Bakı Şəhəri Binəqədi Rayon Məhkəməsi Qətnamə — İş №2(001)-7719/2021

Azərbaycan Respublikası adından QƏTNAMƏ Bakı şəhəri İş № 2(001)-7719/2021 03.11.2021 BAKI ŞƏHƏRİ BİNƏQƏDİ RAYON MƏHKƏMƏSİ Hakim Səlimova Səadət Rəşid qızının sədrliyi Rüstəmova Ofelya Əkbər qızının katibliyi ilə İddiaçı Cavabdeh qarşı Bakı şəhəri Binəqədi rayonu Svetlana Məmmədova küçəsi 203b saylı evin 11 saylı mənzilinə istifadə hüququna xitam verilməsinə dair iddia ərizəsi üzrə mülki işə açıq məhkəmə iclasında baxaraq MÜƏYYƏN ETDİ İddiaçı Cavabdeh qarşı Bakı şəhəri Binəqədi rayonu Svetlana Məmmədova küçəsi 203b saylı evin 11 saylı mənzilinə istifadə hüququna xitam verilməsinə dair iddia ərizəsi ilə məhkəməyə müraciət etmişdir. Məhkəmə iclasında İddiaçı iddia ərizəsini müdafiə edərək izahatında göstərmişdir ki, o, Bakı şəhəri Binəqədi rayonu Svetlana Məmmədova küçəsi 203b saylı evin 11 saylı mənzilini 25.06.2021-ci il tarixli alqı-satqı müqaviləsinə əsasən, Nümayəndə, X1 və X2 almışdır. Mənzilə dair mülkiyyət hüququ DƏDRX-də 30.06.2021-ci il tarixdə qeydə alınmışdır. Cavabdeh mənzildə qalan qeydiyyatı onun mülkiyyət hüquqlarını məhdudlaşdırır. Ona görə də, Cavabdeh Bakı şəhəri Binəqədi rayonu Svetlana Məmmədova küçəsi 203b saylı evin 11 saylı mənzilinə istifadə hüququna xitam verilməsinə dair qətnamə çıxarılmasını xahiş edir. Cavabdeh nümayəndəsi Nümayəndə ərizə ilə məhkəməyə müraciət edərək iddia ərizəsini qəbul etməsini, mənzilin N.İ.Adıgözəlovanın razılığı ilə satılaraq boşaldılıb yeni mülkiyyətçiyə təhvil verilməsini bildirib işə onların iştirakı olmadan baxılaraq Nümayəndə Bakı şəhəri Binəqədi rayonu Svetlana Məmmədova küçəsi 203b saylı evin 11 saylı mənzilinə istifadə hüququnu itirilməsinə dair qətnamə çıxarılmasını xahiş etmiş, məhkəmə işə Cavabdeh iştirakı olmadan baxılmasını mümkün hesab etmişdir. Məhkəmə tərəflərin iddia tələblərinə münasibətlərini, məhkəməyə təqdim olunmuş sübutları tədqiq edib, hesab edir ki, iddia ərizəsi təmin edilməlidir. Məhkəmə qeyd edir ki, mülkiyyət hüququ maddi nemətlərin fərdi nəzəriyyəsində iqtisadi hüquq və azadlıqlar sistemində, Azərbaycan Respublikasının Konstitusiyasında (13 və 29 mad.) və ölkəmizin qoşulduğu beynəlxalq-hüquqi aktlarda (İnsan hüquqları haqqında Ümumi Bəyannamənin 17-ci maddəsi, İnsan hüquqlarının və əsas azadlıqlarının müdafiəsi haqqında Konvensiyaya 1 saylı əlavə protokolun 1-ci maddəsi və s.) nəzərdə tutulmuş fundamental insan hüquqları sırasında mühüm yer tutur. Mülkiyyət hüququ hamılıqla qəbul edilmiş ali insani dəyərləri özündə əks etdirən demokratik cəmiyyətin, hüquqi dövlətin təməl daşlarından biri hesab edilir. Azərbaycan Respublikası Mülki Məcəlləsinin 152.1-ci maddəsinə əsasən mülkiyyət hüququ subyektin ona mənsub əmlaka öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüquqdur. Həmin Məcəllənin 157.4-cü maddəsinə əsasən isə əgər mülkiyyətə qəsd və ya başqa maneələr əşyanı götürmədən və ya ondan məhrum etmədən törədilirsə, mülkiyyətçi qəsd edəndən bu hərəkətlərə son qoymağı tələb edə bilər. Bu cür hərəkətlər davam etdirildikdə mülkiyyətçi həmin hərəkətə son qoyulmasını məhkəmə vasitəsi ilə tələb edə bilər. Azərbaycan Respublikası Mülki Məcəlləsinin 203.1-ci maddəsində təsbit edilmişdir ki, daşınmaz əmlakın dövlət reyestrində qeydiyyat yazısı ləğv edildikdə daşınmaz əmlaka mülkiyyət hüququ itirilir. Həmin Məcəllənin 228.4-cü maddəsinə görə isə yaşayış evinə və ya mənzilə mülkiyyət hüququnun keçməsi yaşayış binasının tərkib hissəsindən istifadə hüququna xitam verilməsi üçün əsas deyil, amma yaşayış otağından istifadə hüququ olan şəxsin mülkiyyət hüququndan imtina barəsində həmin hüquq keçənədək notariat qaydasında təsdiqlənmiş öhdəlik verdiyi hal istisna təşkil edir. Avropa İnsan Hüquqları Məhkəməsi Marckx Belçikaya qarşı 13.07.1979-cu il tarixli qərarında qeyd etmişdir ki, öz əmlakına sərəncam vermək mülkiyyət hüququnun adi və əsasını təşkil edən aspektidir. Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti Hüquqların Dövlət qeydiyyatı haqqında daşınmaz əmlakın Dövlət reyestrindən 30.06.2021-ci il tarixli çıxarışın surətindən müəyyən olunur ki, Bakı şəhəri Binəqədi rayonu Svetlana Məmmədova küçəsi 203b saylı evin 11 saylı mənzili İddiaçı adına xüsusi mülkiyyət hüququ əsasında daşınmaz əmlakın dövlət reyestrində ********** qeydiyyat nömrəsi ilə qeydiyyata alınmışdır. 1 saylı Bakı Asan xidmət mərkəzi tərəfindən verilmiş 21.09.2021-ci il tarixli ******* №li yaşayış yeri üzrə qeydiyyat haqqında arayışdan müəyyən olunur ki, xx.xx.1996-cı il təvəllüdlü Cavabdeh Bakı şəhəri Binəqədi rayonu Svetlana Məmmədova küçəsi 203b saylı evin 11 saylı mənzilində qeydiyyatdadır. Bakı şəhəri Binəqədi Rayon Məhkəməsinin 30.08.2021-ci il tarixli 2(001)-6359\2021 saylı qətnaməsinə əsasən Nümayəndə, X3 12.02.2019-cu il təvəllüdlü X7 və 07.02.2020ci il təvəllüdlü X4 ilə birlikdə Bakı şəhəri Binəqədi rayonu Svetlana Məmmədova küçəsi 203b saylı evin 11 saylı mənzilinə istifadə hüququna xitam verilmişdir. Qətnamədən daha sonra müəyyən olunur ki, 25.07.2021-ci il tarixli AN-İ seriyalı ******* saylı alqı-satqı müqaviləsinə əsasən Nümayəndə, X5 və X6 hər birinin 1\3 hissədə mülkiyyətlərində olan Bakı şəhəri Binəqədi rayonu Svetlana Məmmədova küçəsi 203b saylı evin 11 saylı mənzilini İddiaçı satmışlar. Məhkəmə qeyd edir ki, Azərbaycan Respublikası MPM-nin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məhkəmə mülki iş üzrə tədqiq olunmuş sübutlar məcmusuna qiymət verib belə nəticəyə gəlir ki, cavabdeh paylı mülkiyyətində olan mənzili özgəninkiləşdirilməklə Bakı şəhəri Binəqədi rayonu Svetlana Məmmədova küçəsi 203b saylı evin 11 saylı mənzilinə hüququnu itirdiyindən iddia ərizəsi əsaslıdır, ona görə də təmin edilməlidir. Məhkəmə yalnız tərəflərin təqdim etdiyi sübutları araşdırmış və öz qətnaməsini yalnız məhkəmə iclasında tədqiq olunmuş sübutlarla əsaslandırmışdır. Şərh olunanlara əsasən və Azərbaycan Respublikası MPM-nin 216-220-ci maddələrini rəhbər tutaraq, məhkəmə QƏT ETDİ İddia ərizəsi təmin edilsin. Cavabdeh Bakı şəhəri Binəqədi rayonu Svetlana Məmmədova küçəsi 203b saylı evin 11 saylı mənzilinə istifadə hüququna xitam verilsin. Qətnamədən, onun rəsmi qaydada verildiyi gündən bir ay müddətində Bakı şəhəri Binəqədi Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən bir ay keçdikdən sonra qanuni qüvvəyə minir. Sədrlik edən Səadət Səlimova