Bakı Şəhəri Binəqədi Rayon Məhkəməsi Qərardad — İş №2(001)-8008/2021

Azərbaycan Respublikası adından QƏRARDAD Bakı şəhəri İş № 2(001)-8008/2021 06.10.2021 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Mustafayev Etibar Mustafa oğlu, İddiaçı Cavabdehnə (MTK) qarşı “istifadə hüququnun itirilməsi” tələbinə dair iddia ərizəsini və əlavə olunmuş sənədləri 06 oktyabr 2021-ci il tarixdə nəzərdən keçirərək, M Ü Ə Y Y Ə N E T D İ M: İddiaçı Cavabdeh MTK-ya qarşı iddia ərizəsi ilə məhkəməyə müraciət edərək ona məxsus Bakı şəhəri, Xətai rayonu, Turşu küçəsi, ev 4/20-də mənzilə xəsarət yetirməsinə səbəb olan cavabdeh tərəfindən aparılan tikintinin dayandırılması və həmin mənzildə cavabdeh tərəfindən qanunsuz sökülən hissələrin bərpa edilməsi öhdəliyinin Cavabdeh MTK üzərinə qoyulması barədə qətnamə çıxarılmasını xahiş etmişdir. İddia ərizəsini və ona əlavə olunmuş sənədləri nəzərdən keçirərək hesab edirəm ki, ərizə geri qaytarılmalıdır. Belə ki, Azərbaycan Respublikasının Mülki Prosessual Məcəlləsinin: - 149.2 və 149.2.3-cü (köhnə redaksiya) maddəsinə əsasən, ərizədə iddiaçının və ya ərizəçinin tələbi, onların öz tələblərini əsaslandırdıqları hallar... göstərilməlidir. - 150-ci maddəsinin tələblərinə əsasən, iddia ərizəsinə iddiaçının əsaslandığı halları təsdiq edən yazılı sübutlar tərəflərin sayına uyğun nüsxədə əlavə edilməli, iddiaçı ondan asılı olmayan səbəbələrə görə hər hansı konkret sübutu iddia ilə birgə təqdim edə bilmədikdə, bunu iddia ərizəsində göstərməlidir. - 152.1 və 152.1.1-ci maddəsinə əsasən, iddia ərizəsinin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. İddia ərizəsi və ona əlavə edilmiş sənədlər nəzərdən keçirilərkən müəyyən olunur ki, iddiaçı öz iddiasını əsaslandırdığı hallada dair heç bir yazılı sübut ərizəyə əlavə etməmişdir. Belə olan halda, hesab edirəm ki, iddia ərizəsi ona əlavə olunmuş sənədlərlə birlikdə geri qaytarılmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 263, 264, 267 və 268-ci maddələrini rəhbər tutaraq, məhkəmə QƏRARA ALDİM: İddiaçı Cavabdehnə (MTK) qarşı “istifadə hüququnun itirilməsi” tələbinə dair iddia ərizəsi və əlavə olunmuş sənədlər geri qaytarılsın. Qərardad rəsmi qaydada verildikdən sonra 10 gün müddətində ondan Bakı şəhəri Binəqədi Rayon Məhkəməsinə şikayət verilə bilər. Hakim Etibar Mustafayev