Bakı Şəhəri Binəqədi Rayon Məhkəməsi Qətnamə — İş №2(001)-1000/2021

Azərbaycan Respublikası adından QƏTNAMƏ Bakı şəhəri İş № 2(001)-1000/2021 22.02.2021 BAKI ŞƏHƏRİ BİNƏQƏDİ RAYON MƏHKƏMƏSİ Hakim Səlimova Səadət Rəşid qızının sədrliyi Rəhimov Elçin Əhəd oğlunun katibliyi ilə İddiaçı Cavabdeh qarşı Bakı şəhəri Binəqədi rayonu Əcəmi Naxçıvani küçəsi 15 saylı evin 51 saylı mənzilinə (yeni qaydalarla Bakı şəhəri Binəqədi rayonu Əcəmi Naxçıvani küçəsi 65 M14 m3) istifadə hüququna xitam verilməsinə dair iddia ərizəsi üzrə mülki işə açıq məhkəmə iclasında baxaraq MÜƏYYƏN ETDİ İddiaçı Cavabdeh qarşı Bakı şəhəri Binəqədi rayonu Əcəmi Naxçıvani küçəsi 15 saylı evin 51 saylı mənzilinə (yeni qaydalarla Bakı şəhəri Binəqədi rayonu Əcəmi Naxçıvani küçəsi 65 M14 m3) istifadə hüququna xitam verilməsinə dair iddia ərizəsi ilə məhkəməyə müraciət etmişdir. Məhkəmə iclasında İddiaçı vəkili və nümayəndəsi Vəkil iddia ərizəsini müdafiə edərək izahatında göstərmişdir ki, Bakı şəhəri 1 saylı notariat ofisində bağlanmış xx.xx.2020-ci il tarixli AN-1 № ******* saylı daşınmaz əmlakın alqı-satqı müqaviləsinə əsasən X6 mülkiyyətində olan Bakı şəhəri Binəqədi rayonu Əcəmi Naxçıvani küçəsi 15 saylı evin 51 saylı mənzili (yeni qaydalarla Bakı şəhəri Binəqədi rayonu Əcəmi Naxçıvani küçəsi 65 M.14 m3) iddiaçıya satmışdır. Azərbaycan Respublikası Əmlak Məsələləri Dövlət Komitəsinin Yanında Daşınmaz Əmlakın Dövlət Reyestri Xidməti tərəfindən verilmiş xx.xx.2020-ci il tarixli dövlət reyestrindən çıxarışa əsasən Bakı şəhəri Binəqədi rayonu Əcəmi Naxçıvani küçəsi 15 saylı evin 51 saylı mənzili (yeni qaydalarla Bakı şəhəri Binəqədi rayonu Əcəmi Naxçıvani küçəsi 65 M.14 m.3) iddiaçının tam mülkiyyətindədir. İddiaçıdan əvvəl mənzilin mülkiyyətçisi olmuş X6 mənzili xx.xx.2014-cü il tarixli AN-1 № ******* saylı daşınmaz əmlakın alqı-satqı müqaviləsinə əsasən X3 almışdır. Cavabdeh X4 əridir və həmin vaxt mənzilin satılmasına razılıq ərizəsi vermişdir. Lakin Cavabdeh pasport qeydiyyatından bu günə kimi çıxmamışdır ki, bu da iddiaçının mülkiyyətçi kimi hüquqlarının məhdudlaşdırılmasına gətirib çıxarmışdır. Ona görə də Cavabdeh Bakı şəhəri Binəqədi rayonu Əcəmi Naxçıvani küçəsi 15 saylı evin 51 saylı mənzilinə (yeni qaydalarla Bakı şəhəri Binəqədi rayonu Əcəmi Naxçıvani küçəsi 65 M.14 m.3) istifadə hüquqlarına xitam verilməsinə dair qətnamə qəbul edilməsini xahiş edir. Cavabdeh məhkəməyə məlum ünvanı üzrə məhkəmə iclasının yeri və vaxtı barədə məlumat verilsə də, Cavabdeh məhkəmə iclasında iştirak etməmişdir. Məhkəmə Azərbaycan Respublikası MPM-nin 185.5-ci maddəsinə əsasən, işə Cavabdeh iştirakı olmadan baxılmasını mümkün hesab etmişdir. Məhkəmə iddiaçının vəkili və nümayəndəsinin izahatını dinləyib, məhkəməyə təqdim olunmuş sübutları tədqiq edib, hesab edir ki, iddia ərizəsi təmin edilməlidir. Məhkəmə qeyd edir ki, mülkiyyət hüququ maddi nemətlərin fərdi nəzəriyyəsində iqtisadi hüquq və azadlıqlar sistemində, Azərbaycan Respublikasının Konstitusiyasında (13 və 29 mad.) və ölkəmizin qoşulduğu beynəlxalq-hüquqi aktlarda (İnsan hüquqları haqqında Ümumi Bəyannamənin 17-ci maddəsi, İnsan hüquqlarının və əsas azadlıqlarının müdafiəsi haqqında Konvensiyaya 1 saylı əlavə protokolun 1-ci maddəsi və s.) nəzərdə tutulmuş fundamental insan hüquqları sırasında mühüm yer tutur. Mülkiyyət hüququ hamılıqla qəbul edilmiş ali insani dəyərləri özündə əks etdirən demokratik cəmiyyətin, hüquqi dövlətin təməl daşlarından biri hesab edilir. Azərbaycan Respublikası Mülki Məcəlləsinin 152.1-ci maddəsinə əsasən mülkiyyət hüququ subyektin ona mənsub əmlaka öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüquqdur. Həmin Məcəllənin 157.4-cü maddəsinə əsasən isə əgər mülkiyyətə qəsd və ya başqa maneələr əşyanı götürmədən və ya ondan məhrum etmədən törədilirsə, mülkiyyətçi qəsd edəndən bu hərəkətlərə son qoymağı tələb edə bilər. Bu cür hərəkətlər davam etdirildikdə mülkiyyətçi həmin hərəkətə son qoyulmasını məhkəmə vasitəsi ilə tələb edə bilər. Azərbaycan Respublikası Mülki Məcəlləsinin 203.1-ci maddəsində təsbit edilmişdir ki, daşınmaz əmlakın dövlət reyestrində qeydiyyat yazısı ləğv edildikdə daşınmaz əmlaka mülkiyyət hüququ itirilir. Həmin Məcəllənin 228.4-cü maddəsinə görə isə yaşayış evinə və ya mənzilə mülkiyyət hüququnun keçməsi yaşayış binasının tərkib hissəsindən istifadə hüququna xitam verilməsi üçün əsas deyil, amma yaşayış otağından istifadə hüququ olan şəxsin mülkiyyət hüququndan imtina barəsində həmin hüquq keçənədək notariat qaydasında təsdiqlənmiş öhdəlik verdiyi hal istisna təşkil edir. Avropa İnsan Hüquqları Məhkəməsi Marckx Belçikaya qarşı xx.xx.1979-cu il tarixli qərarında qeyd etmişdir ki, öz əmlakına sərəncam vermək mülkiyyət hüququnun adi və əsasını təşkil edən aspektidir. X1 ilə alıcı X6 arasında bağlanmış xx.xx.2014-cü il tarixli AN – İ № ******* saylı daşınmaz əmlakın alqı-satqı müqaviləsinin notarial qaydada təsdiq olunmuş surətindən müəyyən olunur ki, satıcı Bakı şəhəri Binəqədi rayonu Əcəmi Naxçıvani küçəsi 15 saylı evin 51 saylı mənzilini alıcıya satmışdır. X2 ilə alıcı İddiaçı arasında bağlanmış xx.xx.2020-ci il tarixli AN – İ № ******* saylı daşınmaz əmlakın alqı-satqı müqaviləsinin notarial qaydada təsdiq olunmuş surətindən müəyyən olunur ki, satıcı Bakı şəhəri Binəqədi rayonu Əcəmi Naxçıvani küçəsi 15 saylı evin 51 saylı mənzilini (yeni qaydalarla: AZ 1124 Bakı şəhəri Binəqədi rayonu Əcəmi Naxçıvani küçəsi 65 M14 m3) alıcıya satmışdır. Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti Hüquqların Dövlət qeydiyyatı haqqında daşınmaz əmlakın Dövlət reyestrindən xx.xx.2020-ci il tarixli çıxarışın notarial qaydada təsdiq olunmuş surətindən müəyyən olunur ki, Bakı şəhəri Binəqədi rayonu Əcəmi Naxçıvani küçəsi 15 saylı evin 51 saylı mənzili (yeni qaydalarla: AZ 1124 Bakı şəhəri Binəqədi rayonu Əcəmi Naxçıvani küçəsi 65 M14 m3) İddiaçı adına xüsusi mülkiyyət hüququ əsasında daşınmaz əmlakın dövlət reyestrində ********** qeydiyyat nömrəsi ilə qeydiyyata alınmışdır. Cavabdeh razılıq ərizəsinin notarial qaydada təsdiq olunmuş surətindən müəyyən olunur ki, Cavabdeh Azərbaycan Respublikası Bakı şəhəri Naxçıvani küçəsi 15 saylı evin 51 saylı mənzilinin özgəninkiləşdirilməsini həyata keçirməsinə razılıq vermişdir. 1 saylı Bakı Asan xidmət mərkəzi tərəfindən verilmiş xx.xx.2020-ci il tarixli ******* №-li yaşayış yeri üzrə qeydiyyat haqqında arayışdan müəyyən olunur ki, xx.xx.1969-cu il təvəllüdlü Cavabdeh Bakı şəhəri Binəqədi rayonu Əcəmi Naxçıvani küçəsi 15 saylı evin 51 saylı mənzilində qeydiyyatdadır. Məhkəmə qeyd edir ki, Azərbaycan Respublikası MPM-nin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məhkəmə mülki iş üzrə tədqiq olunmuş sübutlar məcmusuna qiymət verib belə nəticəyə gəlir ki, cavabdeh Bakı şəhəri Binəqədi rayonu Əcəmi Naxçıvani küçəsi 15 saylı evin 51 saylı mənzilinin satılmasına razılıq verdiyindən iddiaçının cavabdehin Bakı şəhəri Binəqədi rayonu Əcəmi Naxçıvani küçəsi 15 saylı evin 51 saylı mənzilinə (yeni qaydalarla Bakı şəhəri Binəqədi rayonu Əcəmi Naxçıvani küçəsi 65 M14 m3) olan istifadə hüququna xitam verilməsinə dair iddia tələbi əsaslıdır, ona görə də təmin edilməlidir. Məhkəmə yalnız tərəflərin təqdim etdiyi sübutları araşdırmış və öz qətnaməsini yalnız məhkəmə iclasında tədqiq olunmuş sübutlarla əsaslandırmışdır. Şərh olunanlara əsasən və Azərbaycan Respublikası MPM-nin 216-220-ci maddələrini rəhbər tutaraq, məhkəmə QƏT ETDİ İddia ərizəsi təmin edilsin. Cavabdeh Bakı şəhəri Binəqədi rayonu Əcəmi Naxçıvani küçəsi 15 saylı evin 51 saylı mənzilinə (yeni qaydalarla Bakı şəhəri Binəqədi rayonu Əcəmi Naxçıvani küçəsi 65 M14 m3) istifadə hüququna xitam verilsin. Qətnamədən, onun rəsmi qaydada verildiyi gündən bir ay müddətində Bakı şəhəri Binəqədi Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən bir ay keçdikdən sonra qanuni qüvvəyə minir. Sədrlik edən Səadət Səlimova