Bakı Şəhəri Yasamal Rayon Məhkəməsi Qərardad — İş №2(004)-5547/2025

Azərbaycan Respublikası adından QƏRARDAD Bakı şəhəri İş № 2(004)-5547/2025 24.09.2025 BAKI ŞƏHƏRİ YASAMAL RAYON MƏHKƏMƏSİ Hakim Əlizadə Fariz Ariz oğlunun sədrliyi ilə, İddiaçılar İddiaçı1 və İddiaçı2 cavabdeh Yasamal rayon İcra Şöbəsinin icra məmuru Cavabdeh qarşı “mənzilə istifadə hüququnun tanınması və kompensasiyanın ödənilməsi” tələbinə dair iddia ərizəsinə baxaraq, MÜƏYYƏN ETDİ: İddiaçılar İddiaçı1 və İddiaçı2 cavabdeh Yasamal rayon İcra Şöbəsinin icra məmuru Cavabdeh qarşı “mənzilə istifadə hüququnun tanınması və kompensasiyanın ödənilməsi” tələbinə dair iddia ərizəsi ilə Bakı şəhəri Yasamal Rayon Məhkəməsinə müraciət etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi və ona əlavə olunmuş sənədlər iddiaçıya geri qaytarılmalıdır. Belə ki, Azərbaycan Respublikasının Mülki Prosessual Məcəlləsinin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə məhkəmə iddia ərizəsini və ona əlavə edilmiş sənədləri geri qaytarır. Həmin Məcəllənin 152.1.3-cü maddəsinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə məhkəmə iddia ərizəsini və ona əlavə edilmiş sənədləri geri qaytarır. İddiaçı cavabdehlə bağlı MPM-nin 149.2.2-ci maddəsində nəzərdə tutulan məlumatları (o cümlədən cavabdehin eyniləşdirmə məlumatlarını, FİN, şəxsiyyət vəsiqəsinin seriyası və nömrəsi) iddia ərizəsində qeyd etməmiş, cavabdehə məxsus hüquq müəyyən edici sənədlər barədə məlumatları (şəxsiyyət vəsiqəsi, pasport və s.) məhkəməyə təqdim etməmişdir. “Elektron məhkəmə” informasiya sistemindən eyni ad, soyad və ata adı olan şəxslərin sayının həddən çoxluğu səbəbindən cavabdeh barədə hər hansı məlumatın əldə edilməsi mümkün olmamışdır. Beləliklə, iddia ərizəsinin ərazi aidiyyəti üzrə düzgün verilib-verilmədiyini müəyyən etmək mümkün olmamışdır. Məhkəmə izah edir ki, əgər tələb icra məmurunun hərəkətlərinin qanunsuz hesab edilməsi ilə bağlıdırsa, icra məmurunun hərəkətlərindən şikayət formasında (8 indeksi ilə) məhkəməyə müraciət edilə bilər. Hazırki tələbin mahiyyəti nəzərə alınmaqla icra məmuru əsl olmayan cavabdehdir. Mülki işin aidiyyat qaydalarının pozulması ilə icraata qəbul edilməsi yolverilməzdir. Bu səbəbdən, iddia ərizəsi və ona əlavə edilmiş sənədlər geri qaytarılmalıdır. Beləliklə, məhkəmə hesab edir ki, iddia ərizəsinin yenidən, mülki prosessual qanunvericilikdə nəzərdə tutulmuş qaydada tərtib edilməklə, həmçinin cavabdehin ünvanı barədə məlumatlar və qeyd olunan nöqsanlar barədə zəruri hüquq müəyyən edici sənədlər əlavə edilməklə məhkəməyə təqdim edilməsi hüququ izah olunaraq iddia ərizəsi və ona əlavə olunmuş sənədlər iddiaçıya geri qaytarılmalıdır. Məhkəmə həmçinin qeyd edir ki, Azərbaycan Respublikası Mülki Prosessual Məcəlləsinin 114.1.3-cü maddəsinin tələblərinə əsasən, əsasən ödənilmiş dövlət rüsumu iddiaçıya geri qaytarılmalıdır. Azərbaycan Respublikası Mülki Prosessual Məcəlləsinin 152.2-ci maddəsinə əsasən, iddia ərizəsinin qaytarılması haqqında hakim qərardad çıxarır. Eyni Məcəllənin 152.3-cü maddəsinə görə, iddia ərizəsinin qaytarılması haqqında qərardaddan şikayət verilə bilər. Qeyd olunanlara əsasən və Azərbaycan Respublikası Mülki Prosessual Məcəlləsinin 152.1.1, 152.1.3, 152.1.4 və 263-264-cü maddələrini rəhbər tutaraq, QƏRARA ALDİ: İddiaçılar İddiaçı1 və İddiaçı2 cavabdeh Yasamal rayon İcra Şöbəsinin icra məmuru Cavabdeh qarşı “mənzilə istifadə hüququnun tanınması və kompensasiyanın ödənilməsi” tələbinə dair iddia ərizəsi və əlavə edilmiş sənədlər iddiaçıya geri qaytarılsın. ********** nömrəli qəbz üzrə dövlət rüsumu kimi ödənilmiş 100 (yüz) manat məbləğində pul Bakı şəhəri üzrə Baş Maliyyə İdarəsi tərəfindən İddiaçı1 qaytarılsın. Qərardaddan rəsmi qaydada verildikdən sonra 10 (gün) müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Yasamal Rayon Məhkəməsinə şikayət verilə bilər. Hakim: Fariz Əlizadə