Bakı Şəhəri Yasamal Rayon Məhkəməsi Qərardad — İş №2(004)-5101/2023

Azərbaycan Respublikası adından QƏRARDAD Bakı şəhəri İş № 2(004)-5101/2023 29.09.2023 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Xudayev Kərim Bahəddin oğlu, İddiaçı cavabdeh "xxxx" BOKT MMC-nin Bakı filialına qarşı “adın Mərkəzləşdirilmiş Kredit Reyestri Sistemində (MKRS) zaminlikdən çıxarılması və bununla bağlı həmin sistemdə müvafiq düzəliş edilməsi” tələbinə dair iddia ərizəsinə və ona əlavə edilmiş sənədlərə baxaraq, MÜƏYYƏN ETDİM: İddiaçı cavabdeh "xxxx" BOKT MMC-nin Bakı filialına qarşı “adın Mərkəzləşdirilmiş Kredit Reyestri Sistemində (MKRS) zaminlikdən çıxarılması və bununla bağlı həmin sistemdə müvafiq düzəliş edilməsi” tələbinə dair iddia ərizəsi ilə məhkəməyə müraciət edərək, xx.xx.2014-cü il tarixli BK-00020075 saylı zaminlik müqaviləsinə əsasən X1 "xxxx" MMC-nin Bakı filialından götürdüyü 6.250 ABŞ dolları məbləğində kreditin ödənilməsi ilə bağlı BOKT "xxxx" MMC tərəfindən adının Mərkəzləşdirilmiş Kredit Reyestri Sistemində (MKRS) zaminlikdən çıxarılması və bununla bağlı həmin sistemdə müvafiq düzəliş edilməsi barədə qətnamə qəbul edilməsini xahiş etmişdir. İddia ərizəsini və ona əlavə edilmiş sənədləri nəzərdən keçirərək məhkəmə hesab edir ki, iddia ərizəsi ərazi aidiyyəti üzrə düzgün verilmədiyindən geri qaytarılmalıdır. Belə ki, Azərbaycan Respublikası MPM-nin 50.1-ci maddəsinə əsasən, prosesdə tərəflər iddiaçı və cavabdeh hesab edilirlər. Fiziki və hüquqi şəxslər, dövlət orqanları və başqa orqanlar iddiaçı və ya cavabdeh qismində çıxış edə bilərlər. Həmin Məcəllənin 50.3-cü maddəsinə əsasən, iddia tələbinin yönəldiyi fiziki və hüquqi şəxslər cavabdeh hesab olunurlar. Azərbaycan Respublikası Mülki Məcəlləsinin 53.3-cü maddəsinə əsasən, nümayəndəliklər və filiallar hüquqi şəxs deyildirlər və hüquqi şəxsin təsdiq etdiyi əsasnamələr üzrə fəaliyyət göstərirlər. Nümayəndəliklərin və filialların rəhbərləri hüquqi şəxs tərəfindən təyin edilir və onun etibarnaməsi əsasında fəaliyyət göstərirlər. İddia ərizəsinin məzmunundan aydın olur ki, iddiaçı, iddia ərizəsində cavabdeh qismində "xxxx" BOKT MMC-nin Bakı filialını göstərərək, ərizəsini filialın yerləşdiyi ünvan üzrə Bakı şəhəri Yasamal rayon Məhkəməsinə versə də, tələbini BOKT "xxxx" MMC-yə qarşı yönəltmişdir. Bu səbəbdən, hazırki iddia ərizəsi üzrə cavabdeh iddia tələbinin yönəldiyi hüquqi şəxs "xxxx" BOKT MMC-dir. Həmçinin, nəzərə alınmalıdır ki, filial hüquqi şəxs olmadığından məhkəmədə iddiaçı və ya cavabdeh olmaq hüququna da malik deyildir. İş materiallarına əlavə edilmiş “AZEMİS” Elektron Məhkəmə İnformasiya Sistemindən əldə edilmiş məlumata əsasən isə, BOKT "xxxx" MMC-nin hüquqi ünvanı ünvan 3şaf üçün Maliyyə” MMC-nin hüquqi ünvanı Bakı şəhəri, Nəsimi rayonunun ərazisində yerləşdiyindən, hazırki iddia ərizəsinə ərazi aidiyyəti qaydalarına uyğun olaraq Bakı şəhəri Nəsimi Rayon Məhkəməsində baxılmalıdır. Azərbaycan Respublikası Mülki Prosessual Məcəlləsinin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Azərbaycan Respublikası Mülki Prosessual Məcəlləsinin 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. İddia ərizəsinin mümkünlüyündən bəhs edən Azərbaycan Respublikası Mülki Prosessual Məcəlləsinin (bundan sonra–MPM) 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. Həmin Məcəllənin 152.1.3-cü maddəsinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. Qeyd olunan prosessual normalara əsasən məhkəmə hesab edir ki, İddiaçı cavabdeh "xxxx" BOKT MMC-nin Bakı filialına qarşı “adının Mərkəzləşdirilmiş Kredit Reyestri Sistemində (MKRS) zaminlikdən çıxarılması və bununla bağlı həmin sistemdə müvafiq düzəliş edilməsi” tələbinə dair iddia ərizəsinə ərazi aidiyyəti üzrə Bakı şəhəri Yasamal rayon Məhkəməsində baxılmalı olmadığından iddiaçıya geri qaytarılmalı, ona qeyd olunan nöqsan aradan qaldırıldıqdan sonra məhkəməyə yenidən müraciət etmək hüququ izah edilməlidir. İddia ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur (Azərbaycan Respublikası Mülki-Prosessual Məcəlləsi 152.4-cü maddə). Göstərilənlərə əsasən və Azərbaycan Respublikası Mülki Prosessual Məcəlləsinin 152.1.3, 263, 264 və 269-cu maddələrini rəhbər tutaraq, məhkəmə QƏRARA ALDİ: İddiaçı cavabdeh "xxxx" BOKT MMC-nin Bakı filialına qarşı “adın Mərkəzləşdirilmiş Kredit Reyestri Sistemində (MKRS) zaminlikdən çıxarılması və bununla bağlı həmin sistemdə müvafiq düzəliş edilməsi” tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya izah edilsin ki, qərarın təsviri hissəsində göstərilən nöqsanlar aradan qaldırıldıqdan sonra təkrarən ümumi qaydada iddia ərizəsi ilə məhkəməyə müraciət edə bilər. Qərardaddan, qərardad tərəfə rəsmi qaydada verildikdən sonra 10 (on) gün müddətində Bakı şəhəri Yasamal Rayon Məhkəməsinə şikayət verilə bilər. Hakim: Xudayev Kərim