Bakı Şəhəri Yasamal Rayon Məhkəməsi Qərardad — İş №2(004)-1195/2022

Azərbaycan Respublikası adından QƏRARDAD Bakı şəhəri İş № 2(004)-1195/2022 24.01.2022 BAKI ŞƏHƏRİ YASAMAL RAYON MƏHKƏMƏSİ Mən, Bakı şəhəri Yasamal Rayon Məhkəməsinin hakimi Məmmədov Ayaz Süleyman oğlu – İddiaçı Cavabdeh qarşı " dəymiş ziyanın aradan qaldırılması və zərərin ödənilməsi tələbinə dair" iddia ərizəsinə baxaraq, M Ü Ə Y Y Ə N E T D İ M: İddiaçı Cavabdeh qarşı " dəymiş ziyanın aradan qaldırılması və zərərin ödənilməsi tələbinə dair" iddia ərizəsi ilə məhkəməyə müraciət edərək, ödədiyi 4600 manat pulun və 66 manat dövlət rüsumunun cavabdehdən alınıb ona verilməsi, mənzilin otaq qapısına və döşəməyə dəymiş ziyanın və natamam mebel hissələrinin nəticəsində yaranmış maneənin cavabdehin hesabına aradan qaldırlması barədə qətnamə çıxarılmasını xahiş etmişdir. İddia ərizəsi Bakı şəhər Yasamal rayon Məhkəməsinə 21.01.2022-ci il tarixdə daxil olmuşdur. Azərbaycan Respublikası MPM-nin 151.1-ci maddəsinə əsasən iddia ərizəsinin bu Məcəllənin tələblərinə riayət edilməklə verilməsi yoxlanılmalıdır. İddia ərizəsini və ona əlavə olunmuş sənədləri nəzərdən keçirib hesab edirəm ki, iddia ərizəsi Azərbaycan Respublikası MPM-nin 152.1.3-cü maddəsinin tələblərinə uyğun olaraq geri qaytarılmalıdır. Belə ki, Azərbaycan Respublikası MPM-nin 152.1.3-cü maddəsinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə ərizə və ona əlavə edilmiş sənədlər geri qaytarılır. İddia ərizəsindən və əlavə olunmuş sənədlərdən görünür ki, cavabdeh Yusifov X1 MR, Naxçıvan şəhəri, 28 May küçəsi, döngə-1,2 ünvanında qeydiyyatdadır. İddia tələbi dəymiş ziyanın aradan qaldırılması və zərərin ödənilməsi ilə əlaqədardır. Belə olduğu halda, məhkəmə hesab edir ki, iddiaçının Azərbaycan Respublikası MPM-nin 39.1-ci maddəsinə istinad edərək, müstəsna aidiyyət kimi iddia ərizəsini baxılması üçün Bakı Şəhəri Yasamal Rayon Məhkəməsinə verməsi əsassızdır. Belə ki, Azərbaycan Respublikası MPM-nin 35.1-ci maddəsinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 39.1-ci maddəsinin tələbinə görə, daşınmaz əşyaya mülkiyyət hüququnun tanınması, daşınmaz əşyanın başqasının qeyri-qanuni sahibliyindən götürülməsi, mülkiyyət hüququndan məhrum etmə ilə əlaqədar olmayan mülkiyyətçinin və yaxud başqa qanuni sahibin hüquqlarının pozulmasını aradan qaldırmaq haqqında iddialar daşınmaz əşyanın olduğu yerə görə verilir. Beləliklə, məhkəməyə daxil olmuş iddia ərizəsini və ona əlavə olunmuş sənədləri nəzərdən keçirib hesab edirəm ki, İddiaçı Cavabdeh qarşı " dəymiş ziyanın aradan qaldırılması və zərərin ödənilməsi tələbinə dair" iddia ərizəsi müstəsna aidiyyət qaydalarını müəyyən edən Azərbaycan Respublikası MPM-nin 39.1-ci maddəsinin təsir dairəsinə düşmədiyindən iddia ərizəsi geri qaytarılmalı, nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ iddiaçıya izah olunmalıdır. Göstərilənlərə əsasən və Azərbaycan Respublikası MPM-nin 152, 263-264, 268-ci maddələrini rəhbər tutaraq, QƏRARA A L D İ M: İddiaçı Cavabdeh qarşı " dəymiş ziyanın aradan qaldırılması və zərərin ödənilməsi tələbinə dair" iddia ərizəsi və ona əlavə edilmiş sənədlər geri qaytarılsın. İddiaçıya izah olunsun ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə aidiyyəti üzrə məhkəməyə müraciət etməyə mane olmur. Qərardaddan rəsmi qaydada verildikdən sonra tərəflər 10 (on) gün müddətində işə baxan Yasamal Rayon Məhkəməsinə şikayət verə bilərlər. Sədrlik edən: Ayaz Məmmədov