Bakı Şəhəri Nərimanov Rayon Məhkəməsi Qətnamə — İş №2(005)-148/2025

Azərbaycan Respublikası adından QƏTNAMƏ Bakı şəhəri İş № 2(005)-148/2025 05.02.2025 BAKI ŞƏHƏRİ NƏRİMANOV RAYON MƏHKƏMƏSİ Hakim Tağıyeva Nərgiz Nazim qızının sədrliyi, Məhkəmə iclas katibi Gülməmmədova Qumru Habil qızının katibliyi ilə, İddiaçı QSC-nin nümayəndəsi X3, Cavabdeh Qanuni nümayəndə nümayəndəsi X4 iştirakları ilə, İddiaçı QSC-nin cavabdehlər Qanuni nümayəndə, Cavabdeh3 və Cavabdeh2 qarşı mənzilin boşaldılması və sair tələbinə dair mülki işə məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı QSC cavabdeh Qanuni nümayəndə qarşı iddia ərizəsi ilə məhkəməyə müraciət edərək, kəskin qəzalı vəziyyətdə olan və istismar müddəti keçmiş 45,7 kv.metrdən ibarət olan Bakı şəhəri, Nərimanov rayonu, Həsənoğlu küçəsində yerləşən ev 12, 56 saylı mənzilin cavabdeh Qanuni nümayəndə qeyri-qanuni sahibliyindən götürülməsi, kəskin qəzalı vəziyyətdə olan və istismar müddəti keçmiş 45.7 kv.metrdən ibarət olan Bakı şəhəri, Nərimanov rayonu, Həsənoğlu küçəsində yerləşən ev 12, 56 saylı mənzilin cavabdeh Qanuni nümayəndə tərəfindən boşaldılaraq İddiaçı QSC-yə təhvil verilməsi və həmin mənzilin İddiaçı QSC tərəfindən sökülməsi, kəskin qəzalı vəziyyətdə olan və istismar müddəti keçmiş 45,7 kv.metrdən ibarət olan Bakı şəhəri, Nərimanov rayonu, Həsənoğlu küçəsində yerləşən ev 12, 56 saylı mənzilin (4/6 hissəsinin) əvəzinə 2 il müddətinə yeni tikiləcək binada faktiki sahəsinə 20% sahə əlavə edilməklə təmirli yaşayış sahəsinin cavabdeh Qanuni nümayəndə təhvil verilməsi, sökülməsi nəzərdə tutulan mənzilin İddiaçı QSC-yə təhvil verildiyi gündən başlayaraq yeni yaşayış sahəsi ilə təmin olunan günədək iddiaçı “Ailə Park" QSC tərəfindən cavabdeh Qanuni nümayəndə payına uyğun (4/6 hissədə) hər ay kirayə haqqının ödənilməsi barədə qətnamə çıxarılmasını xahiş etmişdir. İddiaçı məhkəməyə ərizə təqdim edərək Cavabdeh2 və Cavabdeh3 da cavabdeh qismində mülki işə cəlb edilməsini xahiş etmişdir. Daha sonra iddiaçı, iddia tələbinin dəqiqləşdirilməsi barədə ərizə təqdim edərək, kəskin qəzalı vəziyyətdə olan və istismar müddəti keçmiş faktiki sahəsi 45,76 kv.metrdən ibarət olan Bakı şəhəri, Nərimanov rayonu, Həsənoğlu küçəsində yerləşən ev 12, 56 saylı mənzilin cavabdehlər Qanuni nümayəndə, Cavabdeh2 və Cavabdeh3 tərəfindən boşaldılaraq İddiaçı MTK-ya təhvil verilməsi və həmin mənzilin İddiaçı MTK tərəfindən sökülməsi, kəskin qəzalı vəziyyətdə olan və istismar müddəti keçmiş faktiki sahəsi 45,76 kv.metrdən ibarət olan Bakı şəhəri, Nərimanov rayonu, Həsənoğlu küçəsində yerləşən ev 12, 56 saylı mənzilin əvəzinə 2 il müddətinə yeni tikiləcək 6 saylı binanın 5-ci mərtəbəsində yerləşəcək faktiki sahəsinə əlavə edilməklə 66 kv.m ölçüdə təmirsiz 23 saylı mənzilin İddiaçı MTK tərəfindən 4/6 hissəsinin cavabdeh Qanuni nümayəndə, 1/6 hissəsinin Cavabdeh2 və 1/6 hissəsinin Cavabdeh3 təhvil verilməsi, cavabdehlər Qanuni nümayəndə, Cavabdeh2 və Cavabdeh3 tərəfindən təhvil alınması nəzərdə tutulan 6 saylı binanın 5-ci mərtəbəsində yerləşəcək faktiki sahəsinə əlavə edilməklə 66 kv.m ölçüdə 23 saylı mənzilin təmir edilməsindən imtina etdikləri üçün İddiaçı MTK tərəfindən cavabdehlər Qanuni nümayəndə, Cavabdeh2 və Cavabdeh3 ayrılmış ümumi 30000 manat məbləğində təmir pulundan paylarına uyğun (4/6, 1/6 və 1/6 hissədə) ödənilməsi, 6 saylı binanın 5-ci mərtəbəsində yerləşəcək faktiki sahəsinə əlavə edilməklə 66 kv.m ölçüdə 23 saylı mənzilin cavabdehlərin təmir edilməsi üçün yükqaldırıcı qurğudan (lebyodkadan) istifadə dəyərinin 50% endirimlə ödənilməsinin cavabdehlər Qanuni nümayəndə, Cavabdeh2 və Cavabdeh3 tərəfindən təmin edilməsi, sökülməsi nəzərdə tutulan mənzilin İddiaçı MTK-ya təhvil verildiyi gündən başlayaraq yeni mənzil ilə təmin olunan günədək İddiaçı MTK tərəfindən cavabdehlər Qanuni nümayəndə, Cavabdeh2 və Cavabdeh3 ayrılmış ümumi 800 manat məbləğində aylıq kirayə haqqından paylarına uyğun (4/6, 1/6 və 1/6 hissədə) ödənilməsi barədə qətnamə qəbul edilməsini xahiş etmişdir. İddia tələbi onunla əsaslandırılmışdır ki, Azərbaycan Respublikası Əmlak Məsələləri Dövlət Komitəsi yanında Torpaqların Dövlət idarəedilməsinin Təşkili üzrə Dövlət Agentliyinin xx.xx.2020-d il tarixli **********94 saylı, Azərbaycan Respublikası Dövlət Şəhərsalma və Arxitektura Komitəsinin xx.xx.2020-ci il tarixli 02/07-635 saylı razılıq məktubları və Azərbaycan Respublikası Fövqəladə Hallar Nazirliyi Tikintidə X2 Agentliyinin “Azərinşaatlayihə” Dövlət Baş Layihə Konstruktor və Texnoloji İnstitutunun xx.xx.2020-cı il tarixli rəyi nəzərə alınaraq, Bakı şəhər İcra Hakimiyyəti Başçısının 55 saylı 11 mart 2020-ci il tarixli sərəncamı əsasında Bakı şəhəri, Nərimanov rayonu, Təbriz və Həsənoğlu küçələrinin kəsişməsində yerləşən yaşayış üçün yararsız (kəskin qəzalı) vəziyyətdə olan, şəhərin və ərazinin ümumi görünüşünə xələl gətirən 8 ədəd 5 mərtəbəli (12, 12A, 14, 14A, 16,16A, 83A və 85A saylı) binaların (köhnə tipli tikililərin) sökülərək yerində müasir tipli yeni yaşayış binalarının və qeyri-yaşayış sahələrinin inşası üçün icarə əsasında “Ailə Park" QSC-yə 2,7520 hektar torpaq sahəsi ayrılmışdır. Bakı şəhər icra Hakimiyyətinin sözügedən sərəncamına və Əmlak Məsələləri Dövlət Komitəsinin xx.xx.2020-ci il tarixli yerquruluşu planına əsasən Bakı şəhəri, Nərimanov rayonu, Təbriz və Həsənoğlu küçələrinin kəsişməsində yerləşən 2,7520 hektar torpaq sahəsinin 49 il müddətinə “Ailə Park" QSC-nin istifadəsinə venlməsi haqqında Bakı Şəhər İcra Hakimiyyəti ilə İddiaçı QSC arasında 1572 saylı 18 mart 2020-ci il tarixli “Torpaq sahəsinin icarəyə verilməsi haqqında" müqavilə bağlanmışdır, İddiaçı QSC müqavilə üzrə öhdəliklərini Bakı Şəhər İcra Hakimiyyəti Başçısının 55 saylı xx.xx.2020-ci il tarixli Sərəncamına əsasən və Azərbaycan Respublikasının qanunvericiliyinə uyğun olaraq icra edir. Hazırda Bakı şəhəri, Nərimanov rayonu, Həsənoğlu küçəsində yerləşən və kəskin qəzalı vəziyyətdə olan 12 saylı binada yaşayan mənzil sahiblərinin əksəriyyəti ilə qarşılıqlı razılıq əsasında onların mənzillərinin sökülməsi və yeni yaşayış sahələri ilə təmin edilmələrinə dair müqavilələr bağlanmışdır. Binanın təhlükəli vəziyyətdə olmasını nəzərə alaraq bu proses təxirə salınmadan davam etməkdədir. Sözügedən ərazidə aparılacaq tikinti işləri ilə bağlı digər sakinlərlə olduğu kimi, Həsənoğlu küçəsi 12 ünvanında yerləşən 56 saylı mənzilin paylı mülkiyyətçisi (4/6 hissədə) olan cavabdeh Qanuni nümayəndə ilə də danışıqların aparılmasına baxmayaraq cavabdeh QSC qarşısında əsassız tələblər irəli sürdüyündən onunla razılığın əldə edilməsi mümkün olmamışdır. İddiaçı QSC tərəfindən sakinlərə söküləcək binalarda təhvil veriləcək mənzillərin əvəzinə eyni xüsusiyyətlərə malik mənzillərin sahələrinə uyğun təmirli yaşayış sahələri təklif edilir, eyni zamanda mənzillərdən köçməsi üçün sakinlər yük avtomobili ilə təmin edilir və yeni tikiləcək yaşayış sahələri onlara təhvil verilənədək müvəqqəti yaşayış məqsədi ilə bazar qiymətlərinə uyğun yüksək kirayə haqqları təklif olunur. Digər sakinlərdən fərqli olaraq cavabdehə daha artıq sahənin verilməsi və onunla daha güzəştli şərtlərlə müqavilə bağlanması ədalətsizdir və əsassız varlanmaya səbəb olur. Nəzərə alınmalıdır ki, vətəndaşların yaşadığı kəskin qəzalı vəziyyətdə olan binaların sökülməsi və yerində hündür mərtəbəli yaşayış binalarının inşa olunması sahəsində Bakı Şəhər icra Hakimiyyəti Başçısının müvafiq sərəncamı ilk növbədə orada yaşayan sakinlərin mənzil-məişət şəraitinin yaxşılaşdırılması məqsədi ilə qəbul edilmişdir. Sərəncamın icrası ilə əlaqədar tərəflərindən həmin ünvanlarda yaşayan sakinlərlə danışıqlar aparılmış, böyük əksəriyyəti ilə razılıq əldə olunmuş, notarial qaydada təsdiq olunmuş əvəzləşmə müqavilələri bağlanmışdır. Lakin iş üzrə cavabdeh tərəfindən ona edilən ədalətli təkliflərə baxmayaraq qeyri-real və icrası mümkün olmayan tələblər irəli sürür. Nəticə etibarı ilə həmin ərazidə köçürülən digər şəxslərin də hüquqları pozulmaqda davam edir. Belə ki, cavabdehin əsassız tələbləri digər şəxslərlə bağladıqları əvəzləşmə müqavilələri üzrə öhdəliklərini vaxtında yerinə yetirilməsinə böyük maneçiliklər törədir. Bundan başqa mənzillərindən köçürülmüş sakinlərə müvəqqəti yaşayış sahəsi ilə təmin olunması üçün nəzərdə tutulmuş müddətdən artıq mütamadi olaraq kompensasiya (kirayə haqqı) ödənilməsi QSC-yə külli miqdarda maddi zərər vurur. Cavabdehlər Qanuni nümayəndə (həm də Cavabdeh2 qanuni nümayəndəsi qismində) və Cavabdeh3 tərəfindən imzalanmış notarial qaydada təsdiq edilmiş ərizənin surətindən görünür ki, onlar iddia tələbinin dəqiqləşdirilməsinə dair ərizədə sonuncu göstərilənlərlə razılaşdıqlarını, iddia tələbini qəbul etdiklərini bildirmiş və iddia tələbinin təmin edilməsini xahiş etmişdirlər. Məhkəmə iclasında iştirak edən İddiaçı QSC-nin nümayəndəsi X5 iddia ərizəsinin məzmununa uyğun izahat verərək bildirmişdir ki, cavabdehlər sonuncu iddia tələbinin dəqiqləşdirilməsi barədə ərizəni qəbul etmələrinə dair məhkəməyə ərizə ünvanlayıblar, iddiaya etiraz etmirlər. Onlar da cavabdehlərə müəyyən güzəştlər etmişlər. İddia tələblərinin təmin edilməsini xahiş etmişdir. Məhkəmə iclasında iştirak edən cavabdeh Qanuni nümayəndə nümayəndəsi X6 iddia tələbinin sonuncu dəqiqləşdirmə ərizəsini qəbul etdiklərini bildirmiş və iddianın təmin edilməsini xahiş etmişdir. Məhkəmə tərəflərin izahatlarını dinləyərək və iş materiallarını tədqiq edərək, cavabdehlərin etirafını nəzərə alaraq hesab edir ki, iddia təmin edilməlidir. İş materiallarına əlavə edilmiş və məhkəmə iclasında tədqiq edilmiş: - Daşınmaz Əmlakın Dövlət Reyestri Xidmətinin hüquqların Dövlət qeydiyyatı haqqında daşınmaz əmlakın Dövlət reyestrindən çıxarışın surətindən görünür ki, Bakı şəhəri, Nərimanov rayonu, Həsənoğlu küçəsi, ev 12, mənzil 56 Qanuni nümayəndə adına 4/6 hissədə xx.xx.2019-cu il tarixdə dövlət qeydiyyatına alınmışdır; - Bakı Şəhər İcra Hakimiyyəti Başçısının xx.xx.2020-ci il tarixli, 55 nömrəli “Yeni yaşayış binalarının tikintisi üçün torpaq sahəsinin icarə əsasında İddiaçı MMC-nin istifadəsinə verilməsi haqqında” sərəncamının surətindən görünür ki, Bakı şəhəri, Nərimanov rayonu, Təbriz və Həsənoğlu küçələrinin kəsişməsində yerləşən yaşayış üçün yararsız vəziyyətdə olan, şəhərin və ərazinin ümumi görünüşünə xələl gətirən köhnə tikililərin yerləşdiyi 2.7520 ha torpaq sahəsi həmin tikililərin istifadəçiləri (mülkiyyətçiləri) ilə mülki münasibətlərin müvafiq qanunvericiliyin tələblərinə uyğun, qarşılıqlı razılıq əsasında İddiaçı MMC tərəfindən tənzimlənməsi şərti ilə müasir tipli yeni yaşayış binalarının və qeyri-yaşayış sahələrinin inşası üçün icarə əsasında İddiaçı MMC-nin istifadəsinə verilmişdir; - Bakı şəhəri İcra Hakimiyyəti ilə İddiaçı MMC arasında bağlanmış xx.xx.2020-ci il tarixli, 1572 nömrəli torpaq sahəsinin icarəyə verilməsi müqaviləsindən görünür ki, Bakı Şəhər İcra Hakimiyyəti Başçısının xx.xx.2020-ci il tarixli, 55 №-li sərəncamı və Əmlak Məsələləri Dövlət Komitəsinin xx.xx.2020-ci il tarixli yerquruluşu planına əsasən Bakı şəhəri, Nərimanov rayonu, Təbriz və Həsənoğlu küçələrinin kəsişməsində yerləşən torpaq sahəsi icarəyə verilmişdir; - Fövqəladə Hallar Nazirliyi Tikintidə X2 Agentliyinin “Azərinşaatlayihə” Dövlət Baş Layihə Konstruktor və X1 şöbəsinin qrup rəhbəri Abbas Rzayev, şöbənin mühəndisi Ədalət Nəcəfov və Nərimanov Rayon İcra Hakimiyyətinin Təsərrüfat şöbəsinin baş məsləhətçisi Azər Güləmmədovun imzaları ilə təsdiq edilmiş rəyinin surətindən görünür ki, Tikintidə X2 Agentliyinin xx.xx.2020-cı il tarixli 34/02300 nömrəli tapşırığına əsasən Bakı səhəri, Nərimanov rayonu, Təbriz küçəsi ilə Həsənoğlu küçəsinin kəsişməsində yerləşən 8 ədəd 5 mərtəbəli yaşayış binalarına vizual texniki baxış keçirilmişdir. Həsənoğlu küçəsi, bina 12 ünvanında yerləşən beşmərtəbəli yaşayış binası təqribən 1960-cı illərdə, kürsülü, dördgirişli inşa olunmuşdur. Binanın uzunluğu 60.0 metr, eni 12.0 metrdir. Mərtəbələrdə otaqların daxili hündürlükləri 2,70 metr, kürsünün hündürlüyü 1,0 metrdir. Xarici və daxili yükdaşıyan divarların qalınlığı 0 40 metr, arakəsmə divarların qalınlığı isə 0.20 metr olmaqla, mişarlanmış əhəngdaşından inşa edilmişdir. Binanın mərtəbəarası və dam örtüyü yığma dəmir-beton boşluqlu panellərdən quraşdırılmışdır. Pilləkən marş və meydançaları, eləcə də eyvan konstruksiyaları yığma dəmir- beton elementlərdən inşa edilmişdir. Dam örtüyü çardaq tipli olmaqla, ağac konstruksiyalardan, örtüyün bir hissəsi asbest-sement şifer, digər hissəsi isə dalğavari metal vərəqələrdəndir. Bina uzun müddət təmirsiz istismar edildiyindən köhnəlmiş və fiziki aşınmaya məruz qalmışdır. Xarici və daxili yükdaşıyan divarların bəzi yerlərində suvaq qatı qopub tökülmüşdür. Pilləkən marş və meydançalarında armaturların beton mühafizə qatları aşınmış və yararsız hala düşmüşdür. Eyvan tavalarının alt hissələrinin bəzi yerlərdə armaturların mühafizə qatları qopub töküldüyündən, armaturlar korroziyaya uğramışdır. Binanın bütün mərtəbələrində əlavə eyvanlar artırıldığından, yükdaşıyan konstruksiyalarda əlavə yüklər yaranmışdır ki, bu da bünövrədə deformasiya etmə riski yaratmışdır. Pilləkən qəfəsəsində pəncərəüstü atma və pilləkən tirlərində bəzi yerlərdə xırda Ölçülü çatlar müşahidə olundu. Binanın arxa fasad divarında binanın xaricinə qapı boşluğu açılmışdır ki, bu da xarici yükdaşıyan divarın yükgötürmə qabiliyyətinin azalmasına səbəb olmuşdur. Binanın bəzi girişlərində, pilləkən qəfəsələrində tikinti norma və qaydalarına əməl edilmədən xaotik şəkildə quraşdırılmış elektrik xətləri sakinlərin həyatı üçün təhlükə mənbəyidir. Dam örtüyündə atmosfer sularını istiqamətləndirən suötürücü xətlərin və su axıdıcı borulann nasaz vəziyyətdə olmasından, dam örtüyünün bəzi yerlərində asbest-sement şiferlərin çatlaması, sınması nəticəsində divarların nəmlənməsi, suvaq qatının qopmaları və tökülmə halları müşahidə olundu. Binanın mişarlanmış əhəng daşından olan yükdaşıyan divarlarda hörgü üçün istifadə edilmiş sement-qum məhlulu öz keyfiyyətini itirərək ovulub tökülmələrə məruz qalmışdır. 16A saylı binanın sol yan fasad divarında suvaq qatı olmadığından, binada antiseysmik kəmərdən istifadə edilmədiyi açıq-aşkar görünür. Baxış keçirilmiş binalar eyni illərdə və birtipli layihə əsasında inşa edildiyindən bunu digər binalara da şamil etmək olar. Yuxarıda qeyd edildiyi kimi sakinlər yaşayış sahəsini artırmaq məqsədilə müxtəlif illərdə birbaşa yer səviyyəsindən başlayaraq əlavə tikililər (binaya artırmalar) inşa etmişlər. Açıq eyvanların əksəriyyəti bağlanmışdır. Yükdaşıyan divarlarda qapı və pəncərə boşluqları açılmışdır. Binada nizamsız, layihəsiz, heç bir gücləndirmə aparılmadan eyvanların sahəsinin artırılması, əlavə eyvanların inşa edilməsi, antiseysmik kəmərin quraşdırılmaması. hörgüdə istifadə olunan sement-qum məhlulunun keyfiyyətsizliyi, əhəngdaşından olan yükdaşıyan divarlarda qapı və pəncərə boşluqlarının açılması binaya konstruktiv baxımdan xələl gətirmiş və binanın davamlılıq baxımdan möhkəmliyinin zəifləməsinə səbəb olmuşdur. Seysmik baxımdan və binaya edilmiş artırmaları, əlavə yükləmələri nəzərə alaraq binanın texniki vəziyyəti yolverilməz kimi qiymətləndirilir. Məhkəmə tərəfindən işin müəyyən olunmuş hallarından görünür ki, Bakı şəhər İcra Hakimiyyəti başçısının xx.xx.2020-ci il tarixli, 55 nömrəli sərəncamı ilə Bakı şəhəri, Nərimanov rayonu, Təbriz və Həsənoğlu küçələrinin kəsişməsində köhnə tikililərin yerləşdiyi 2.7520 ha torpaq sahəsi yeni yaşayış binalarının və qeyri-yaşayış sahələrinin inşası üçün icarə əsasında İddiaçı MMC-nin istifadəsinə verilmişdir. Hazırda iddiaçı cavabdehlərə məxsus mənzilin QSC-yə ayrılmış torpaq sahəsində yerləşdiyinə, qəzalı vəziyyətdə olduğuna, sakinlərin əksər hissəsi ilə razılığa gəldiklərinə əsaslanaraq, yeni tikiləcək binada mənzil və kirayə haqqı verilməsi müqabilində onların mənzildən çıxarılması və mənzilin söküntü üçün təhvil verilməsi tələbini irəli sürmüşdür. Cavabdehlər məhkəməyə ərizə təqdim edərək iddia tələbini qəbul etdiklərini bildirmişdirlər. Azərbaycan Respublikası Mülki Prosessual Məcəlləsinin 52.2 və 52.5-ci maddələrinə əsasən cavabdeh bu barədə yazılı ərizə verilməklə və ya protokolda qeyd edilməklə ona qarşı verilən iddianı tam və ya qismən etiraf etmək hüququna malikdir. İddiaçının iddiadan imtina etməsi, iddianın cavabdeh tərəfindən etiraf edilməsi və tərəflərin barışıq sazişi qanuna zidd olarsa və ya hər hansı bir şəxsin hüquqlarını və qanunla qorunan mənafeyini pozarsa, məhkəmə belə hərəkətləri qəbul etmir. Belə hallarda məhkəmə mübahisəyə mahiyyəti üzrə baxır. Mülki Prosessual Məcəllənin 106.3-cü maddəsinə uyğun olaraq, tərəfin tələb və etirazlarının əsaslandırdığı faktları digər tərəfin etiraf etməsi əks tərəfi gələcəkdə bu faktları sübut etmə vəzifəsindən azad edir. “Elektron məhkəmə” informasiya sisteminin tətbiq olunduğu məhkəmələrdə məhkəmə iclaslarının fasiləsiz audio yazısının aparıldığı hallar istisna olmaqla faktın etiraf olunması məhkəmə iclasının protokoluna yazılır və bu barədə etiraf edən tərəf protokola imza edir. Faktın etirafı yazılı ərizədə ifadə olunursa, həmin ərizə işə tikilir. Həmin Məcəllənin 191.3 və 220.4-cü maddələrinə görə isə cavabdeh tərəfindən iddia etiraf edildikdə və bu, məhkəmə tərəfindən təsdiq edildikdə, məhkəmə iddiaçının irəli sürdüyü tələblərin təmin olunması barədə qətnamə çıxarır. Cavabdeh tərəfindən iddia tələbi etiraf edildikdə qətnamənin əsaslandırıcı hissəsində yalnız iddianın etiraf edilməsi və onun məhkəmə tərəfindən qəbul edilməsi göstərilə bilər. Hazırki iş üzrə cavabdehlər məhkəməyə ərizə təqdim edərək sonuncu dəqiqləşmə ərizəsində göstərilən iddia tələbini qəbul etdiklərini bildirmişdirlər. Bu səbəbdən iddiaçı iddia tələbini sübut etmə vəzifəsindən azaddır. Məhkəmə tərəfindən cavabdehlərin iddia tələbinin qəbul edilməsindən imtina olunması üçün hər hansı bir əsas, o cümlədən işin həqiqi hallarının gizlədilməsi məqsədi ilə və yaxud aldatma, zor, hədə və ya yanılma təsiri nəticəsində baş verməsinə şübhə yaradan hər hansı bir hal aşkar edilməmişdir. Bu səbəbdən məhkəmə hesab edir ki, cavabdehlərin iddia tələbinin qəbulu barədə ərizəsi qəbul edilməlidir. Mülki Prosessual Məcəllənin 119.1-ci maddəsinə uyğun olaraq məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Mülki Prosessual Məcəllənin 14.2 və 77.1-ci maddələrinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məcəllənin 217.4-cü maddəsinə müvafiq olaraq məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə, məhkəmə iş üzrə toplanmış sübutlara məcmu halda hüquqi qiymət verərək hesab edir ki, iddia təmin edilməli, kəskin qəzalı vəziyyətdə olan və istismar müddəti keçmiş faktiki sahəsi 45,76 kv. metrdən ibarət olan Bakı şəhəri, Nərimanov rayonu, Həsənoğlu küçəsində yerləşən ev 12, 56 saylı mənzil cavabdehlər Qanuni nümayəndə, Cavabdeh2 və Cavabdeh3 tərəfindən boşaldılaraq sökülməsi üçün İddiaçı QSC-yə təhvil verilməli, kəskin qəzalı vəziyyətdə olan və istismar müddəti keçmiş faktiki sahəsi 45,76 kv.metrdən ibarət olan Bakı şəhəri, Nərimanov rayonu, Həsənoğlu küçəsində yerləşən ev 12, 56 saylı mənzilin əvəzinə 2 il müddətinə yeni tikiləcək 6 saylı binanın 5-ci mərtəbəsində yerləşəcək faktiki sahəsinə əlavə edilməklə 66 kv.m ölçüdə təmirsiz 23 saylı mənzilin İddiaçı QSC tərəfindən 4/6 hissəsi cavabdeh Qanuni nümayəndə, 1/6 hissəsi Cavabdeh2 və 1/6 hissəsi Cavabdeh3 təhvil verilməli, cavabdehlər Qanuni nümayəndə, Cavabdeh2 və Cavabdeh3 tərəfindən təhvil alınması nəzərdə tutulan 6 saylı binanın 5-ci mərtəbəsində yerləşəcək faktiki sahəsinə əlavə edilməklə 66 kv.m ölçüdə 23 saylı mənzilin təmir edilməsindən imtina etdikləri üçün İddiaçı MTK tərəfindən cavabdehlər Qanuni nümayəndə, Cavabdeh2 və Cavabdeh3 ayrılmış ümumi 30000 manat məbləğində təmir pulundan paylarına uyğun (4/6, 1/6 və 1/6 hissədə) ödənilməli, 6 saylı binanın 5-ci mərtəbəsində yerləşəcək faktiki sahəsinə əlavə edilməklə 66 kv.m ölçüdə 23 saylı mənzilin cavabdehlərin təmir edilməsi üçün yükqaldırıcı qurğudan (lebyodkadan) istifadə dəyərinin 50% endirimlə ödənilməsi cavabdehlər Qanuni nümayəndə, Cavabdeh2 və Cavabdeh3 tərəfindən təmin edilməli, sökülməsi nəzərdə tutulan mənzilin İddiaçı QSC-yə təhvil verildiyi gündən başlayaraq yeni mənzil ilə təmin olunan günədək İddiaçı QSC tərəfindən cavabdehlər Qanuni nümayəndə, Cavabdeh2 və Cavabdeh3 ayrılmış ümumi 800 manat məbləğində aylıq kirayə haqqından paylarına uyğun (4/6, 1/6 və 1/6 hissədə) ödənilməlidir. İş üzrə ödənilmiş dövlət rüsumu iddiaçıya aid edilməlidir. Göstərilənlərə əsaslanaraq və Azərbaycan Respublikası Mülki Prosessual Məcəlləsinin 119, 216-220, 227, 233 və 360-cı maddələrini rəhbər tutaraq, məhkəmə QƏT ETDİ: İddia təmin edilsin. Kəskin qəzalı vəziyyətdə olan və istismar müddəti keçmiş faktiki sahəsi 45,76 kv. metrdən ibarət olan Bakı şəhəri, Nərimanov rayonu, Həsənoğlu küçəsində yerləşən ev 12, 56 saylı mənzil cavabdehlər Qanuni nümayəndə, Cavabdeh2 və Cavabdeh3 tərəfindən boşaldılaraq sökülməsi üçün İddiaçı QSC-yə təhvil verilsin. Kəskin qəzalı vəziyyətdə olan və istismar müddəti keçmiş faktiki sahəsi 45,76 kv.metrdən ibarət olan Bakı şəhəri, Nərimanov rayonu, Həsənoğlu küçəsində yerləşən ev 12, 56 saylı mənzilin əvəzinə 2 il müddətinə yeni tikiləcək 6 saylı binanın 5-ci mərtəbəsində yerləşəcək faktiki sahəsinə əlavə edilməklə 66 kv.m ölçüdə təmirsiz 23 saylı mənzilin İddiaçı MTK tərəfindən 4/6 hissəsi cavabdeh Qanuni nümayəndə, 1/6 hissəsi Cavabdeh2 və 1/6 hissəsi Cavabdeh3 təhvil verilsin. Cavabdehlər Qanuni nümayəndə, Cavabdeh2 və Cavabdeh3 tərəfindən təhvil alınması nəzərdə tutulan 6 saylı binanın 5-ci mərtəbəsində yerləşəcək faktiki sahəsinə əlavə edilməklə 66 kv.m ölçüdə 23 saylı mənzilin təmir edilməsindən imtina etdikləri üçün İddiaçı QSC tərəfindən cavabdehlər Qanuni nümayəndə, Cavabdeh2 və Cavabdeh3 ayrılmış ümumi 30000 manat məbləğində təmir pulu paylarına uyğun (4/6, 1/6 və 1/6 hissədə) ödənilsin. 6 saylı binanın 5-ci mərtəbəsində yerləşəcək faktiki sahəsinə əlavə edilməklə 66 kv.m ölçüdə 23 saylı mənzilin cavabdehlərin təmir edilməsi üçün yükqaldırıcı qurğudan (lebyodkadan) istifadə dəyərinin 50% endirimlə ödənilməsi cavabdehlər Qanuni nümayəndə, Cavabdeh2 və Cavabdeh3 tərəfindən təmin edilsin. Sökülməsi nəzərdə tutulan mənzilin İddiaçı QSC-yə təhvil verildiyi gündən başlayaraq, yeni mənzil ilə təmin olunan günədək İddiaçı QSC tərəfindən cavabdehlər Qanuni nümayəndə, Cavabdeh2 və Cavabdeh3 ayrılmış ümumi 800 manat məbləğində aylıq kirayə haqqı paylarına uyğun (4/6, 1/6 və 1/6 hissədə) ödənilsin. İş üzrə ödənilmiş dövlət rüsumu iddiaçıya aid edilsin. Qətnamədən tərəfə rəsmi qaydada təqdim olunduğu gündən sonra bir ay müddətində Bakı Şəhəri Nərimanov Rayon Məhkəməsi vasitəsilə (“Elektron məhkəmə” informasiya sistemində yaradılmış elektron kabinet vasitəsilə) Bakı Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamədən şikayət verilmədikdə, rəsmi qaydada verildiyi gündən bir ay keçdikdən sonra qanuni qüvvəyə minir. Hakim Nərgiz Tağıyeva