Bakı Şəhəri Nərimanov Rayon Məhkəməsi Qərardad — İş №2(005)-1347/2022

Azərbaycan Respublikası adından QƏRARDAD Bakı şəhəri İş № 2(005)-1347/2022 13.04.2022 BAKI ŞƏHƏRİ NƏRİMANOV RAYON MƏHKƏMƏSİ Hakim Nuriyeva Səbinə Vidadi qızının sədrliyi ilə, Fətəlizadə Rufanə Xıdır qızının katibliyi, İddiaçı Azərbaycan Respublikası FHN-nin X6 Xidmətinin nümayəndəsi X1, Cavabdeh nümayəndəsi və vəkili X5 iştirakı ilə, İddiaçı Azərbaycan Respublikası FHN-nin X6 Xidmətinin Cavabdeh və 3-cü şəxs X3 qarşı qeydiyyatdan çıxarılma tələbinə dair iddia ərizəsi üzrə mülki işə məhkəmənin binasında açıq məhkəmə iclasında baxaraq, məhkəmə müəyyən etdi: İddiaçı Azərbaycan Respublikası FHN-nin X6 Xidməti Cavabdeh və 3-cü şəxs X3 qarşı iddia ərizəsi ilə müraciət edərək Cavabdeh ünvan 1 ünvanından qeydiyyatdan çıxarılması barədə qətnamə qəbul edilməsini xahiş etmişdir. İddia ərizəsi məhkəmənin icraatına qəbul edilərək, qanuna müvafiq prosessual hərəkətlər edilmişdir. İddiaçı Azərbaycan Respublikası FHN-nin X6 Xidmətinin nümayəndəsi X2 məhkəmə iclasında ərizə təqdim edərək iddia ərizəsiniin aidiyyəti üzrə verilmədiyini nəzərə alaraq iddia ərizəsini və əlavə edilmiş sənədlərin geri qaytarılmasını məhkəmədən xahiş etmişdir. Cavabdehin nümayəndəsi və vəkili ərizənin təmin ediməməsini və mülki işə mahiyyəti üzrə baxılmasını məhkəmədən xahiş etdi. Məhkəmə iddiaçının nümayəndəsinin ərizəsini nəzərdən keçirib, iş materiallarını araşdıraraq belə nəticəyə gəlir ki, ərizə və ona əlavə edilmiş sənədlər iddiaçıya geri qaytarılmalıdır. Azərbaycan Respublikası Mülki Prosessual Məcəlləsinin 170.1-ci maddəsinə əsasən Bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Həmin Məcəllənin 170.3-cü maddəsinə əsasən, bu Məcəllənin 170.1-ci və 170.2-ci maddələrində göstərilən qaydada qəbul edilmiş qərardaddan şikayət verilə bilər. Beləliklə, məhkəmə yuxarıda qeyd edilənlərə əsaslanaraq hesab edir ki, hazırkı iş üzrə ərizə və ona əlavə edilmiş sənədlər ərizəçiyə geri qaytarılmalıdır. Qeyd olunanlara və Azərbaycan Respublikası Mülki-Prosessual Məcəlləsinin 170.1, 263-264 və 267-268-ci maddələrinə əsaslanaraq, məhkəmə q ə r a r a a l d ı: İddiaçı Azərbaycan Respublikası FHN-nin X6 Xidmətinin Cavabdeh və 3-cü şəxs X3 qarşı qeydiyyatdan çıxarılma tələbinə dair ərizəsi və ona əlavə edilmiş sənədlər iddiaçıya geri qaytarılsın. Qərardad tərəfə rəsmi qaydada verildikdən sonra 10 (on) gün müddətində müddətində “Elektron məhkəmə” informasiya sistemində yaradılan elektron kabinet vasitəsilə Bakı Şəhəri Nərimanov Rayon Məhkəməsinə şikayət verilə bilər. Hakim Səbinə Nuriyeva