Bakı Şəhəri Nərimanov Rayon Məhkəməsi Qərardad — İş №2(005)-2284/2021

Azərbaycan Respublikası adından QƏRARDAD Bakı şəhəri İş № 2(005)-2284/2021 07.04.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, Məhkəmə iclas katibi İbrahimova Ramilə Namiq qızının katibliyi ilə, İddiaçı Ərizəçi maraqlı tərəf Azərbaycan Respublikası Maliyyə Nazirliyinin Dövlət Maliyyə Nəzarəti Xidmətinə qarşı “sığorta olunanla bağlı istehsalatda bədbəxt hadisənin baş verməsi faktının tanınması” tələbinə dair ərizəsinə və ona əlavə edilmiş sənədlərə baxaraq, məhkəmə MÜƏYYƏN ETDİ: İddiaçı Ərizəçi maraqlı tərəf Azərbaycan Respublikası Maliyyə Nazirliyinin Dövlət Maliyyə Nəzarəti Xidmətinə qarşı “sığorta olunanla bağlı istehsalatda bədbəxt hadisənin baş verməsi faktının tanınması” tələbinə dair ərizə ilə məhkəməyə müraciət edərək, sığorta olunan X1 ilə bağlı istehsalatda bədbəxt hadisənin baş verməsi barədə qətnamə qəbul edilməsini məhkəmədən xahiş etmişdir. Məhkəmə iddiaçı Ərizəçi ərizəsinin mümkünlüyü məsələsinə baxıb iş materiallarını araşdırıb hesab edir ki, iddiaçı Ərizəçi ərizəsi və ona əlavə edilmiş sənədlər geri qaytarılmalıdır. Belə ki, Azərbaycan Respublikası Mülki Prosessual Məcəlləsinin: 305.1.1-ci maddəsinə əsasən məhkəmə hüquqi əhəmiyyəti olan faktların müəyyən edilməsi haqqında işlərə xüsusi icraat qaydasında baxır; 306.2-ci maddəsinə əsasən xüsusi icraat işləri ərizəçilər tərəfindən qaldırılır, ərizəçinin və maraqlı şəxsin iştirakı ilə məhkəmədə baxılır; 309.1-ci maddəsinə əsasən hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Həmçinin, Azərbaycan Respublikası Mülki Prosessual Məcəlləsinin 152.1.2-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Prossesual normanın tələblərindən müəyyən olunur ki, qanunverici iddia ərizəsini (ərizəni) adi ərizələrdən fərqləndirmiş, bu ərizə növünün mümkünlüyünü onun qanunla müəyyən olunmuş forma və məzmununa riayət edilməsi ilə də bağlı etmişdir. İddiaçı Ərizəçi ərizəsindən görünür ki, o, ərizəsində ərizəçi əvəzinə özünü iddiaçı kimi, maraqlı şəxsi isə maraqlı tərəf kimi qeyd etmiş, bununla belə müvafiq ərizə ilə qeyd edilən tələbin təmin edilməsi ilə bağlı qətnamə çıxarılmasını xahiş etmişdir. Eyni zamanda iddia ərizəsi və sənədlərdən görünür ki, hazırki tələb üzrə mübahisə vardır. İddiaçı X3 Şirkətinə məsələ ilə bağlı bağlı müraciət etmiş, onlardam imtina verilmiş, lakin X3 Şirkəti cavabdeh kimi göstərilməmişdir. Belə olan halda mübahisəyə xüsusi icraat qaydasında da baxılması yolverilməzdir. Azərbaycan Respublikası Mülki Prosessual Məcəlləsinin: 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür; 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə, məhkəmə hesab edir ki, iddiaçı Ərizəçi müvafiq hadisənin baş verməsi faktının tanınmasına dair ərizəsi və ona əlavə edilmiş sənədlər geri qaytarılmalı, iddiaçı şəxsə müvafiq nöqsanları aradan qaldırdıqdan sonra yenidən məhkəməyə müraciət etmək hüququnun olması izah olunmalıdır. Qeyd olunanlara əsasən Azərbaycan Respublikası Mülki Prosessual Məcəlləsinin 263-264cü maddələrini rəhbər tutaraq, məhkəmə QƏRARA ALDİ: İddiaçı Ərizəçi maraqlı tərəf Azərbaycan Respublikası Maliyyə Nazirliyinin Dövlət Maliyyə Nəzarəti Xidmətinə qarşı “sığorta olunanla bağlı istehsalatda bədbəxt hadisənin baş verməsi faktının tanınması” tələbinə dair ərizəsi əlavə olunan sənədlərlə birlikdə geri qaytarılsın. İddiaçı Ərizəçi müvafiq nöqsanları aradan qaldırdıqdan sonra yenidən məhkəməyə müraciət etmək hüququnun olması izah olunur. Qərardaddan rəsmi qaydada verildikdən sonra 10 (on) gün müddətində Bakı şəhəri Nərimanov Rayon Məhkəməsinə şikayət verilə bilər. Hakim: Gültəkin Əsədova