Bakı Şəhəri Yasamal Rayon Məhkəməsi Qətnamə — İş №2(004)-1568/2021

Azərbaycan Respublikası adından QƏTNAMƏ Bakı şəhəri İş № 2(004)-1568/2021 02.03.2021 BAKI ŞƏHƏRİ YASAMAL RAYON MƏHKƏMƏSİ Hakim Axundova Günay Təyar qızının sədrliyi, Hacıyev Ceyhun Kamal oğlunun katibliyi, İddiaçı, tərcüməçi X5 iştirakı ilə, İddiaçı üçüncü şəxs qismində Yasamal rayon Qeydiyyat şöbəsini cəlb etməklə cavabdeh və eyni zamanda qanuni nümayəndə Cavabdeh2 və Cavabdeh1 qarşı “mənzilə istifadə hüququna xitam verilməsi” tələbinə dair mülki işə məhkəmənin inzibati binasında açıq məhkəmə iclasında baxaraq, MÜƏYYƏN ETDİ: İddiaçı cavabdeh və eyni zamanda qanuni nümayəndə Cavabdeh2 və Cavabdeh1 qarşı “mənzilə istifadə hüququna xitam verilməsi” tələbinə dair iddia ərizəsi ilə xx.xx.2021ci il tarixdə məhkəməyə müraciət edərək, cavabdehlər Cavabdeh1, Cavabdeh2 və onun övladı xx.xx.2016-cı il təvəllüdlü X1 Bakı şəhəri, Yasamal rayonu, T.Şahbazi küçəsi,ev 108, 20 saylı mənzildən qeydiyyatdan çıxarılması barədə qətnamə qəbul edilməsini xahiş etmişdir. Daha sonra İddiaçı dəqiqləşmə ərizəsi ilə xx.xx.2021-ci il tarixdə məhkəməyə müraciət edərək cavabdehlər Cavabdeh1, Cavabdeh2 və onun övladı xx.xx.2016-cı il təvəllüdlü X1 Bakı şəhəri, Yasamal rayonu, T.Şahbazi küçəsi,ev 108, 20 saylı mənzilə olan istifadə hüququna xitam verilməsi barədə qətnamə qəbul edilməsini xahiş etmişdir. İddiaçı məhkəmə iclasında iddia ərizəsini müdafiə edərək izahatında bildirir ki, ünvan 1 ünvanında yerləşən mənzil hal-hazırda onun mülkiyyətindədir. Həmin mənzil xx xxxxxx 2007-ci tarixdə X4 ilə bağlanmış AN-İ № ******* nömrəli alğı-satqı müqaviləsi əsasında mülkiyyətinə keçmişdir. Daşınmaz Əmlakın Dövlət Reyesterindən ******* nömrəli çıxarışdan da görünür ki, qeyd olunan mənzil onun mülkiyyətindədir. xx xxxxxx 2021-ci il tarixində Bakı saylı ASAN xidmət mərkəzindən aldıqları ******* nömrəli arayışda qeyd olunan mənzildə Cavabdeh1, Cavabdeh2 və onun övladı xx.xx.2016-cı il təvəllüdlü X2 yaşayış yeri üzrə qeydiyyatdadır. Lakin bu şəxslər onun ailə üzvləri deyil, onları tanımır və heç bir vaxt onun mənzilində yaşamayıb, heç birinin onun mənzilinə istifadə hüququ yoxdur. Lakin formal olaraq onun mənzilində qeydiyyata görünürlər. Bu səhvin düzəldilməsi və həmin şəxslərin formal istifadə hüququnun ləğv edilməsi ehtiyacı meydana gəlmişdir. Həmçinin xx xxxxxx 2007-ci tarixdə X4 ilə aralarında bağlanmış AN -İ №0109274 nömrəli alğı-satqı müqaviləsinin 13-cü bəndinə əsasən satıcı müqavilə notarial qaydada təsdiq olunduğu andan 40 gün müddətinə qeydiyyatda olan şəxslərlə birlikdə, qeydiyyatdan çıxmağı öhdəsinə götürmüşdür. Lakin bü günədək, Cavabdeh1, Cavabdeh2 və onun övladı xx.xx.2016-cı il təvəllüdlü X2 yaşayış yeri üzrə qeydiyyatdan çıxmamışlar. Nəticədə o, uzun illərdir ki, onların əvəzinə kommunal xərclər ödəmək məcburiyyətində qalır və onun qanunla qorunan hüquqları pozulur. İddianın təmin olunmasını xahiş edir. Cavabdehlər məhkəmə iclasının vaxtı və yeri barəsində lazımı qaydada xəbərdar edilməklə məhkəmə iclasına çağırılmış, lakin o, məhkəməyə gəlməmiş və gəlməməsinin səbəbi barəsində məhkəməyə məlumat verməmişdir. Cavabdehlərin məhkəmə iclasına gəlməməsinin səbəbi barəsində məlumat olmadığından, məhkəmə Azərbaycan Respublikası MPM-nin 185.5-ci maddəsinə əsasən, işə cavabdehin iştirakı olmadan baxılmasını mümkün hesab etmişdir. Məhkəmə iddiaçının izahatını dinləyib, iş materiallarında olan sənədləri nəzərdən keçirib, sübutlara obyektiv, qərəzsiz, hərtərəfli və tam baxdıqdan sonra hesab edir ki, iddia təmin edilməlidir. Belə ki, iş materiallarında olan AR ƏMDK yanında DƏDRX-nin Hüquqların Dövlət Qeydiyyatı haqqında Daşınmaz Əmlakın Dövlət Reyestrindən MH seriyalı, ******* №-li çıxarışın notarial qaydada təsdiq olunmuş surətinə əsasən, Bakı şəhəri, Yasamal rayonu, T.Şahbazi küçəsi, ev 108, 20 saylı mənzil tam mülkiyyət hüququ üzrə İddiaçı xüsusi mülkiyyətindədir və bu barədə xx.xx.2007-ci il tarixdə ********* nömrə ilə qeydiyyat aparılmışdır. İş materiallarında olan satıcı qismində X4 və alıcı qismində İddiaçı arasında bağlanmış AN-İ ******* nömrəli, xx.xx.2007-ci il tarixli notarial qaydada təsdiq edilmiş alğısatqı müqaviləsinin surətinə əsasən, Bakı şəhəri, Yasamal rayonu, T.Şahbazi küçəsi,ev 108, 20 saylı mənzil satıcı X4 tərəfindən alıcı İddiaçı mülkiyyətinə verilmişdir. İş materiallarında olan Yaşayış yeri üzrə qeydiyyat haqqında ******* saylı arayışına əsasən, Cavabdeh2, X2 və Cavabdeh1 Bakı şəhəri, Yasamal rayonu, T.Şahbazi küçəsi,ev 108, 20 saylı mənzildə qeydiyyatdadırlar. İş materiallarında olan Cavabdeh1 tərəfindən yazılmış, notarial qaydada təsdiq edilmiş xx.xx.2006-ci il tarixli ərizəyə əsasən, o, Bakı şəhəri, Yasamal rayonu, T.Şahbazi küçəsi,ev 108, 20 saylı mənzilin satılmasına və bağışlanmasına etiraz etməmişdir. İş materiallarında olan X3 tərəfindən yazılmış, notarial qaydada təsdiq edilmiş xx.xx.2007 -cı il tarixli ərizəyə əsasən o, Bakı şəhəri, Yasamal rayonu, T.Şahbazi küçəsi,ev 108, 20 saylı mənzilin satılmasına və bağışlanmasına razılıq vermişdir. Azərbaycan Respublikası Konstitusiyasının 13-cü maddəsinin 1-ci hissəsinə əsasən, Azərbaycan Respublikasında mülkiyyət toxunulmazdır və dövlət tərəfindən müdafiə olunur. Azərbaycan Respublikası Konstitusiyasının 29-cu maddəsinin 2-ci bəndinə əsasən, mülkiyyət hüququ, o cümlədən xüsusi mülkiyyət hüququ qanunla qorunur. Azərbaycan Respublikası Mülki Məcəlləsinin 152.5-ci maddəsinə əsasən, mülkiyyətçi qanunvericiliklə və ya başqa şəkildə, o cümlədən müqavilə məhdudiyyətləri ilə müəyyənləşdirilmiş hədlərdə əmlaka (əşyaya) sərbəst surətdə sahib ola bilər, ondan istifadə edə bilər və ona dair sərəncam verə bilər, həmin əmlaka başqa şəxslərin sahibliyinə yol verməyə bilər, ona mənsub əmlak barəsində öz mülahizəsi ilə istənilən hərəkətləri edə bilər, bir şərtlə ki, həmin hərəkətlər qonşuların və ya üçüncü şəxslərin hüquqlarını pozmasın, yaxud hüquqdan sui-istifadə olmasın. Həmin Məcəllənin 178.1-ci maddəsinə əsasən, daşınmaz əmlaka mülkiyyət hüququ onun verilməsinin daşınmaz əmlakın dövlət reyestrində qeydə alındığı andan əldə edənə keçir. «Yaşayış yeri və olduğu yer üzrə qeydiyyat haqqında» Azərbaycan Respublikası Qanununun 1-ci maddəsinə əsasən Azərbaycan Respublikasının vətəndaşları, əcnəbilər və vətəndaşlığı olmayan şəxslər Azərbaycan Respublikasında yaşayış yeri və olduğu yer üzrə qeydiyyata alınmalıdırlar. Yaşayış yeri və olduğu yer üzrə qeydiyyatın məqsədi Azərbaycan Respublikasında yaşayan şəxslərin uçota alınması, onların başqa şəxslər, dövlət və cəmiyyət qarşısında vəzifələrinin icra edilməsi, insan və vətəndaş hüquqlarının və azadlıqlarının həyata keçirilməsi (sosial müdafiə, pensiya təminatı, hərbi xidmətə çağırış, məhkəmə qərarlarının icrası və s.) üçün zəruri şərait yaratmaqdır. Yaşayış yeri və olduğu yer üzrə qeydiyyat icazə xarakteri daşımır və yalnız Azərbaycan Respublikasının qanunvericiliyi ilə müəyyən edilmiş hallarda hüquqi nəticəyə səbəb ola bilər. Həmin Qanunun 2-ci maddəsinə əsasən, şəxsin yaşayış yeri – tam həcmdə fəaliyyət qabiliyyətli şəxsin mülkiyyətçi kimi icarə və kirayə müqaviləsi üzrə, yaxud Azərbaycan Respublikasının qanunvericiliyi ilə nəzərdə tutulmuş digər əsaslarla daimi və ya daha çox yaşadığı ev, mənzil, xidməti yaşayış sahəsi, yataqxana, qoca və əlil evləri, sağlamlıq imkanları məhdud uşaqlar üçün internat evləri, xüsusi təhsil müəssisələri və digər bu kimi yaşayış yerləri başa düşülür. Qanunun 9-cu maddəsinə əsasən, müvafiq icra hakimiyyəti orqanları tərəfindən şəxs yaşayış sahəsindən çıxarıldıqda və ya yaşayış sahəsindən istifadə hüququna xitam verildikdə məhkəmənin qanuni qüvvəyə minmiş qətnaməsi əsasında yaşayış yeri üzrə qeydiyyatdan çıxarılır. Beləliklə, iş materialları ilə müəyyən olunur ki, mənzilə mülkiyyət hüququ iddiaçıya məxsusdur, cavabdehlərin həmin mənzilə olan qeydiyyatı isə formal xarakter daşıyır. Belə olan halda məhkəmə qeyd edir ki, iddia təmin edilməli, cavabdehlər Cavabdeh1, Cavabdeh2 və onun övladı xx.xx.2016-cı il təvəllüdlü X1 Bakı şəhəri, Yasamal rayonu, T.Şahbazi küçəsi,ev 108, 20 saylı mənzilə istifadə hüququna xitam verilməlidir. Şərh olunanlara əsasən və Azərbaycan Respublikası MPM-in 216-220, 227, 233, 357, 360, 362-ci maddələrini rəhbər tutaraq, məhkəmə QƏT ETDİ: İddia təmin edilsin. Cavabdehlər Cavabdeh1, Cavabdeh2 və onun övladı xx.xx.2016-cı il təvəllüdlü X1 Bakı şəhəri, Yasamal rayonu, T.Şahbazi küçəsi,ev 108, 20 saylı mənzilə istifadə hüququna xitam verilsin. Qətnamə Cavabdeh1, Cavabdeh2 və xx.xx.2016-cı il təvəllüdlü X1 Bakı şəhəri, Yasamal rayonu, T.Şahbazi küçəsi,ev 108, 20 saylı mənzilə olan qeydiyyatının ləğvi üçün əsasdır. Ödənilmiş dövlət rüsumu iddiaçıya aid edilsin. Qətnamədən, qətnamə işdə iştirak edən şəxslərə rəsmi qaydada verildiyi gündən 1 ay müddətində Bakı şəhəri Yasamal Rayon Məhkəməsi vasitəsilə Bakı Apelyasiya Məhkəməsinin Mülki Kollegiyasına apelyasiya şikayəti verilə bilər. Sədrlik edən: Günay Axundova