Bakı Şəhəri Yasamal Rayon Məhkəməsi Qərardad — İş №2(004)-6219/2020

Azərbaycan Respublikası adından QƏRARDAD Bakı şəhəri İş № 2(004)-6219/2020 09.12.2020 BAKI ŞƏHƏRİ YASAMAL RAYON MƏHKƏMƏSİ Hakim Məmmədov Ayaz Süleyman oğlunun sədrliyi, X1 qızının katibliyi, İddiaçının nümayəndəsi və vəkili Vəkil iştirakı ilə, İddiaçı cavabdeh Dövlət Tibbi-Sosial Ekstertiza və Reabilitasiya Agentliyinə qarşı "əmrin ləğv edilməsi, işə bərpa, məcburi işburaxma müddətində əmək haqqının ödənilməsi tələbinə dair" iddia ərizəsi üzrə mülki iş üzrə Yasamal Rayon Məhkəmə binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı cavabdeh Azərbycan Respublikası Əmək və Əhalinin Sosial Müdafıəsi Nazirliyinə qarşı "əmrin ləğv edilməsi, işə bərpa, məcburi işburaxma müddətində əmək haqqının ödənilməsi tələbinə dair" iddia ərizəsi ilə Bakı şəhəri Yasamal Rayon Məhkəməsinə müraciət etmişdir. Məhkəmə iclasında iştirak edən iddiaçının nümayəndəsi və vəkili Vəkil ərizə verərək cavabdeh Azərbycan Respublikası Əmək və Əhalinin Sosial Müdafıəsi Nazirliyinin əsl cavabdeh Dövlət Tibbi-Sosial Ekstertiza və Reabilitasiya Agentliyi ilə əvəz edilməsini xahiş etmiş, Azərbaycan Respublikası MPM-nin 54.1-ci maddəsinə uyğun olaraq ərizə təmin olunmuşdur. Məhkəmə iş materiallarını araşdıraraq hesab edir ki, mülki iş ərazi aidiyyatı üzrə baxılması üçün Bakı şəhəri Binəqədi Rayon Məhkəməsinə göndərilməlidir. Belə ki, iş materiallarına əlavə edilmiş komputer çıxarışından görünür ki, hazırkı iş üzrə cavabdeh Dövlət Tibbi-Sosial Ekstertiza və Reabilitasiya Agentliyinin hüquqi ünvanı ünvan 1əmə iclasında iştirak edən iddiaçının nümayəndəsi mülki işin aidiyyatı üzrə Binəqədi rayon Məhkəməsinə göndərilməsinə etiraz etmədiyini bildirdi. Məhkəmə iclasının vaxtı və yeri barədə digər xəbərdar edilməsinə baxmayaraq cavabdehin nümayəndəsi məhkəmə iclasına gəlməmiş və işə onun iştirakı olmadan baxılmasını xahiş etməmişdir. Məhkəmə işə cavabdehin nümayəndəsinin iştirakı olmadan baxılmasını mümkün hesab edir. Azərbaycan Respublikası MPM-nin 31.1-ci maddəsinə əsasən aidiyyət qaydalarının pozulmasına yol verilmir. Həmin Məcəllənin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir.Hüquqi şəxsin törəmə müəssisəsinin fəaliyyətindən əmələ gələn iddialar müəssisənin ünvanının olduğu yerə görə verilir. Həmin Məcəllənin 44.2.2-ci maddəsinə əsasən iş həmin məhkəmədə baxıldığı zaman onun aidiyyət qaydalarının pozulması ilə icraata qəbul edildiyi aşkar olunarsa, məhkəmə işi başqa məhkəmədə baxılmağa verir. Həmin Məcəllənin 45.1-ci maddəsində qeyd olunduğu kimi, mübahisənin məhkəmə aidiyyəti ilə əlaqədar məsələlər ərizənin məhkəmənin icraatına qəbul edilməsi və ya işin hakim tərəfindən baxılmağa hazırlanması mərhələsində, yaxud da işdə iştirak edən şəxsin əsaslandırılmış vəsatəti üzrə həll oluna bilər. Həmin Məcəllənin 45.2-ci maddəsinə görə mübahisənin məhkəməyə aid olmaması və ya işin başqa məhkəməyə verilməsi məsələləri barədə hakim bu Məcəllənin 21-ci fəslinin qaydalarına uyğun olaraq qərardad çıxarır. Həmin qərardaddan işdə iştirak edən şəxslər tərəfindən qərardadın alındığı (verildiyi) andan 10 gün ərzində şikayət verilə bilər. Göstərilənlərə əsasən və Azərbaycan Respublikası MPM-nin 31,35,44,45,263-269-cu maddələrini rəhbər tutaraq QƏRARA ALDİ : İddiaçı cavabdeh Dövlət Tibbi-Sosial Ekstertiza və Reabilitasiya Agentliyinə qarşı "əmrin ləğv edilməsi, işə bərpa, məcburi işburaxma müddətində əmək haqqının ödənilməsi tələbinə dair" mülki iş ərazi aidiyyəti üzrə Bakı şəhəri Binəqədi Rayon Məhkəməsinə göndərilsin. Qərardaddan rəsmi qaydada verildikdən sonra tərəflər 10 (on) gün müddətində işə baxan Yasamal Rayon Məhkəməsinə şikayət verə bilərlər. Sədrlik edən:Ayaz Məmmədov