Bakı Şəhəri Yasamal Rayon Məhkəməsi Qərardad — İş №2(004)-2133/2024

Azərbaycan Respublikası adından QƏRARDAD Bakı şəhəri İş № 2(004)-2133/2024 19.03.2024 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Axundov Toğrul Bəhruz oğlu, İddiaçı cavabdeh "xxxx" MMC-yə qarşı pul tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçı cavabdeh "xxxx" MMC-yə qarşı pul tələbinə dair iddia ərizəsi ilə məhkəməyə müraciət edərək, "xxxx" MMC - mağaza “Kontact com - 3”-dən kreditlə aldığı seksiya “HOFFMAN” nasaz, zay olduğundan xx.xx.2020-ci ildən 04.2024-cü ilədək evində qurulmayıb istifadə etmədiyindən "xxxx" MMC-yə geri qaytarması; “Zay məhsulu” aldadıb ona satan mağaza “Kontact Com-3 “seksiya “HOFFMAN” üçün ödədiyi 701 manat pulunun ona geri qaytarılması; evində xx.xx.2020-ci ildən 04.2024-cü ilədək 3 il ərzində “istilikdən” məhrum olduğundan ailəsi “soyuqdəymə” xəstəliyindən müalicə və 3 il ərzində bu “zay məhsulun” quraşdırılması, qaytarılması, təmir edilməsi üzrə "xxxx" MMC ilə çəkişmələrdə “mənəvi ziyan” səbəblərinə görə "xxxx" MMC-nin ona 1650 manat ödəməsi; 1100 manat borcu 3 il gecikdirib ona vermir, hər ayına 1100 manat pulun 5%-ni =55 manat cərimə pulunun 30 ay müddət üzrə 1650 manat ona ödəməsi; 1100 manat "xxxx" 3 il ərzində ona qaytarmadığından hər ay 1100 manat pulu gəlir əldə etmək üçün sərf etsəydi hər ayda 15% gəlir əldə etməkdən 30 ay ərzində məhrum olduğundan 1 ayda 165 manat 30 ayda 4950 manat gələcəkdə “mənfəətdən” məhrum olduğundan zərərinin "xxxx" MMCnin ona ödənilməsi barədə qərnamə qəbul edilməsini xahiş etmişdir. Azərbaycan Respublikası MPM-nin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. İddiaçı məhkəməyə təqdim etdiyi ərizəni və mülki işin materiallarını tədqiq edərək hesab edirəm ki, Azərbaycan Respublikası MPM-nin 152.1.5 və 152.1.3-cü maddələrinə əsasən iddia ərizəsi və ona əlavə edilmiş sənədlər geri qaytarılmalıdır. Belə ki, Azərbaycan Respublikası MPM-nin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə iddia ərizəsi geri qaytarılır. İddia ərizəsinə əlavə edilmiş dövlət rüsumunun ödənilməsinə dair sənəddən görünür ki, iddiaçı 61 manat məbləğində dövlət rüsumu ödəmişdir. “Dövlət rüsumu haqqında” Azərbaycan Respublikası Qanununun 8.1.2-ci maddəsinə əsasən iddia qiyməti 1.000 manatdan 10.000 manatadək olduqda 30 manat + 1.000 manatdan yuxarı olan iddia qiymətinin 1 faizi məbləğində dövlət rüsumu tutulur. Göründüyü kimi iddiaçı tərəfindən qiymətləndirilən iddia üzrə ödənilməli olan 110 manat məbləğində dövlət rüsumundan yalnız 61 manatı ödənilmiş, qalan 49 manat məbləğində dövlət rüsumunun kəsiri ödənilməmişdir. Odur ki, iddia ərizəsi və ona əlavə edilmiş sənədlər geri qaytarılmalı, iddiaçıya nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ izah olunmalıdır. Azərbaycan Respublikası MPM-nin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsasən və Azərbaycan Respublikası MPM-nin 152, 263, 264, 267, 268-ci maddələrini rəhbər tutaraq, QƏRARA ALDİM: İddiaçı cavabdeh "xxxx" MMC-yə qarşı pul tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya izah olunsun ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan tərəfə rəsmi qaydada verildikdən sonra 10 gün müddətində Bakı şəhəri Yasamal Rayon Məhkəməsinə şikayət verilə bilər. Sədrlik edən: Toğrul Axundov