Bakı şəhəri Qaradağ Rayon Məhkəməsi Qərardad — İş №2(002)-423/2023

Azərbaycan Respublikası adından QƏRARDAD Bakı şəhəri İş № 2(002)-423/2023 06.03.2023 BAKI ŞƏHƏRİ QARADAĞ RAYON MƏHKƏMƏSİ Hakim Həşimova Günay Rövşən qızının sədrliyi, Məmmədova Ülviyyə Nizami qızının katibliyi ilə, Ərizəçilər Ərizəçi1 və Ərizəçi2 vəkili və nümayəndəsi X1 iştirakı ilə Ərizəçilər Ərizəçi1 və Ərizəçi2 Bakı şəhəri 8 saylı Notariat Ofisini maraqlı şəxs qismində cəlb etdiyi miras əmlakın qəbul edilməsi faktının müəyyən edilməsi, vərəsəlik hüququnun tanınması tələbinə dair iddiası üzrə mülki işə açıq məhkəmə iclasında baxaraq M Ü Ə Y Y Ə N E T D İ: Ərizəçilər Ərizəçi1 və Ərizəçi2 Bakı şəhəri 8 saylı Notariat Ofisini maraqlı şəxs qismində cəlb etdiyi miras əmlakın qəbul edilməsi faktının müəyyən edilməsi, vərəsəlik hüququnun tanınması tələbinə iddia ərizəsi ilə məhkəməyə müraciət etmişdir. Ərizəçilər Ərizəçi1 və Ərizəçi2 vəkili və nümayəndəsi X2 məhkəmə iclasında ərizə təqdim edərək, iddia ərizəsinin və ona əlavə edilmiş sənədlərin geri qaytarılmasını xahiş etmişdir. Ərizəçilər Ərizəçi1 və Ərizəçi2 vəkili və nümayəndəsi X2 məhkəmə iclasında izahatında iddia ərizəsini geri götürmək istədiyini bildirdi. Cavabdeh Bakı şəhəri 8 saylı Notariat Ofisinə oğluna məhkəmə iclasının vaxtı və yeri barədə qanunla müəyyən olunmuş qaydada məlumat verilməsinə baxmayaraq, o, məhkəmə iclasına gəlməmiş, gəlməməsinin səbəbləri barədə məhkəməyə məlumat verməmiş və məhkəmə iclasının təxirə salınmasını xahiş etməmişdir. Məhkəmə Azərbaycan Respublikası Mülki Prosessual Məcəlləsinin 185.5-ci maddəsinə əsasən işə Bakı şəhəri 8 saylı Notariat Ofisinin nümayəndəsinin iştirakı olmadan baxılmasını mümkün hesab etmişdir. Azərbaycan Respublikasının Mülki Prosessual Məcəlləsinin 170.1-ci maddəsinə əsasən bu Məcəllənin 254, 255, 261.0.1-261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Həmin Məcəllənin 114.1 və 114.1.3-cü maddələrinə əsasən ödənilmiş dövlət rüsumu bu Məcəllə ilə nəzərdə tutulmuş əsaslarla ərizə geri qaytarılarsa qaytarılır. Məhkəmə qeyd edilənləri, iddia ərizəsinin geri qaytarılması barədə ərizəni nəzərə alaraq hesab edir ki, iddia ərizəsi və ona əlavə edilmiş sənədlərlə birlikdə geri qaytarılmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 170.1, 263-264, 266-268-ci maddələrini rəhbər tutaraq QƏRARAALDİ: Ərizəçilər Ərizəçi1 və Ərizəçi2 Bakı şəhəri 8 saylı Notariat Ofisini maraqlı şəxs qismində cəlb etdiyi miras əmlakın qəbul edilməsi faktının müəyyən edilməsi, vərəsəlik hüququnun tanınması tələbinə dair iddia ərizəsi və ona əlavə edilmiş sənədlər ərizəçilər Ərizəçi1 və Ərizəçi2 geri qaytarılsın. Ödənilmiş 100(yüz) manat dövlət rüsumu ərizəçilər Ərizəçi1 və Ərizəçi2 geri qaytarılsın. Qərardad tərəfə rəsmi qaydada verildikdən sonra qərardaddan 10 (on) gün müddətində Bakı şəhəri Qaradağ Rayon Məhkəməsinə şikayət verilə bilər. Hakim: Günay Həşimova