Bakı Şəhəri Nərimanov Rayon Məhkəməsi Qətnamə — İş №2(005)-2894/2021

Azərbaycan Respublikası adından QƏTNAMƏ Bakı şəhəri İş № 2(005)-2894/2021 30.06.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Əmirxanova Kəmalə Fərman qızı İddiaçı MMC-nin Cavabdeh qarşı borcun tutulması tələbinə dair kiçik iddia ərizəsi üzrə mülki işə baxaraq, məhkəmə MÜƏYYƏN ETDİ: İddiaçı MMC Cavabdeh qarşı borcun tutulması tələbinə dair iddia ərizəsi ilə məhkəməyə müraciət edərək, İddiaçı MMC ilə Cavabdeh arasında bağlanmış 26 noyabr 2017-ci il tarixli 303597 saylı nisyə alqı-satqı müqaviləsinə əsasən Cavabdeh əsas borcu 45 (qırx beş) manat, cərimə borcu 4 (dörd) manat, ümumilikdə 49 (qırx doqquz) manat borcun, həmçinin ərizəyə görə ödənilmiş 20 (iyirmi) manat dövlət rüsumunun, İddiaçı MMC-nin xeyrinə tutulması barədə qətnamə qəbul edilməsini xahiş etmişdir. İddia tələbi onunla əsaslandırılmışdır ki, 26 noyabr 2017-ci il tarixli 303597 saylı nisyə alqı-satqı müqaviləsinə görə Cavabdeh 24 ay müddətinə hissə-hissə ödəmək şərti ilə dəyəri 936 (doqquz otuz altı) manat dəyərində mal satılmışdır Cavabdeh 26 noyabr 2017-ci il tarixli 303597 saylı müqavilənin şərtlərini pozduğundan İMEİ kodu **********78249 olan Samsung Galaxy A3 markalı telefonu 23.01.2018-ci il tarixinədək istifadə etdikdən sonra məhsul 846 (səkkiz yüz qırx altı) manat qiymətləndirilmiş və borcundan silinərək geri qaytarılmışdır. Cavabdehin 26 noyabr 2017-ci il tarixli 303597 saylı müqaviləyə görə son ödəniş tarixi 18.11.2019-cu il olmaqla cəmi ödədiyi məbləğ 891 manat (səkkiz yüz doğsan bir) manat təşkil edir. Nisyə satış müqaviləsinin 4.1-ci bəndinə əsasən, bu müqavilənin icrası zamanı yaranmış mübahisə və münaqişələr danışıqlar yolu ilə həll edilir.Qarşılıqlı razılıq əldə edilmədikdə mübahisə və münaqişələr Azərbayan Respublikasının qanunvericiliyinə əsasən məhkəmə qaydasında həll edilir. Hal-hazırda nisyə alqı-satqı müqaviləsinin şərtlərinə əsasən Cavabdeh İddiaçı MMC-yə 23.04.2021-ci il tarixə əsas borcu 45 manat, cərimə borcu 4 manat, ümumilikdə 49 manat təşkil edir ki, bu borcun da cavabdeh tərəfindən ödənilməsi təmin edilməlidir. Borcun ödənilməsi tələbi ilə cavabdehə dəfələrlə müraciət edilsə də, işin məhkəmədənkənar həlli mümkün olmamışdır. Azərbaycan Respublikası Mülki-Prosessual Məcəlləsinin (bundan sonra - MPM) 284-5.1-ci maddəsinə uyğun olaraq cavabdehə rəsmi qaydada bildiriş göndərilmişdir. Məhkəmə iş materiallarını araşdırıb, sübutlara məcmu halda obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq hesab edir ki, iddia təmin edilməlidir. Belə ki, iş materiallarında olan və məhkəmə tərəfindən tədqiq edilmiş: 26 noyabr 2017-ci il tarixli 303597 saylı nisyə alqı-satqı müqaviləsinə görə Cavabdeh 24 ay müddətinə hissə-hissə ödəmək şərti ilə dəyəri 936 (doqquz yüz otuz altı) manat dəyərində İMEİ kodu **********78249 olan Samsung Galaxy A3 markalı telefon satılmışdır. İş materiallarında olan 23.04.2021-ci il tarixli maliyyə və ödəniş cədvəlindən görünür ki, Cavabdeh 49 manat borcu vardır. İş materiallarında olan 26 noyabr 2017-ci il tarixli 303597 saylı nisyə alqı-satqı müqaviləsinə 1 saylı əlavədən görünür ki, aylıq ödəniş məbləği hər ay üçün 39 manat müəyyən edilmişdir. İş materiallarında olan 06.07.2019-cu il tarixli pretenziya məktubundan görünür ki, Cavabdeh borcunu ödəmədiyi təqdirdə məhkəməyə müraciət ediləcəyinə dair xəbərdarlıq edilmişdir. İş materiallarında olan 07.04.2021-ci il tarixli məktubdan görünür ki, Cavabdeh 26 noyabr 2017-ci il tarixli 303597 saylı müqavilənin şərtlərini pozduğundan İMEİ kodu **********78249 olan Samsung Galaxy A3 markalı telefonun istifadədən sonrakı dəyəri 846 manat müəyyən olunmuş və geri qaytarılmışdır. Göründüyü kimi, tərəflər arasında nisyə alqı-satqı müqaviləsindən əmələ gələn öhdəlik hüquq münasibətləri yaranmışdır. Belə ki, iddiaçı Cavabdeh nisyə satış müqaviləsinə görə 24 ay müddətinə hissə-hissə ödəmək şərti ilə, cəmi 936 manat dəyərində mal satmışdır ki, Cavabdeh İddiaçı MMC ilə bağladığı nisyə alqı-satqı müqaviləsi üzrə götürdüyü öhdəliyi icra etməmiş, iddiaçıya olan borcunu müqavilə ilə nəzərdə tutulan vaxtda və qaydada ödəməmişdir, bununla da müqavilənin şərtlərini pozmuşdur. Azərbaycan Respublikası Mülki Məcəlləsinin: 385.1-ci maddəsinə uyğun olaraq öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi başa düşülür; 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur; 445.3-cü maddəsinə əsasən əgər borclu icra müddəti çatdıqdan sonra kreditorun xatırlatmasına baxmayaraq öhdəliyi icra etməzsə.o icranı xatırlatma üzrə gecikdirmiş sayılır; 448.1-ci maddəsinə əsasən əgər Mülki Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır; Azərbaycan Respublikası MPM-nin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edildiyindən məhkəmə hesab edir ki, ödənilmiş 20 manat dövlət rüsumu cavabdehə aid edilməlidir. Azərbaycan Respublikası MPM-in: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir; Mülki iş üzrə tədqiq edilmiş sübutlara məcmu halda qiymət verərək, məhkəmə belə nəticəyə gəlir ki, Cavabdeh əsas borcu 45 (qırx beş) manat, cərimə borcu 4 (dörd) manat, ümumilikdə 49 (qırx doqquz) manat borc, həmçinin ərizəyə görə ödənilmiş 20 (iyirmi) manat dövlət rüsumu iddiaçı “İddiaçı MMC-nin xeyrinə tutulmalıdır. Qeyd olanlara əsasən və MPM-in 216-220, 284-6-cı maddələrini rəhbər tutaraq, məhkəmə QƏT ETDİ: İddia təmin edilsin. 26 noyabr 2017-ci il tarixli 303597 saylı nisyə alqı-satqı müqaviləsinə əsasən Cavabdeh əsas borc 45 (qırx beş) manat, cərimə borcu 4 (dörd) manat, ümumilikdə 49 (qırx doqquz) manat borc, həmçinin ərizəyə görə ödənilmiş 20 (iyirmi) manat dövlət rüsumu iddiaçı “İddiaçı MMC-nin xeyrinə tutulsun. Qətnamədən onun rəsmi qaydada verildiyi gündən 1 (bir) ay müddətində Bakı şəhəri Nərimanov Rayon Məhkəməsi vasitəsilə Bakı Apelyasiya Məhkəməsinin mülki kollegiyasına apelyasiya şikayəti verilə bilər. Hakim Kəmalə Əmirxanova