Bakı Şəhəri Yasamal Rayon Məhkəməsi Qərardad — İş №2(004)-2161/2023

Azərbaycan Respublikası adından QƏRARDAD Bakı şəhəri İş № 2(004)-2161/2023 30.03.2023 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Məmmədov Ayaz Süleyman oğlu, İddiaçı cavabdeh X2 qarşı “pul” tələbinə dair iddia ərizəsinə və ona əlavə edilmiş sənədləri nəzərdən keçirərək, məhkəmə MÜƏYYƏN ETDİ: İddiaçı cavabdeh X2 qarşı “pul” tələbinə dair iddia ərizəsi ilə Bakı şəhəri Yasamal Rayon Məhkəməsinə müraciət etmişdir. Məhkəmə iddia ərizəsi və əlavə olunmuş sənədləri nəzərdən keçirərək hesab edir ki, iddia ərizəsinin qəbul edilməsindən imtina edilməlidir. İddia ərizəsinə əlavə olunmuş Mingəçevir Şəhər Məhkəməsinin 04 noyabr 2015-ci il tarixli 2(051)-3012/2015 saylı qətnaməsinə əsasən cavabdeh X1 7600 manat tutularaq İddiaçı xeyrinə ödənilməsi qət edilmişdir. Mingəçevir Şəhər Məhkəməsinin 28 iyul 2016-cı il tarixli 2(051)-2047/2016 saylı qətnaməsinə əsasən cavabdeh X1 18030 manat tutularaq iddiaçı X4 ödənilməsi qət edilmişdir. Bakı şəhəri Yasamal Rayon Məhkəməsinin xx.xx.2021-ci il tarixli 1(004)-382/2021 saylı hökmünə əsasən X3 Azərbaycan Respublikası Cinaət Məcəlləsinin 306.1-ci maddəsində nəzərdə tutulmuş cinayət əməlini törətməkdə təqsirli bilinərək 07 ay müddətinə azadlıqdan məhrumetmə cəzasına məhkum edilməsi hökm edilmişdir. Beləliklə müəyyən edilmişdir ki, İddiaçı ilə cavabdeh X3 arasında Mingəçevir Şəhər Məhkəməsinin 28 iyul 2016-cı il tarixli 2(051)-2047/2016 saylı qətnaməsinə əsasən eyni mübahisə ilə bağlı məsələyə məhkəmə tərəfindən baxılmış və yekun məhkəmə aktı artıq qanuni qüvvəsini almışdır. Azərbaycan Respublikası Mülki Prosessual Məcəlləsinin 153.2.2-ci maddəsinə əsasən eyni tərəflər arasında, eyni predmet barəsində və eyni əsaslar üzrə mübahisəyə dair məhkəmənin qanuni qüvvəyə minmiş qətnaməsi olarsa məhkəmə ərizəni qəbul etməkdən imtina edir. Həmin Məcəllənin 153.3-cü maddəsinə əsasən hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında baxılmalı deyildirsə, iddiaçının hansı orqana müraciət etməli olmasını orada göstərir. Göstərilən xüsusatlara əsasən hesab edir ki, iddia tələbi üzrə mübahisə olmadığından iddia ərizəsinin qəbul edilməsindən imtina edilməlidir. Göstərilənlərə əsasən və Azərbaycan Respublikası MPM-nin 152, 263-264, 268-ci maddələrini rəhbər tutaraq, QƏRARA ALDİ: İddiaçı cavabdeh X2 qarşı “pul” tələbinə dair iddia ərizəsinin qəbul edilməsindən imtina edilsin. Qərardaddan rəsmi qaydada verildikdən sonra tərəflər 10 (on) gün müddətində “Elektron məhkəmə” informasiya sistemində yaradılan elektron kabinetdən Bakı şəhəri Yasamal Rayon Məhkəməsinə şikayət verə bilərlər. Hakim: Ayaz Məmmədov