Bakı Şəhəri Nərimanov Rayon Məhkəməsi Qətnamə — İş №2(005)-1864/2021

Azərbaycan Respublikası adından QƏTNAMƏ Bakı şəhəri İş № 2(005)-1864/2021 29.03.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, İbrahimova Ramilə Namiq qızının katibliyi ilə, İddiaçı “ABC Telecom” Məhdud Məsuliyyətli Cəmiyyətinin Cavabdeh qarşı “pul tələbinə” dair kiçik iddiası üzrə mülki işə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı “ABC Telecom” Məhdud Məsuliyyətli Cəmiyyəti Cavabdeh qarşı “pul tələbi”nə dair kiçik iddia ərizəsi ilə məhkəməyə müraciət edərək, xx xxxx 2017-ci il tarixli müqaviləyə əsasən “Hoffman LED” markalı televizor üçün 159 (bir yüz əlli doqquz) manat məbləğində ödənilməmiş hissə və 15 (on beş) manat məbləğində cərimə, xx xxxxxxx 2017-ci il tarixli müqaviləsinə əsasən “Hansa” markalı paltaryuyan üçün 119 (bir yüz on doqquz) manat məbləğində ödənilməmiş hissə və 11 (on bir) manat məbləğində cərimə olmaqla, ümumilikdə 304 (üç yüz dörd) manat məbləğində borc və 20 (iyirmi) manat məbləğində ödənilmiş dövlət rüsumu olmaqla, cəmi 324 (üç yüz iyirmi dörd) manat məbləğində pul vəsaitinin Cavabdeh alınaraq iddiaçı “ABC Telecom” Məhdud Məsuliyyətli Cəmiyyətinə ödənilməsi barədə qətnamə çıxarılmasını məhkəmədən xahiş etmişdir. İddiaçı “ABC Telecom” Məhdud Məsuliyyətli Cəmiyyəti kiçik iddia ərizəsini onunla əsaslandırmışdır ki, Cavabdeh iddiaçı “ABC Telecom” Məhdud Məsuliyyətli Cəmiyyəti ilə xx xxxx 2017-ci il və xx xxxxxxx 2017-ci il tarixli müqaviləyə əsasən, “Hoffman LED” markalı televizor və “Hansa” markalı paltaryuyan almış, nəticədə 304 (üç yüz dörd) manat məbləğində borcu yaranmışdır. Cavabdeh müqavilələrin şərtlərini pozmuş, nəticədə xx xxxx 2017-ci il tarixli müqaviləyə əsasən, alqı-satqı qiyməti 695 (altı yüz doxsan beş) manat (18 (on səkkiz) ay x 37 (otuz yeddi) manat + 29 (iyirmi doqquz) manat məbləğində ilkin ödəniş) “Hoffman LED” markalı televizor üçün ümumilikdə 174 (bir yüz yetmiş dörd) manat məbləğində olmaqla, ondan 159 (bir yüz əlli doqquz) manat məbləğində ödənilməmiş hissə və 55 (əlli beş) manat (0,37 (otuz yeddi qəpik) manat x 150 (bir yüz əlli) gün) cərimə hesablanmalı olmasına baxmayaraq 15 (on beş) manat cərimə; xx xxxxxxx 2017-ci il tarixli müqaviləyə əsasən, alqı-satqı qiyməti 645 (altı yüz qırx beş) manat (12 (on iki) ay x 51 (əlli bir) manat + 33 (otuz üç) manat məbləğində ilkin ödəniş) “Hansa” markalı paltaryuyan üçün ümumilikdə 130 (bir yüz otuz) manat məbləğində olmaqla, ondan 119 (bir yüz on doqquz) manat məbləğində ödənilməmiş hissə, 46 (qırx altı) manat (0,51 (əlli bir qəpik) manat x 90 (doxsan) gün) cərimə hesablanmalı olmasına baxmayaraq 11 (on bir) manat məbləğində cərimə miqdarında borcu yaranmışdır. Cavabdeh xx xxxx 2017-ci il tarixli müqavilə üzrə sonuncu ödəniş tarixi xx xxxx 2019-cu il, xx xxxxxxx 2017-ci il tarixli müqavilə üzrə isə sonuncu ödəniş tarixi xx xxxxxx 2020-ci il olmaqla, cəmi ödədiyi məbləğ 1.062 (bir min altmış iki) manat məbləğində təşkil edir. Müqavilənin 3.3-cü bəndinə əsasən, ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1% həcmində mübahisəsiz olaraq penya ödəyir. Azərbaycan Respubikası Mülki Prosessual Məcəlləsinin: 284-cü maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə iş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edir ki, iddia tələbi təmin edilməlidir. İş materiallarında olan sübutlarla müəyyən olunmuşdur ki: xx xxxx 2017-ci il və xx xxxxxxx 2017-ci il tarixli müqavilələrdən görünür ki, Cavabdeh iddiaçı “ABC Telecom” Məhdud Məsuliyyətli Cəmiyyətindən “Hoffman LED” markalı televizor və “Hansa” markalı paltaryuyan almış, nəticədə 304 (üç yüz dörd) manat məbləğində borcu yaranmışdır. Cavabdeh müqavilələrin şərtlərini pozmuş, nəticədə xx xxxx 2017-ci il tarixli müqaviləyə əsasən, alqı-satqı qiyməti 695 (altı yüz doxsan beş) manat (18 (on səkkiz) ay x 37 (otuz yeddi) manat + 29 (iyirmi doqquz) manat məbləğində ilkin ödəniş) “Hoffman LED” markalı televizor üçün ümumilikdə 174 (bir yüz yetmiş dörd) manat məbləğində olmaqla, ondan 159 (bir yüz əlli doqquz) manat məbləğində ödənilməmiş hissə və 55 (əlli beş) manat (0,37 (otuz yeddi qəpik) manat x 150 (bir yüz əlli) gün) cərimə hesablanmalı olmasına baxmayaraq 15 (on beş) manat cərimə; xx xxxxxxx 2017ci il tarixli müqaviləyə əsasən, alqı-satqı qiyməti 645 (altı yüz qırx beş) manat (12 (on iki) ay x 51 (əlli bir) manat + 33 (otuz üç) manat məbləğində ilkin ödəniş) “Hansa” markalı paltaryuyan üçün ümumilikdə 130 (bir yüz otuz) manat məbləğində olmaqla, ondan 119 (bir yüz on doqquz) manat məbləğində ödənilməmiş hissə, 46 (qırx altı) manat (0,51 (əlli bir qəpik) manat x 90 (doxsan) gün) cərimə hesablanmalı olmasına baxmayaraq 11 (on bir) manat məbləğində cərimə miqdarında borcu yaranmışdır. Cavabdeh xx xxxx 2017-ci il tarixli müqavilə üzrə sonuncu ödəniş tarixi xx xxxx 2019-cu il, xx xxxxxxx 2017-ci il tarixli müqavilə üzrə isə sonuncu ödəniş tarixi xx xxxxxx 2020-ci il olmaqla, cəmi ödədiyi məbləğ 1.062 (bir min altmış iki) manat məbləğində təşkil etmişdir; xx xxxxxxx 2018-ci il tarixli xəbərdarlıq məktubundan görünür ki, 3 (üç) gün müddətində ödəniş etməyəcəyi təqdirdə iddiaçı “ABC Telecom” Məhdud Məsuliyyətli Cəmiyyəti məhkəmədə mülki iddia qaldıracağı barədə Cavabdeh xəbərdar etmişdir; xx xxxxxx 2021-ci il tarixli ********* nömrəli mədaxil qəbzindən görünür ki, məhkəmədə iddia qaldırılması üçün iddiaçı “ABC Telecom” Məhdud Məsuliyyətli Cəmiyyətinin nümayəndəsi tərəfindən 20 (iyirmi) manat məbləğində dövlət rüsumu ödənilmişdir. Beləliklə, müəyyən olunmuşdur ki, Cavabdeh iddiaçı “ABC Telecom” Məhdud Məsuliyyətli Cəmiyyətindən “Hoffman LED” markalı televizor və “Hansa” markalı paltaryuyan almış, nəticədə 304 (üç yüz dörd) manat məbləğində borcu yaranmışdır. Azərbaycan Respublikası Mülki Məcəlləsinin: 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinin tələbinə görə, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır; 442-ci maddəsinin tələbinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; 462.1-ci maddəsinə əsasən, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir; 465.2-ci maddəsinə görə, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödəniməsini və öhdəliyin icrasını tələb edə bilər; 464.1-ci maddəsinə əsasən-kreditor qanunla müəyyənləşdirilmiş dəbbə pulunun ödənilməsini, tərəflərin razılaşmasında onun ödənilməsi vəzifəsinin nəzərdə tutulubtutulmadığından asılı olmayaraq, tələb edə bilər. 464.2. Əgər qanunla qadağan edilməyibsə, tərəflər qanun üzrə dəbbə pulunun miqdarını artıra bilərlər. 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Tərəflər arasında olan müqavilə münasibətlərindən göründüyü kimi, tərəflər əşyanın nisyə alınıb-satılması barədə razılığa gəlmişlər. Azərbaycan Respublikası Mülki Məcəlləsinin: 600.1-ci maddəsinin tələbinə görə, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinin tələbinə görə, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, məhkəmə hesab edir ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 284-5, 284-6, 216-220-ci maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh xx xxxx 2017-ci il tarixli müqaviləyə əsasən “Hoffman LED” markalı televizor üçün 159 (bir yüz əlli doqquz) manat məbləğində ödənilməmiş hissə və 15 (on beş) manat məbləğində cərimə, xx xxxxxxx 2017-ci il tarixli müqaviləsinə əsasən “Hansa” markalı paltaryuyan üçün 119 (bir yüz on doqquz) manat məbləğində ödənilməmiş hissə və 11 (on bir) manat məbləğində cərimə və 20 (iyirmi) manat məbləğində ödənilmiş dövlət rüsumu olmaqla, cəmi 324 (üç yüz iyirmi dörd) manat məbləğində pul vəsaiti tutularaq iddiaçı “ABC Telecom” Məhdud Məsuliyyətli Cəmiyyətinin xeyrinə ödənilsin. Qətnamədən, onun alındığı və ya təqdim olunduğu gündən 1 (bir) ay müddətində Bakı şəhəri Nərimanov Rayon Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Hakim: Gültəkin Əsədova