Bakı Şəhəri Yasamal Rayon Məhkəməsi Qərardad — İş №2(004)-3765/2020

Azərbaycan Respublikası adından QƏRARDAD Bakı şəhəri İş № 2(004)-3765/2020 22.07.2020 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Axundov Toğrul Bəhruz oğlu, İddiaçı cavabdeh Müdafiə Nazirliyinə qarşı veteranlığa görə müavinətin ödənilməsi tələbinə dair ərizəsinə məhkəmənin binasında, baxaraq, MÜƏYYƏN ETDİM: İddiaçı cavabdeh Müdafiə Nazirliyinə qarşı veteranlığa görə müavinətin ödənilməsi tələbinə dair ərizə ilə məhkəməyə müraciət edərək, ona düşən müavinətin əvvəlki illərə görə bərpasının təmin edilməsini xahiş etmişdir. Azərbaycan Respublikası MPM-nin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. İddiaçı məhkəməyə təqdim etdiyi ərizəni və mülki işin materiallarını tədqiq edərək hesab edirəm ki, Azərbaycan Respublikası MPM-nin 152.1.5-ci maddəsinə əsasən iddia ərizəsi və ona əlavə edilmiş sənədlər geri qaytarılmalıdır. İddia ərizəsinə əlavə edilmiş qəbzə əsasən 30.40 manat məbləğində dövlət rüsumunun ödənilməsini təsdiq edən sənədin əlavə edilməsi müəyyən edilsə də, dövlət rüsumunun ödənilməsi təyinatı üzrə Bakı şəhəri Yasamal Rayon Məhkəməsinə deyil, Bakı şəhəri Binəqədi Rayon Məhkəməsinə ödənilmişdir. Belə ki, iş materiallarında əlavə edilmiş 75627 nömrəli qəbzdən görünür ki, 75627 nömrəli qəbz İddiaçı tərəfindən təyinatı üzrə Bakı şəhəri Binəqədi Rayon Məhkəməsinə ödənilmişdir. Azərbaycan Respublikası MPM-nin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə iddia ərizəsi geri qaytarılır. Azərbaycan Respublikası MPM-nin 108.2-ci maddəsinə əsasən məhkəmələrdə baxılan işlər üzrə dövlət rüsumunun əsasları, ödənilmə qaydaları, məbləği və dövlət rüsumu ödəməkdən azad edilmə hallan qanunla müəyyən edilir. Məhkəmə həmçinin qeyd edir ki, İddiaçı veteranlığa görə müavinətin ödənilməsi tələbi barədə ərizəsi ilə bir-başa Bakı şəhəri Yasamal Rayon Məhkəməsinə müraciət etməklə haqlı olmamışdır. Beləki məhkəmə hesba edir ki, İddiaçı ilk öncə rəsmi qaydada veteranlığa görə müavinətin ödənilməsi ilə bağlı müvafiq orqana (qruma) müraciət etməli, həmin orqan veteranlığa görə müavinətin ödənilməsindən imtina edildikdə isə, həmin orqana qarşı inzibati icraat qaydasında (İnzibati Məhkəmədə) iddia qaldırmalı idi. Məhkəmə eyni zamanda qeyd edir ki, İddiaçı məhkəməyə təqdim etdiyi iddia ərizəsində iddia tələbi dəqiq göstərilməmişdir. Azərbaycan Respublikası MPM-nin 149.2-ci maddəsinə əsasən ərizədə aşağıdakılar göstərilməlidir: ərizənin verildiyi məhkəmənin adı; işdə iştirak edən şəxslərin adları, onların poçt ünvanları; iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələb; müqavilə ilə və ya həmin kateqoriya işlər üçün qanunla bu, nəzərdə tutulmuşsa, cavabdehlə mübahisənin məhkəməyə qədər (pretenziya) qaydada nizama salınmasına riayət edilməsinə dair məlumat; ərizəyə əlavə edilən sənədlərin siyahısı. Belə ki, iddiaçı ona düşən müavinətin əvvəlki illərə görə bərpasının təmin edilməsini xahiş etsə də, hansı illərə görə müavinətin bərpasını, məbləğini dəqiq göstərməmişdir. Qeyd olunanlara əsasən, iddia ərizəsi və ona əlavə edilmiş sənədlər geri qaytarılmalı, iddiaçıya nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ izah olunmalıdır. Göstərilənlərə əsasən və Azərbaycan Respublikası MPM-nin 152, 263, 264, 267, 268-ci maddələrini rəhbər tutaraq, QƏRARA ALDİM: İddiaçı cavabdeh Müdafiə Nazirliyinə qarşı veteranlığa görə müavinətin ödənilməsi tələbinə dair ərizəsi və ona əlavə edilmiş sənədlər geri qaytarılsın. İddiaçıya izah olunsun ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan tərəfə rəsmi qaydada verildikdən sonra 10 gün müddətində Bakı şəhəri Yasamal Rayon Məhkəməsinə şikayət verilə bilər. Sədrlik edən: Toğrul Axundov