Bakı şəhəri Qaradağ Rayon Məhkəməsi Qərardad — İş №2(002)-2426/2022

Azərbaycan Respublikası adından QƏRARDAD Bakı şəhəri İş № 2(002)-2426/2022 08.08.2022 BAKI ŞƏHƏRİ QARADAĞ RAYON MƏHKƏMƏSİ İddiaçı cavabdehlər Cavabdeh1,Cavabdeh2,Cavabdeh3,Cavabdeh4 və Cavabdeh5 qarşı “yaşayış evinə köçürülmə” tələbinə dair iddia ərizəsini və ona əlavə edilmiş sənədləri nəzərdən keçirərək, məhkəmə MÜƏYYƏN ETDİ: İddiaçı cavabdehlər Cavabdeh1,Cavabdeh2,Cavabdeh3,Cavabdeh4 və Cavabdeh5 qarşı “yaşayış evinə köçürülmə” tələbinə dair ərizəsi ilə məhkəməyə müraciət edərək, Qaradağ rayonu,Lökbatan qəsəbəsi,2-ci massiv,5-ci keçid,21 saylı evin ½ hissəsinə köçürülməsi və həmin ünvanda yaşamağına cavabdehlər tərəfindən edilən müdaxilələrin qarşısının alınması barədə qətnamə qəbul edilməsini xahiş etmişdir. Ərizəni və ona əlavə edilmiş sənədləri nəzərdən keçirərək məhkəmə hesab edir ki, iddia ərizəsi icraata qəbul etməkdən imtina edilməlidir. Belə ki, Azərbaycan Respublikasının Mülki Prosessual Məcəlləsinin 153.2.2-ci maddəsinə əsasən eyni tərəflər arasında, eyni predmet barəsində və eyni əsaslar üzrə mübahisəyə dair məhkəmənin qanuni qüvvəyə minmiş qətnaməsi və ya iddiaçının iddiadan imtina etməsi ilə əlaqədar iş üzrə icraata xitam edilməsi və ya tərəflərin barışıq sazişinin təsdiq edilməsi haqqında məhkəmənin qərardadı olarsa; 153.5-ci maddəsinə əsasən ərizəni qəbul etməkdən imtina edilməsi iddiaçıya həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur; 153.6-cı maddəsinə əsasən iddia ərizəsini qəbul etməkdən imtina barədə qərardaddan şikayət verilə bilər. İddia ərizəsi və ona əlavə edilmiş sənədlərdəm görünür ki, hazırki mülki iş üzrə iddia tələbi Qaradağ rayonu,Lökbatan qəsəbəsi,2-ci massiv,5-ci keçid,21 saylı evin iddiaçıya aid hisəsinə iddiaçının köçürülməsi və cavabdehlər tərəfindən yaradılan manenin aradan qaldırılması tələbindən ibarətdir. İş materiallarından görünür ki, Bakı şəhəri Qaradağ Rayon Məhkəməsinin 2(002)-5356/2015 saylı 10 noyabr 2015-ci il tarixli qətnaməsi ilə Cavabdeh1,Cavabdeh2,Cavabdeh3,Cavabdeh4 və Cavabdeh5 Qaradağ rayonu,Lökbatan qəsəbəsi,2-ci massiv,5-ci keçid,21 saylı evin 17,4 kv.m və 14.6 kv.metr yaşayış sahəsindən çıxarılması və İddiaçı həmin otaqlara köçürlməsi qərara alınmış, həmin məhkəmə qətnaməsi xx.xx.2015-ci il tarixdə qanuni qüvvəyə minmişdir.Bundan əlavə, Bakı şəhəri Qaradağ Rayon Məhkəməsinin 29 mart 2021-ci il tarixli 2(002)- 46/2021 saylı qətnaməsi ilə Qaradağ rayonu,Lökbatan qəsəbəsi,2-ci massiv,5-ci keçid,21 saylı evin İddiaçı payına düşən ½ hissəsinin dəyəri olan 27000 manat və öədnilmiş 30 manat dövlət rüsumunun cavabdehlər Cavabdeh1,Cavabdeh2,Cavabdeh3,Cavabdeh4 və Cavabdeh5 müştərək qaydada tutularaq İddiaçı ödənilməsi qət edilmişdir Bu halda, məhkəmə hesab edir ki, eyni tərəflər arasında eyni predmet barəsində və eyni əsaslar üzrə qanuni qüvvəyə minmiş məhkəmə qətnamələri olduğundan, qeyd edilən iddia ərizəsi məhkəmənin icratına qəbul edilib, baxıla bilməz. Azərbaycan Respublikasının Mülki Prosessual Məcəlləsinin 114.1.2-ci maddəsinə əsasən bu Məcəllə ilə nəzərdə tutulmuş əsaslarla ərizəni baxılmaq üçün qəbul etməkdən imtina edilərsə Şərh olunanlara əsasən və Azərbaycan Respublikası Mülki Prosessual Məcəlləsinin 153, 266-268-ci maddələrini rəhbər tutaraq, QƏRARA ALDİ: İddiaçı cavabdehlər Cavabdeh1,Cavabdeh2,Cavabdeh3,Cavabdeh4 və Cavabdeh5 qarşı “yaşayış evinə köçürülmə” tələbinə dair iddia ərizəsi icraata qəbul edilməsindən imtina edilsin. İddia ərizəsi və ona əlavə olunmuş sənədlər, ödənilmiş 10 manat məbləğində dövlət rüsumu iddiaçıya geri qaytarılsın. Qərardaddan, qərardad tərəflərə rəsmi qaydada verildikdən sonra 10 gün müddətində Bakı şəhəri Qaradağ Rayon Məhkəməsinə elektron kabinet vasitəsilə şikayət verilə bilər. Hakim: Gülnar Əhmədova