Bakı Şəhəri Xəzər Rayon Məhkəməsi Qətnamə — İş №2(003)-597/2021

Azərbaycan Respublikası adından QƏTNAMƏ Bakı şəhəri İş № 2(003)-597/2021 17.02.2021 BAKI ŞƏHƏRİ XƏZƏR RAYON MƏHKƏMƏSİ Hakim Xəzri Ramilə Həşim qızının sədrliyi, Mehdiyeva Nigar Namizəd qızının katibliyi, Ərizəçi Xeyriyyə Cəmiyyətinin nümayəndəsi Nurullayeva Könül Vaqif qızının iştirakı ilə Ərizəçi Xeyriyyə Cəmiyyətinin doğum faktının müəyyən edilməsinə dair ərizəsi üzrə mülki işə açıq məhkəmə iclasında baxaraq məhkəmə, Müəyyən etdi: Ərizəçi Xeyriyyə Cəmiyyəti doğum faktının müəyyən edilməsinə dair ərizə ilə məhkəməyə müraciət etmişdir. Məhkəmə iclasında ərizəçinin nümayəndəsi Nurullayeva Könül Vaqif qızı ərizəni müdafiə edərək onunla əsaslandırdı ki, Ərizəçi Xeyriyyə Cəmiyyəti xx.xx.1997-ci ildə Azərbaycan Respublikası Ədliyyə Nazirliyindən qeydiyyatdan keçmişdir. Nizamnamə əsasında fəaliyyət göstərərək kimsəsiz uşaqları mövcud normativ sənədlərin tələblərinə uyğun olaraq himayə altına almaqla, dövlət orqanlarında, siyasi və ictimai təşkilatlarda öz üzvlərinin qanuni mənafelərini təmsil edir və qorumaq vəzifələrini icra edir. Cəmiyyətin himayəsində olan X4 2018-ci ildə sığınacağa yerləşdirilmiş, atası vəfat etmiş, anası anormal həyat tərzi keçirir, nənəsi sığınacağa təhvil vermiş, orada hər bir ehtiyacı ödənilmişdir. Sığınacağa yerləşdiriləndə Ayselin heç bir sənədi olmamış, yaşı dəqiq bilinmir. Məhkəmə-Tibbi Ekspertiza və X3 canlı şəxsin ekspertizasına dair verilmiş rəyə görə X1 yaşının 9 yaşa uyğun olması müəyyən edilmişdir. Sığınacaqda yaşadığı müddət ərzində cəmiyyət tərəfindən araşdırma aparılmasına baxmayaraq, ona məxsus sənədlərin tapılması mümkün olmamışdır. Bununla əlaqədar olaraq X1 doğum faktının müəyyən edilərək müvafiq şəhadətnamənin alınması məqsədi ilə məhkəməyə müraciət edilmişdir. Qeyd olunanlara əsasən məhkəmədən, Aysel Mahmudovanın doğum faktının müəyyən edilməsi barədə qətnamə qəbul çıxarılmasını xahiş etmişdir. İş üzrə maraqlı şəxs, Bakı şəhəri Maraqlı şəxs məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, nümayəndəsi məhkəmə iclasına gəlməmiş, məhkəmə, Azərbaycan Respublikasının Mülki Prosessual Məcəlləsinin 185. maddəsinə əsasən maraqlı şəxsin nümayəndəsinin iştirakı olmadan işə baxılmasını mümkün hesab etmişdir. Məhkəmə iclasında şahid qismində ifadə vermiş X2 bildirmişdir ki, o, uşağın doğma nənəsidir. X7 Qəhrəmanoviç xx.xx.2016-cı il tarixində vəfat etməsi ilə əlaqədar iki azyaşlı övladları – xx.xx.2010-cu il təvəllüdlü Aysel və xx.xx.2013-cü il təvəllüdlü Qəhrəman onun himayəsində qalmışlar. Uşaqların anaları X6 uşaqları hələ mərhum oğlu ölməmişdən qabaq atıb getmiş və öz həyatını yaşayır. Oğlu öldükdən sonra məlum olmuşdur ki, uşaqların şəxsiyyətini təsdiq edən sənədləri yoxdur. O, bununla əlaqədar polisə, İcra Hakimiyyətinə və ombudsmana müraciətlər etmişdir. Məhkəmə ərizəçinin nümayəndəsinin izahatını dinləyib, təqdim olunmuş sübutları araşdıraraq, hesab edir ki, ərizə aşağıdakı əsaslara görə təmin edilməlidir. Belə ki, iş materiallarında olan arayışdan görünür ki, X4 «Ərizəçi” uşaq sığınacağında yaşayır. İşə əlavə edilmiş Məhkəmə-Tibbi Ekspertiza və X3 xx.xx.2019-cu il tarixli canlı şəxsin məhkəmə-tibbi müayinəsinə dair verilmiş rəyə görə Mahmudova Ayselin məhkəmətibbi və rentgenoloji müayinəsinə əsasən onun sümük yaşı 9-10 ilə uyğun gəlir. Azərbaycan Respublikasının Ailə Məcəlləsinin 44.4-cü maddəsində göstərilir ki, ana öldükdə, fəaliyyət qabiliyyəti olmayan hesab edildikdə, ananın yerini müəyyən etmək mümkün olmadıqda və ya o, valideynlik hüquqlarından məhrum edildikdə, atalıq müvafiq icra hakimiyyəti orqanının razılığı ilə uşağın atasının ərizəsi əsasında, bu razılıq olmadıqda isə məhkəmənin qərarı ilə müəyyən olunur. Həmin Məcəllənin 46.3-cü maddəsinin tələbinə görə, uşaq nikahı olmayan anadan olduqda və atalığın müəyyən olunması barədə valideynlərin birgə ərizəsi və ya məhkəmənin qətnaməsi olmadıqda, doğum haqqında şəhadətnamədə uşağın atasının soyadının əvəzinə ananın soyadı yazılır. Uşağın atasının və babasının adı uşağın anasının göstərişi üzrə yazılır. Azərbaycan Respublikasının Mülki Prosessual Məcəlləsinin 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxır. Həmin Məcəllənin 308-ci maddəsinin tələbinə görə, məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 311-ci maddəsinə əsasən, məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Azərbaycan Respublikasının Mülki Prosessual Məcəlləsinin 77.1. maddəsindən görünür ki, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 88-ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Beləliklə, məhkəmə, yuxarıda göstərilənləri ümumiləşdirib məhkəmə iclasında tədqiq edilən sübutları qiymətləndirərək hesab edir ki, ərizə təmin olunaraq X1 xx xxx 2010-cu il tarixdə doğulması faktı müəyyən edilməli, doğulduğu yer Bakı şəhəri qeyd edilməlidir. Azərbaycan Respublikasının Mülki Prosessual Məcəlləsinin 217.3. maddəsində göstərilir ki, qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. Həmin Məcəllənin 217.4. maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 305-311-ci maddələrini rəhbər tutaraq, məhkəmə Q ə t e t di: Ərizə təmin edilsin. X1 xx xxx 2010-cu il tarixdə doğulması faktı müəyyən edilsin. Doğum akt qeydində doğulduğu yer Bakı şəhəri qeyd edilsin. Bu qətnamə qeydiyyat şöbəsi tərəfindən doğum qeydə alınaraq, müvafiq doğum haqqında şəhadətnamənin verilməsi üçün əsasdır. Qətnamədən rəsmi qaydada verildiyi gündən 1 (bir) ay müddətində Bakı şəhəri Xəzər Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Sədrlik edən Ramilə Xəzri