Bakı Şəhəri Nərimanov Rayon Məhkəməsi Qərardad — İş №2(005)-14/2024

Azərbaycan Respublikası adından QƏRARDAD Bakı şəhəri İş № 2(005)-14/2024 08.04.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Tağıyeva Nərgiz Nazim qızının sədrliyi, Məhkəmə iclas katibi İsmayılov Pərvin Pərviz oğlunun katibliyi ilə, İddiaçı cavabdeh “X1” MMC-yə qarşı tikilinin qanunsuz hesab edilməsi, qanunsuz müdaxilə və digər qanunsuz hərəkətlərin cavabdehə qadağan edilməsi, əmlakın əvvəlki vəziyyətinə gətirilməsi və pul tələbinə dair mülki işə məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı cavabdeh “X1” MMC-yə qarşı iddia ərizəsi ilə məhkəməyə müraciət edərək, cavabdeh “X1” MMC-nin xüsusi mülkiyyətində olan ünvan 1 ünvanında yerləşən 0.03950 ha torpaq sahəsinə və həmin torpaq sahəsində yerləşən 49 kv.m-lik fərdi yaşayış evinə müdaxiləsinin, darvazanın sökülməsinin, daş hasarın (bir hissəsinin) sökülməsinin, kommunal xətlərin yararsız hala salınmasının, onun mülkiyyətində olan sahəyə tullantıların (zibilin) atılmasının, eləcə də evinin hasarı boyunca quraşdırılmış taxta və dəmir konstruksiyadan ibarət müvəqqəti tikilinin qanunsuz hesab edilməsinə dair, mülkiyyət hüququ ilə ona (İddiaçı) məxsus ünvan 1 ünvanında yerləşən 0.03950 ha torpaq sahəsinə və həmin torpaq sahəsində yerləşən 49 kv.m-lik fərdi yaşayış evinə (mülkiyyətinə) istənilən qanunsuz müdaxilənin və digər qanunsuz hərəkətlərin cavabdeh “X1” MMC-yə qadağan edilməsi, ünvan 3 ünvanında ona məxsus daş hasarın və darvazanın (qapının) cavabdehin hesabına bərpa edilərək əvvəlki vəziyyətə gətirilməsinə dair, ünvan 3 ünvanında mülkiyyətində olan 0,03950 ha torpaq sahəsinin boyunca dəmir və taxta konstruksiyadan qanunsuz olaraq quraşdırılmış müvəqqəti tikilinin cavadehin hesabına sökülməsinə və yerinin əvvəlki vəziyyətinə gətirilməsinə dair, cavabdeh “X1” MMC-dən maddi ziyanın əvəzi kimi 20.000 manatın, mənəvi ziyanın əvəzi olaraq 200.000 manatın, ümumilikdə 220.000 manat məbləğində pul vəsaitinin ona ödənilməsinə dair qətnamə qəbul edilməsini məhkəmədən xahiş etmişdir Tərəflərə məhkəmə iclasının yeri və vaxtı barədə qanunla nəzərdə tutulmuş qaydada məlumat verilməsinə baxmayaraq, onlar heç bir üzrlü səbəb göstərmədən məhkəmə iclasına gəlməmiş və işə onların iştirakı olmadan baxılmasını məhkəmədən xahiş etməmişlər. Məhkəmə Azərbaycan Respublikası Mülki Prosessual Məcəlləsinin 185.4-cü maddəsinə əsasən işə tərəflərin iştirakı olmadan baxılmasını mümkün hesab etmişdir. Azərbaycan Respublikası Mülki Prosessual Məcəlləsinin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə hakim ərizəni baxılmamış saxlayır. Mülki Prosessual Məcəllənin 260.1-ci maddəsinə əsasən iddianın baxılmamış saxlanması haqqında məhkəmə qərardad çıxarır. Eyni Məcəllənin 260.5 və 260.6-cı maddələrinə uyğun olaraq, məhkəmə iddiaçı və ya cavabdehin vəsatəti üzrə, onlar məhkəmə iclasında iştirak etməmələrinin və bu haqda məhkəməyə məlumat verməmələrinin üzürlü səbəblərdən baş verməsi haqqında sübutlar təqdim etdikdə, bu Məcəllənin 259.0.6 və 259.0.7-ci maddələrində göstərilən əsaslarla ərizənin baxılmamış saxlanması barəsində öz qərardadını ləğv edir. İddianın baxılmamış saxlanması haqqında məhkəmə qərardadından şikayət verilə bilər. Məhkəmə iş materiallarını nəzərdən keçirərək hesab edir ki, işə onların iştirakı olmadan baxmağı xahiş etməmiş tərəflər məhkəməyə gəlmədiyinə görə iddia ərizəsi baxılmamış saxlanılmalıdır. Belə ki, məhkəmə tərəfindən xx.xx.2024-cü il tarixinə baxış iclası təyin edilmiş, iddiaçının nümayəndəsi və vəkilinin elektron kabinetinə elektron bildiriş, eləcə də iddiaçı və cavabdehin ünvanına bildiriş göndərilmiş, həmçinin tərəflərə sms məlumat çatdırılmış, buna baxmayaraq tərəflər məhkəmənin çağırışına gəlməmişlər. Həmin Məcəllənin 114.1.5-ci maddəsinə əsasən bu Məcəllə ilə nəzərdə tutulmuş əsaslarla ərizə baxılmamış saxlanılarsa, ödənilmiş dövlət rüsumu geri qaytarılır. Məhkəmə iş materiallarını nəzərdən keçirərək hesab edir ki, işə onların iştirakı olmadan baxmağı xahiş etməmiş tərəflər məhkəməyə gəlmədiyinə görə iddia ərizəsi baxılmamış saxlanılmalıdır. Həmçinin iddiaçı tərəfindən ödənilmiş dövlət rüsumu ona geri qaytarılmalıdır. Beləliklə, məhkəmə qeyd edilənlərə əsasən hesab edir ki, İddiaçı cavabdeh “X1” MMC-yə qarşı tikilinin qanunsuz hesab edilməsi, qanunsuz müdaxilə və digər qanunsuz hərəkətlərin cavabdehə qadağan edilməsi, əmlakın əvvəlki vəziyyətinə gətirilməsi və pul tələbinə dair iddia ərizəsi baxılmamış saxlanılmalı, iddiaçı tərəfindən dövlət rüsumu kimi ödənilmiş 30 manat məbləğində pul ona geri qaytarılmalıdır. Qeyd olunanlara əsaslanaraq və Azərbaycan Respublikası Mülki Prosessual Məcəlləsinin 114, 259.0.6, 263-264 və 267-268-ci maddələrini rəhbər tutaraq, məhkəmə QƏRARA ALDİ: İddiaçı cavabdeh “X1” MMC-yə qarşı tikilinin qanunsuz hesab edilməsi, qanunsuz müdaxilə və digər qanunsuz hərəkətlərin cavabdehə qadağan edilməsi, əmlakın əvvəlki vəziyyətinə gətirilməsi və pul tələbinə dair iddia ərizəsi baxılmamış saxlanılsın. İddiaçı tərəfindən dövlət rüsumu kimi ödənilmiş (Bakı Şəhəri üzrə Baş Maliyyə İdarəsi vasitəsilə, mədaxil qəbzinin nömrəsi – 7********) 30 (otuz) manat məbləğində pul ona geri qaytarılsın. Tərəflərə izah edilsin ki, onlar məhkəmə iclasında iştirak etməmələrinin və bu haqda məhkəməyə məlumat verməmələrinin üzrlü səbəbdən baş verməsi haqqında sübutlar təqdim edərlərsə, məhkəmənin ərizənin baxılmamış saxlanılması barədə qərardadı ləğv oluna bilər. Qərardaddan tərəflərə rəsmi qaydada verildikdən sonra 10 (on) gün müddətində “Elektron məhkəmə” informasiya sistemində yaradılmış elektron kabinet vasitəsilə Bakı Şəhəri Nərimanov Rayon Məhkəməsinə şikayət verilə bilər. Hakim Nərgiz Tağıyeva