Bakı Şəhəri Yasamal Rayon Məhkəməsi Qərardad — İş №2(004)-6831/2021

Azərbaycan Respublikası adından QƏRARDAD Bakı şəhəri İş № 2(004)-6831/2021 08.10.2021 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal rayon Məhkəməsinin hakimi Axundova Günay Təyar qızı Ərizəçi maraqlı şəxs Bakı şəhər Maraqlı şəxsnə qarşı “doğum faktının müəyyən edilməsi” tələbinə dair ərizəsini və ona əlavə edilmiş sənədləri nəzərdən keçirərək MÜƏYYƏN E T D İ M: Ərizəçi maraqlı şəxs Bakı şəhər Maraqlı şəxsnə qarşı “doğum faktının müəyyən edilməsi” tələbinə dair ərizə ilə 05.10.2021-ci il tarixdə məhkəməyə müraciət edərək Ərizəçi 08.03.1935-ci il tarixdə Azərbaycan SSR-in Gədəbəy rayonunun Ernikaz kəndində doğulması faktının qeydə alınması barədə qətnamə qəbul edilməsini etmişdir. Qeyd edirəm ki, ərizə geri qaytarılmalıdır. Belə ki, ərizəçi ərizəsində doğum faktının deyil, doğumun qeyd edilmə faktının müəyyən edilməsini xahiş etməlidir. Eyni zamanda qeyd edirəm ki, ərizəçi özünün doğum qeydinin bərpa edilməsi ilə bağlı Gədəbəy rayon qeydiyyat Şöbəsinə və ya AR Milli Arxiv İdarəsinə müraciət etməli, ona imtina barədə əsaslandırılmış cavab verildikdən sonra məhkəməyə müraciət etməlidir. Azərbaycan Respublikası MPM-in 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Azərbaycan Respublikası MPM-in 306.1-ci maddəsinə əsasən məhkəmələr tərəfindən xüsusi icraat işlərinə, bu Məcəllənin 30 - 40-6-cı fəsillərində müəyyən edilmiş xüsusiyyətlərlə, iddia icraatı qaydasında baxılır. MPM-nin 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxır. MPM-nin 152.1.1-ci maddəsinə müvafiq olaraq iddia ərizəsinin MPM-nin 149-cu maddəsi ilə müəyyən olunmuş formasına və məzmununa riayət edilməməsi iddia ərizəsinin və ona edilmiş əlavə edilmiş sənədlərin geri qaytarılması üçün əsasdır. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənləri, MPM-nin 152-ci və 306-ci maddələrini rəhbər tutaraq, Q Ə R A R A A L D İ M: Ərizəçi maraqlı şəxs Bakı şəhər Maraqlı şəxsnə qarşı “doğum faktının müəyyən edilməsi” tələbinə dair ərizə və ona əlavə edilmiş sənədlər geri qaytarılsın. Ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində Yasamal Rayon Məhkəməsinə şikayət verilə bilər. Hakim: Günay Axundova