Naxçıvan MR Culfa Rayon Məhkəməsi Qətnamə — İş №e-2(5-86)-11/2026

Azərbaycan Respublikası adından QƏTNAMƏ Culfa rayon İş № e-2(5-86)-11/2026 16.02.2026 NAXÇIVAN MR CULFA RAYON MƏHKƏMƏSİ Hakim Məmmədov Mehrab Fərmayıl oğlu İddiaçı (MMC) Cavabdeh qarşı borcun tutulması tələbinə dair mülki işə yazılı icraata qaydasında baxaraq, müəyyən etdi: İddiaçı MMC-nin nümayəndəsi Nümayəndə Cavabdeh qarşı borcun tutulması tələbi ilə məhkəməyə müraciət etmiş, xx.xx.2025-ci il tarixli müqaviləyə əsasən, APPLE AİRPODS PRO qulaqlıq üçün 661.5 manat ödənilməmiş hissə, 66.15 manat cərimə pulu; xx.xx.2025-ci il tarixli müqaviləyə əsasən, İmei kod **********43704 XİAOMİ REDMİ 13 üçün 370.5 manat ödənilməmiş hissə, 37.05 manat cərimə pulu; xx.xx.2025-ci il tarixli müqaviləyə əsasən, İmei kod **********24588 XİAOMİ REDMİ A5 üçün 211.4 manat ödənilməmiş hissə, 21.14 manat cərimə pulu; xx.xx.2025-ci il tarixli müqaviləyə əsasən, İmei kod **********47543 XİAOMІ REDMİ A5 üçün 206.1 manat ödənilməmiş hissə, 20.61 manat cərimə, ümumilikdə 1594.45 manat borc və 35.95 manat ödənilmiş dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İddiaçı "xxxx" MMC-nin nümayəndəsi Nümayəndə tələbini onunla əsaslandırmışdır ki, cavabdeh ilə "xxxx" MMC arasında bağlanmış xx.xx.2025-ci il, xx.xx.2025-ci il, xx.xx.2025-ci il, xx.xx.2025-ci il tarixlərdəki müqavilələrə əsasən, cavabdeh APPLE AİRPODS PRO qulaqlıq, İmei kod **********43704 XİAOMİ REDMİ 13, İmei kod **********24588 XİAOMİ REDMİ A5, İmei kod **********47543 XİAOMİ REDMİ A5 almış və nəticədə 1594.45 manat borc yaranmışdır. Cavabdeh müqavilənin şərtlərini pozmuş və nəticədə xx.xx.2025-ci il tarixli müqaviləyə əsasən, alqı-satqı qiyməti 761.5 manat (9 ay x 73.5 manat + 100 manat ilkin ödəniş) olan APPLE AİRPODS PRO qulaqlıq üçün 727.65 manat olmaqla ondan, 661.5 ödənilməmiş hissə, 66.15 manat cərimə pulu; xx.xx.2025-ci il tarixli müqaviləyə əsasən, alqı-satqı qiyməti 391.5 manat (15 ay x 24.7 manat + 21 manat ilkin ödəniş) olan İmei kod **********43704 XİAOMİ REDMİ 13 üçün 407.55 manat olmaqla ondan, 370.5 manat ödənilməmiş hissə, 37.05 manat cərimə pulu; xx.xx.2025-ci il tarixli müqaviləyə əsasən, alqı-satqı qiyməti 224.4 manat (12 ay x 17.7 manat + 12 manat ilkin ödəniş) olan İmei kod **********24588 XİAOMİ REDMİ A5 üçün 232.54 manat bir olmaqla ondan 211.4 manat ödənilməmiş hissə, 21.14 manat cərimə pulu; xx.xx.2025-ci il tarixli müqaviləyə əsasən, alqı-satqı qiyməti 218.1 manat (9 ay x 22.9 manat + 12 manat ilkin ödəniş) olan İmei kod **********47543 XİAOMİ REDMİ A5 üçün 226.71 manat olmaqla ondan manat 206.1 manat ödənilməmiş hissə, 20.61 cərimə miqdarında borc yaranmışdır. Cavabdehin cəmi ödədiyi məbləğ 146 manat təşkil edir. Cavabdehlə bağlanılmış xx.xx.2025-ci il, xx.xx.2025-ci il, xx.xx.2025-ci il, xx.xx.2025-ci il tarixli Müqavilənin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə telefon danışığında, həmçinin xx.xx.2025-ci il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğu rəsmi qaydada bildirilsə də, qarşı tərəf müqavilə ilə təsbit olunmuş öhdəlikləri icra etməmişdir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Azərbaycan Respubikası Mülki Prosessual Məcəlləsinin: 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə iş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edir ki, iddia təmin edilməlidir. Belə ki, xx.xx.2025-ci il, xx.xx.2025-ci il, xx.xx.2025-ci il, xx.xx.2025-ci il tarixli müqavilələrdən görünür ki, "xxxx" MMC və Cavabdeh arasında alqı-satqı müqavilələri bağlanmış, müqavilələrə əsasən cavabdehə APPLE AİRPODS PRO qulaqlıq, İmei kod **********43704 XİAOMİ REDMİ 13, İmei kod **********24588 XİAOMİ REDMİ A5, İmei kod **********47543 XİAOMİ REDMİ A5 satılmışdır. 02 iyul 2025-ci il tarixli, ********** nömrəli müqavilənin 5.1-ci bəndinə əsasən, bu Müqavilə imzalandığı andan qüvvəyə minir və 10 il müddətində qüvvədədir. Müqavilənin qüvvədə olduğu bütün müddət ərzində “Müştəri” nin bu Müqavilədə nəzərdə tutulmuş şərtlərlə ABC-dən mal və (və ya) xidmət əldə etmək hüququ var. 2.1-ci bəndinə əsasən, bu Müqavilənin 5.1-ci bəndində göstərilən müddət ərzində “Müştəri”nin həyata keçirəcəyi növbəti sifarişlər (alışlar) zamanı hazırkı Müqavilə şərtləri eynilə tətbiq ediləcəkdir. “Mal”ın hansı formada (onlayn və ya mağazada) sifariş verilməsi “Müştəri”nin seçimindən asılıdır. 25 dekabr 2025-ci il tarixli Maliyyə və Ödəniş cədvəlindən görünür ki, 02 iyul 2025-ci il tarixli müqavilə üzrə alqı-satqı qiyməti 761.5 manat, ödəniş müddəti 9 ay, ilkin ödəniş 100 manat, aylıq ödəniş 73.5 manat müəyyən edilmiş və cavabdeh əsas borcdan 100 manat ödəniş etmiş, ödənilməmiş əsas borc 661.5 manat, cərimə pulu 66.15 manat; 04 iyul 2025-ci il tarixli müqavilə üzrə alqı-satqı qiyməti 391.5 manat, ödəniş müddəti 15 ay, ilkin ödəniş 21 manat, aylıq ödəniş 24.7 manat müəyyən edilmiş və cavabdeh əsas borcdan 21 manat ödəniş etmiş, ödənilməmiş əsas borc 370.5 manat, cərimə pulu 37.05 manat; 02 iyul 2025-ci il tarixli müqavilə üzrə alqı-satqı qiyməti 224.4 manat, ödəniş müddəti 12 ay, ilkin ödəniş 12 manat, aylıq ödəniş 17.7 manat müəyyən edilmiş və cavabdeh əsas borcdan 13 manat ödəniş etmiş, ödənilməmiş əsas borc 211.4 manat, cərimə pulu 21.14 manat; 02 iyul 2025-ci il tarixli müqavilə üzrə alqı-satqı qiyməti 218.1 manat, ödəniş müddəti 9 ay, ilkin ödəniş 12 manat, aylıq ödəniş 22.9 manat müəyyən edilmiş və cavabdeh əsas borcdan 12 manat ödəniş etmiş, ödənilməmiş əsas borc 206.1 manat, cərimə pulu 20.61 manat təşkil edir. Cavabdeh "xxxx" MMC-yə olan borcu vaxtında ödəmədiyi üçün aralarında bağlanmış müqavilənin şərtlərinə əməl etməməsi barədə 11 dekabr 2025-ci il tarixdə rəsmi qaydada xəbərdarlıq edilmişdir. İş materiallarına əlavə olunmuş 27 dekabr 2025-ci il tarixli, ********** nömrəli mədaxil qəbzindən görünür ki, məhkəmədə iddia qaldırılması üçün 35.95 manat məbləğində dövlət rüsumu ödənilmişdir. Beləliklə, müəyyən olundu ki, "xxxx" MMC və Cavabdeh arasında bağlanmış xx.xx.2025-ci il, xx.xx.2025-ci il, xx.xx.2025-ci il, xx.xx.2025-ci il tarixli müqavilələr üzrə Cavabdeh ümumilikdə 1594.45 manat borcu vardır. Azərbaycan Respublikası Mülki Məcəlləsinin 6.2-ci maddəsinə əsasən, fiziki və hüquqi şəxslər mülki hüquqları öz mənafelərini gerçəkləşdirmək üçün iradələrinə uyğun olaraq əldə edir və həyata keçirirlər. Onlar müqavilə əsasında öz hüquq və vəzifələrini müəyyənləşdirməkdə və qanunvericiliyə zidd olmayan hər hansı müqavilə şərtləri qoymaqda sərbəstdirlər; 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinin tələbinə görə, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır; 442-ci maddəsinin tələbinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür.Tərəflər arasında olan müqavilə münasibətlərindən göründüyü kimi, tərəflər əşyanın nisyə alınıb-satılması barədə razılığa gəlmişlər. Azərbaycan Respublikası Mülki Məcəlləsinin: 600.1-ci maddəsinin tələbinə görə, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinin tələbinə görə, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; 462.1-ci maddəsinə görə, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir; 465.2-ci maddəsinə əsasən, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Beləliklə, təqdim edilən sənədlər iş üzrə yekun qərarın çıxarılması üçün kifayət etdiyindən, məhkəmə hesab edir ki, iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Azərbaycan Respublikası MPM-nin 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. İddia tələbi təmin edildiyindən, ödənilmiş 35.95 manat məbləğində dövlət rüsumunun əvəzi cavabdehdən tutularaq iddiaçıya ödənilməlidir. Göstərilənlərə əsaslanaraq və Azərbaycan Respublikası Mülki Prosessual Məcəlləsinin 284-5, 284-6, 216-220-ci maddələrini rəhbər tutaraq, qət etdi: İddia təmin edilsin. Cavabdeh 02 iyul 2025-ci il tarixli müqaviləyə əsasən 661.5 manat əsas borc, 66.15 manat cərimə, 04 iyul 2025-ci il tarixli müqaviləyə əsasən 370.5 manat əsas borc, 37.05 manat cərimə, 02 iyul 2025-ci il tarixli müqaviləyə əsasən 211.4 manat əsas borc, 21.14 manat cərimə, 02 iyul 2025-ci il tarixli müqaviləyə əsasən 206.1 manat əsas borc, 20.61 manat cərimə borcu olmaqla, ümumilikdə 1594.45 manat borc və 35.95 manat ödənilmiş dövlət rüsumunun əvəzi tutularaq İddiaçı MMC-yə ödənilsin. Qətnamədən rəsmi qaydada verildiyi gündən 1 ay müddətində Culfa Rayon Məhkəməsi vasitəsilə Naxçıvan Muxtar Respublikası Ali Məhkəməsinin Mülki Kollegiyasına apellyasiya şikayəti verilə bilər. Qətnamədən şikayət verilmədikdə, rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim: Mehrab Məmmədov