Bakı Şəhəri Nərimanov Rayon Məhkəməsi Qətnamə — İş №2(005)-2762/2021

Azərbaycan Respublikası adından QƏTNAMƏ Bakı şəhəri İş № 2(005)-2762/2021 31.05.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, İbrahimova Ramilə Namiq qızının katibliyi ilə, İddiaçı Cavabdeh qarşı “pul tələbinə” dair kiçik idİddiaçıı üzrə mülki işə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı Cavabdeh qarşı “pul tələbi”nə dair kiçik iddia ərizəsi ilə məhkəməyə müraciət edərək, Cavabdeh 669 manat məbləğində əsas borcun,65 manat məbləğində faiz borcun və 30 manat məbləğində ödənilmiş dövlət rüsumunun,cəmisi 764 manat məbləğində pulun tutularaq iddiaçı "İddiaçı" MMC-nin hesabına ödənilməsi haqqında qətnamə çıxarılmasını məhkəmədən xahiş etmişdir. İddiaçı kiçik iddia ərizəsini onunla əsaslandırmışdır ki, alıcı (cavabdeh) Cavabdeh 29.01.2019-cu il tarixdə satıcı "İddiaçı" MMC ilə Bakı şəhərində bağladığı müqavilə əsasında "İddiaçı" MMC dən 29 yanvar 2019-cu il tarixli,0890 saylı, 29 yanvar 2019-cu il tarixli, 0891 saylı Qaimələr əsasında Kafel-Metlax yapışdırıcıları malını nisyə almış, pulunu 15 gun müddətinə ödəməyi müqavilə ilə öhdəsinə götürmüşdür. Ancaq cavabdeh öhdəliyinə əməl etmədiyindən "İddiaçı"MMC-yə 669 mant məbləğində borcu yaranmışdır. Dəfələrlə borcunu ödəməsi cavabdehdən tələb edilsədə,ancaq o,borcunu ödəməmişdir. Cavabdeh 669 manat pul vəsaitinin ödənilməsini 2 ildən artıq gecikdirdiyinə görə həmin vəsaitin məbləğinin 5 faizi həcmində qanunauyğun olaraq hər ilə 32,5 manat olmaqla ,cəmisi 65 manat məbləğində iddiaçıya faiz ödəməlidir. Azərbaycan Respubikası Mülki Prosessual Məcəlləsinin: 284-cü maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə iş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edir ki, iddia tələbi təmin edilməlidir. İş materiallarında olan sübutlarla müəyyən olunmuşdur ki: Cavabdeh ilə İddiaçı arasında bağlanmış 29.01.2019-cu il tarixli müqavilənin məzmunlarından görünür ki, müvafiq müqaviləyə əsasən, "İddiaçı" MMC-dən 29 yanvar 2019-cu il tarixli, 0890 saylı, 29 yanvar 2019-cu il tarixli, 0891 saylı Qaimələr əsasında Kafel-Metlax yapışdırıcıları malını nisyə almış, pulunu 15 gün müddətinə ödəməyi müqavilə ilə öhdəsinə götürmüşdür. Ancaq cavabdeh öhdəliyinə əməl etmədiyindən "İddiaçı" MMC-yə 669 manat məbləğində borcu yaranmışdır. Dəfələrlə borcunu ödəməsi cavabdehdən tələb edilsə də, o, borcunu ödəməmişdir. Cavabdeh 669 manat pul vəsaitinin ödənilməsini 2 ildən artıq gecikdirdiyinə görə həmin vəsaitin məbləğinin 5 faizi həcmində qanunauyğun olaraq hər ilə 32,5 manat olmaqla, cəmisi 65 manat məbləğində faiz hesablanmışdır. 03 mart 2021-ci il tarixli xəbərdarlıq məktubunun məzmunundan görünür ki, on gün müddətində ödəniş etməyəcəyi təqdirdə İddiaçı məhkəmədə mülki iddia qaldıracağı barədə Cavabdeh xəbərdar etmişdir; 27 aprel 2020-ci il tarixli 28146 nömrəli mədaxil qəbzindən görünür ki, məhkəmədə iddia qaldırılması üçün İddiaçı nümayəndəsi tərəfindən 30 (otuz) manat məbləğində dövlət rüsumu ödənilmişdir. Beləliklə, müəyyən olunmuşdur ki, Cavabdeh İddiaçındən 29 yanvar 2019-cu il tarixli, 0890 saylı, 29 yanvar 2019-cu il tarixli, 0891 saylı Qaimələr əsasında Kafel-Metlax yapışdırıcıları almış, nəticədə 669 (altı yüz altmış doqquz) manat əsas, 65 (altmış beş) manat faiz məbləğində borcu yaranmışdır. Azərbaycan Respublikası Mülki Məcəlləsinin: 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinin tələbinə görə, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır; 442-ci maddəsinin tələbinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; 462.1-ci maddəsinə əsasən, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir; 465.2-ci maddəsinə görə, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödəniməsini və öhdəliyin icrasını tələb edə bilər; 464.1-ci maddəsinə əsasən-kreditor qanunla müəyyənləşdirilmiş dəbbə pulunun ödənilməsini, tərəflərin razılaşmasında onun ödənilməsi vəzifəsinin nəzərdə tutulubtutulmadığından asılı olmayaraq, tələb edə bilər. 464.2. Əgər qanunla qadağan edilməyibsə, tərəflər qanun üzrə dəbbə pulunun miqdarını artıra bilərlər. 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Tərəflər arasında olan müqavilə münasibətlərindən göründüyü kimi, tərəflər əşyanın nisyə alınıb-satılması barədə razılığa gəlmişlər. Azərbaycan Respublikası Mülki Məcəlləsinin: 600.1-ci maddəsinin tələbinə görə, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinin tələbinə görə, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, məhkəmə hesab edir ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 284-5, 284-6, 216-220-ci maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh 669 (altı yüz altmış doqquz) manat əsas, 65 (altmış beş) manat faiz və 30 (otuz) manat məbləğində ödənilmiş dövlət rüsumu, cəmi 764 (yeddi yüz altmış dörd) manat pul alınaraq İddiaçı xeyrinə ödənilsin. Qətnamədən, onun alındığı və ya təqdim olunduğu gündən 1 (bir) ay müddətində Bakı şəhəri Nərimanov Rayon Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Hakim: Gültəkin Əsədova