahisə doğurmayan tələb olduğunu nəzərə alaraq hesab edir ki, mülki işin iddia icraatına keçirilməklə iş üzrə əlavə araşdırma aparılmasına, ekspertiza təyin olunmasına və ya tərəflərin məhkəməyə çağırılmaqla dinlənilmələrinə lüzum yoxdur, mülki işin prosessual vəziyyəti işə sadələşdirilmiş icraat qaydasında baxılmasına mane olmur. Azərbaycan Respublikası Mülki–Prosessual Məcəlləsinin 284–5.3–cü və 284–6.1–ci maddələrinə əsasən, kiçik iddialar üzrə ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə çıxarılmalıdır. Məhkəmə iddiaçının təqdim etdiyi sənədlərin tədqiqi nəticəsinə əsaslanaraq hesab edir ki, iddia təmin olunmalıdır. Azərbaycan Respublikası Mülki–Prosessual Məcəlləsinin 77–ci maddəsinin tələblərinə görə hər bir tərəf öz tələblərinin və etirazlarının əsası kimi istinad etdikləri halları sübut etməlidir. Həmin Məcəllənin 88–ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Həmin Məcəllənin 217.4–cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. İşin araşdırılan hallarından müəyyən olunur ki, cavabdeh Cavabdeh ## ###### 2024–cü il tarixli ********* saylı müddətli (nisyə) alqı–satqı müqaviləsinə əsasən “İrşad Electronics” MMC–dən 18 ay müddətinə ödəmək şərti ilə cəmi dəyəri 199,90 manat olan 1 ədəd “JBL” markalı qulaqcıq nisyə almışdır. Cavabdeh borcunu müqavilə üzrə hər ay 11 manat olmaqla ödəməyi öhdəsinə götürmüşdür. Eləcə də, cavabdeh Cavabdeh ## ###### 2024–cü il tarixli ********* saylı müddətli (nisyə) alqı–satqı müqaviləsinə əsasən “İrşad Electronics” MMC–dən 18 ay müddətinə ödəmək şərti ilə cəmi dəyəri 517,40 manat olan 1 ədəd “Honor” markalı telefon nisyə almışdır. Cavabdeh borcunu müqavilə üzrə hər ay 29 manat olmaqla ödəməyi öhdəsinə götürmüşdür. Lakin cavabdeh aldığı əşyalara görə qismən ödəniş etmiş, qalan borcu ödəməkdən boyun qaçırmışdır. Bununla da o, müqavilələr üzrə öhdəliklərini lazımınca icra etməmişdir. Həmçinin, cavabdeh öhdəliyini vaxtında icra etmədiyinə görə ona dəbbə pulu tətbiq edilmişdir. Azərbaycan Respublikası Mülki Məcəlləsinin 385.1–ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 386.1–ci maddəsinə əsasən öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün müqavilə olmalıdır. Həmin Məcəllənin 425.1–ci maddəsinə görə öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir. Həmin Məcəllənin 442–ci maddəsinə görə öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 462.1–ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. Eləcə də, həmin Məcəllənin 600.1–ci maddəsinə əsasən alqı–satqı müqaviləsində əşyanın alıcıya verildikdən sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətə, müqavilədə belə müddət nəzərdə tutulmadıqda isə bu Məcəllənin 427–ci maddəsinə uyğun müəyyənləşdirilmiş müddətə həyata keçirməlidir. Həmin Məcəllənin 601.1–ci maddəsinə əsasən əşyanın nisyə satılması haqqında müqavilədə onun hissə–hissə ödənilməsi nəzərdə tutula bilər. Hissə–hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı–satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Həmin Məcəllənin 600.4–cü maddəsinə əsasən əşyanı təhvil almış alıcı onu alqı–satqı müqaviləsində nəzərdə tutulan müddətə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Beləliklə məhkəmə yuxarıda qeyd olunan normalara əsaslanaraq hesab edir ki, iddia təmin edilməli, cavabdehdən ## ###### 2024–cü il tarixli ********* saylı müddətli (nisyə) alqı–satqı müqaviləsinə əsasən əsas borc üzrə 111,9 manat, cərimə borcu üzrə 16,7 manat olmaqla, cəmi 128,6 manat məbləğində pul, ## ###### 2024–cü il tarixli ********* saylı müddətli (nisyə) alqı–satqı müqaviləsinə əsasən əsas borc üzrə 285,4 manat, cərimə borcu üzrə 42,8 manat olmaqla, cəmi 328,2 manat məbləğində pul alınıb iddiaçıya ödənilməlidir. Ödənilmiş 30 manat məbləğində dövlət rüsumu cavabdehə aid edilməlidir. Azərbaycan Respublikası Mülki–Prosessual Məcəlləsinin 119.1–ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Yuxarıda göstərilənlərə əsasən və MPM–in 216–220 və 222–ci maddələrinin göstərişini rəhbər tutaraq, məhkəmə QƏT ETDİ: İddia təmin edilsin. ## ###### 2024–cü il tarixli ********* saylı müddətli (nisyə) alqı–satqı müqaviləsi üzrə cavabdeh Cavabdeh 111,9 manat əsas borc, 16,7 manat cərimə borcu olmaqla, cəmi 128,6 (bir yüz iyirmi səkkiz manat altmış qəpik) manat məbləğində pul alınıb “İrşad Electronics” Məhdud Məsuliyyətli Cəmiyyətinə ödənilsin. ## ###### 2024–cü il tarixli ********* saylı müddətli (nisyə) alqı–satqı müqaviləsi üzrə cavabdeh Cavabdeh 285,4 manat əsas borc, 42,8 manat cərimə borcu olmaqla, cəmi 328,2 (üç yüz iyirmi səkkiz manat iyirmi qəpik) manat məbləğində pul alınıb “İrşad Electronics” Məhdud Məsuliyyətli Cəmiyyətinə ödənilsin. Ödənilmiş dövlət rüsumu cavabdehə aid edilsin. Cavabdeh Cavabdeh 30 (otuz) manat məbləğində pul alınıb iddiaçı “İrşad Electronics” Məhdud Məsuliyyətli Cəmiyyətinə ödənilsin. Qətnamə rəsmi qaydada verildikdən sonra 1 (bir) ay müddətində Şəmkir Rayon Məhkəməsi vasitəsi ilə (“Elektron Məhkəmə” informasiya sistemində yaradılan elektron kabinet vasitəsilə) Gəncə Apellyasiya Məhkəməsinə apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim Zaur Allahyarov