Bakı Şəhəri Binəqədi Rayon Məhkəməsi Qətnamə — İş №2(001)-7825/2021

Azərbaycan Respublikası adından QƏTNAMƏ Bakı şəhəri İş № 2(001)-7825/2021 11.11.2021 BAKI ŞƏHƏRİ BİNƏQƏDİ RAYON MƏHKƏMƏSİ Hakim Səlimova Səadət Rəşid qızının sədrliyi Rüstəmova Ofelya Əkbər qızının katibliyi ilə İddiaçı Cavabdehlər Cavabdeh1 Bəhram oğluna, Cavabdeh2 Hüseyn qızına, Cavabdeh5, Cavabdeh4, X4, Cavabdeh7, Cavabdeh8, Cavabdeh6 qarşı Bakı şəhəri Binəqədi rayonu Biləcəri qəsəbəsi İlqar Kərimov küçəsi 9 saylı evin 2 saylı mənzilinə istifadə hüquqlarının itirilməsinə dair iddia ərizəsi üzrə mülki işə açıq məhkəmə iclasında baxaraq MÜƏYYƏN ETDİ İddiaçı cavabdehlər Cavabdeh1 Bəhram oğluna, Cavabdeh2 Hüseyn qızına, Cavabdeh5, Cavabdeh4, X4, Cavabdeh7, Cavabdeh8, Cavabdeh6 qarşı Bakı şəhəri Binəqədi rayonu Biləcəri qəsəbəsi İlqar Kərimov küçəsi 9 saylı evin 2 saylı mənzilinə istifadə hüquqlarının itirilməsinə dair iddia ərizəsi ilə məhkəməyə müraciət etmişdir. Məhkəmə iclasında İddiaçı iddia ərizəsini müdafiə edərək izahatında göstərmişdir ki, o, Bakı şəhəri Binəqədi rayonu Biləcəri qəsəbəsi İlqar Kərimov küçəsi 9 saylı evin 2 saylı mənzilini Cavabdeh5 23.09.2006-cı il tarixdə bağlanmış alqı-satqı müqaviləsinə əsasən almış, müqavilə bağlanarkən yetkinlik yaşına çatan cavabdehlər öz razılıqlarını vermiş, mənzili boşaldaraq ona təhvil vermişlər. Daha sonra onun mənzilə dair mülkiyyət hüquqları DƏDRX-də qeydə alınmışdır. Cabadehlər mənzildən qeydiyyatdan çıxmağı öhdələrinə götürsələr də, bu günədək onun mülkiyyətində olan mənzildə qeydiyyatda qalmaqda davam edirlər. Bu hal isə onun mənzlə dair mülkiyyət hüquqlarını məhdudlaşdırır. Ona görə də cavabdehlər Cavabdeh1 Bəhram oğlunun, Cavabdeh2 Hüseyn qızının, Cavabdeh5, Cavabdeh4, X2, Cavabdeh7, Cavabdeh8, Cavabdeh6 Bakı şəhəri Binəqədi rayonu Biləcəri qəsəbəsi İlqar Kərimov küçəsi 9 saylı evin 2 saylı mənzilinə istifadə hüquqlarının itirilməsinə dair qətnamə çıxarılmasını xahiş edir. Cavabdehlər Cavabdeh1 Bəhram oğluna, Cavabdeh2 Hüseyn qızına, Cavabdeh5, Cavabdeh4, X4, Cavabdeh7, Cavabdeh8, Cavabdeh6 məhkəməyə məlum ünvanları üzrə məhkəmə iclasının yeri və vaxtı barədə məlumat verilsə də cavabdehlər məhkəmə iclasında iştirak etməmişlər. Məhkəmə Azərbaycan Respublikası MPM-nin 185.5-ci maddəsinin tələblərinə əsasən işə cavabdehlər Cavabdeh1 Bəhram oğlunun, Cavabdeh2 Hüseyn qızının, Cavabdeh5, Cavabdeh4, X2, Cavabdeh7, Cavabdeh8, Cavabdeh6 iştirakı olmadan baxılmasını mümkün hesab etmişdir. Məhkəmə iddiaçının izahatını dinləyib, məhkəməyə təqdim olunmuş sübutları tədqiq edib, hesab edir ki, iddia ərizəsi təmin edilməlidir. Məhkəmə qeyd edir ki, mülkiyyət hüququ maddi nemətlərin fərdi nəzəriyyəsində iqtisadi hüquq və azadlıqlar sistemində, Azərbaycan Respublikasının Konstitusiyasında (13 və 29 mad.) və ölkəmizin qoşulduğu beynəlxalq-hüquqi aktlarda (İnsan hüquqları haqqında Ümumi Bəyannamənin 17-ci maddəsi, İnsan hüquqlarının və əsas azadlıqlarının müdafiəsi haqqında Konvensiyaya 1 saylı əlavə protokolun 1-ci maddəsi və s.) nəzərdə tutulmuş fundamental insan hüquqları sırasında mühüm yer tutur. Mülkiyyət hüququ hamılıqla qəbul edilmiş ali insani dəyərləri özündə əks etdirən demokratik cəmiyyətin, hüquqi dövlətin təməl daşlarından biri hesab edilir. Azərbaycan Respublikası Mülki Məcəlləsinin 152.1-ci maddəsinə əsasən mülkiyyət hüququ subyektin ona mənsub əmlaka öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüquqdur. Həmin Məcəllənin 157.4-cü maddəsinə əsasən isə əgər mülkiyyətə qəsd və ya başqa maneələr əşyanı götürmədən və ya ondan məhrum etmədən törədilirsə, mülkiyyətçi qəsd edəndən bu hərəkətlərə son qoymağı tələb edə bilər. Bu cür hərəkətlər davam etdirildikdə mülkiyyətçi həmin hərəkətə son qoyulmasını məhkəmə vasitəsi ilə tələb edə bilər. Azərbaycan Respublikası Mülki Məcəlləsinin 203.1-ci maddəsində təsbit edilmişdir ki, daşınmaz əmlakın dövlət reyestrində qeydiyyat yazısı ləğv edildikdə daşınmaz əmlaka mülkiyyət hüququ itirilir. Həmin Məcəllənin 228.4-cü maddəsinə görə isə yaşayış evinə və ya mənzilə mülkiyyət hüququnun keçməsi yaşayış binasının tərkib hissəsindən istifadə hüququna xitam verilməsi üçün əsas deyil, amma yaşayış otağından istifadə hüququ olan şəxsin mülkiyyət hüququndan imtina barəsində həmin hüquq keçənədək notariat qaydasında təsdiqlənmiş öhdəlik verdiyi hal istisna təşkil edir. Avropa İnsan Hüquqları Məhkəməsi Marckx Belçikaya qarşı 13.07.1979-cu il tarixli qərarında qeyd etmişdir ki, öz əmlakına sərəncam vermək mülkiyyət hüququnun adi və əsasını təşkil edən aspektidir. Satıcı Cavabdeh5 ilə alıcı İddiaçı arasında bağlanmış 23.09.2006-cu il tarixli alqısatqı müqaviləsindən müəyyən olunur ki, satıcı Bakı şəhəri Binəqədi rayonu Biləcəri qəsəbəsi İlqar Kərimov küçəsi 9 saylı evin 2 saylı mənzilini alıcıya satmışdır. Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti Hüquqların Dövlət qeydiyyatı haqqında daşınmaz əmlakın Dövlət reyestrindən 03.11.2006-ci il tarixli çıxarışın surətindən müəyyən olunur ki, Bakı şəhəri Binəqədi rayonu Biləcəri qəsəbəsi İlqar Kərimov küçəsi 9 saylı evin 2 saylı mənzili İddiaçı adına xüsusi mülkiyyət hüququ əsasında daşınmaz əmlakın dövlət reyestrində ********* qeydiyyat nömrəsi ilə qeydiyyata alınmışdır. 1 saylı Bakı Asan xidmət mərkəzi tərəfindən verilmiş 03.07.2021-ci il tarixli ******* №li yaşayış yeri üzrə qeydiyyat haqqında arayışdan müəyyən olunur ki, xx.xx.1958-ci il təvəllüdlü Cavabdeh1 Bəhram oğlu, xx.xx.1994-cü il təvəllüdlü Cavabdeh2 Hüseyn qızı Bakı şəhəri Binəqədi rayonu Biləcəri qəsəbəsi İlqar Kərimov küçəsi 9 saylı evin 2 saylı mənzilində qeydiyyatdadırlar. Binəqədi rayonu 112 saylı MKİS-nin 134 saylı arayışından müəyyən olunur ki, 1958ci il təvəllüdlü Cavabdeh1 Bəhram oğlu, 1994-cü il təvəllüdlü İmanova (Adıgözəlbəyli) Elvira Hüseyn qızı, 1962-ci il təvəllüdlü Cavabdeh5, 1985-ci il təvəllüdlü Məmmədova (Mustafayeva) Ceyhunə Dərgah qızı, 1982-ci il təvəllüdlü X5, 1958-ci il təvəllüdlü Cavabdeh7, 1992-ci il təvəllüdlü Cavabdeh8, 1981-ci il təvəllüdlü Cavabdeh6 Bakı şəhəri Binəqədi rayonu Biləcəri qəsəbəsi İlqar Kərimov küçəsi 9 saylı evin 2 saylı mənzilində qeydiyyatdadırlar. X3, X1, Cavabdeh7, Cavabdeh6 21.09.2006-cı il tarixli, Cavabdeh1 Bəhram oğlunun 22.09.2006-cı il tarixli notarial qaydada təsdiq olunmuş ərizələrindən müəyyən olunur ki, onlar Bakı şəhəri Binəqədi rayonu Biləcəri qəsəbəsi İlqar Kərimov küçəsi 9 saylı evin 2 saylı mənzilinin satılmasına etiraz etmədiklərini bildirmişlər. Məhkəmə qeyd edir ki, Azərbaycan Respublikası MPM-nin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məhkəmə mülki iş üzrə tədqiq olunmuş sübutlar məcmusuna qiymət verib belə nəticəyə gəlir ki, cavabdehlər yaşadıqları mənzilin özgəninkiləşdirilməsinə razılıq verdikdən sonra həmin mənzili himayələrində olan yetkinlik yaşına çatmayanlarla birlikdə boşaldaraq yeni mülkiyyətçiyə təhvil verməklə Bakı şəhəri Binəqədi rayonu Biləcəri qəsəbəsi İlqar Kərimov küçəsi 9 saylı evin 2 saylı mənzilinə istifadə hüquqlarını itirdiklərindən iddia ərizəsi əsaslıdır, ona görə də təmin edilməlidir. Məhkəmə yalnız tərəflərin təqdim etdiyi sübutları araşdırmış və öz qətnaməsini yalnız məhkəmə iclasında tədqiq olunmuş sübutlarla əsaslandırmışdır. Şərh olunanlara əsasən və Azərbaycan Respublikası MPM-nin 216-220-ci maddələrini rəhbər tutaraq, məhkəmə QƏT ETDİ İddia ərizəsi təmin edilsin. Cavabdeh1 Bəhram oğlunun, Cavabdeh2 Hüseyn qızının, Cavabdeh5, Cavabdeh4, X2, Cavabdeh7, Cavabdeh8, Cavabdeh6 Bakı şəhəri Binəqədi rayonu Biləcəri qəsəbəsi İlqar Kərimov küçəsi 9 saylı evin 2 saylı mənzilinə istifadə hüquqları itirilsin. Qətnamədən, onun rəsmi qaydada verildiyi gündən bir ay müddətində Bakı şəhəri Binəqədi Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən bir ay keçdikdən sonra qanuni qüvvəyə minir. Sədrlik edən Səadət Səlimova