Bakı Şəhəri Nərimanov Rayon Məhkəməsi Qərardad — İş №2(005)-3923/2021

Azərbaycan Respublikası adından QƏRARDAD Bakı şəhəri İş № 2(005)-3923/2021 06.08.2021 BAKI ŞƏHƏRİ NƏRİMANOV RAYON MƏHKƏMƏSİ Əmirxanova Kəmalə Fərman qızının sədrliyi Eldarzadə Şirazi Elxan oğlunun katibliyi ilə Tərəflərin iştirakı olmadan, İddiaçı X1 Cavabdeh MMC-nə qarşı təqdim edilmiş mənzillərin sahələri arasında yaranmış fərqin kompensasiya olunması və ya fərqli mənzil verilməsi tələbinə dair iddia ərizəsinə dair mülki işə açıq məhkəmənin hazırlıq iclasında baxaraq MÜƏYYƏN ETDİ İddiaçı X2 Cavabdeh MMC-nə qarşı təqdim edilmiş mənzillərin sahələri arasında yaranmış fərqin kompensasiya olunması və ya fərqli mənzil verilməsi tələbinə dair ərizə ilə məhkəməyə müraciət edərək, Cavabdeh MMC-nin Bakı şəhəri, Nəsimi rayonu, B.Bağırov küçəsi, ev 29 ünvanında yerləşən yaşayış evinin yerində tikilən hündürmərtəbəli binada iddiaçıya verilən mənzillərin sahələrində yaranmış fərqin kompensasiya olunması və ya əlavə mənzil verilməsi öhdəliyinin “ArchiCO“MMC-nin üzərinə qoyulması barədə qətnamə qəbul edilməsini xahiş etmişdir. İddiaçı X2 30 iyul 2021-ci il tarixdə ərizə ilə məhkəməyə müraciət edərək, iddia ərizəsində yol verdiyi nöqsanları aradan qaldırmaq üçün iddia ərizəsi və ona əlavə olunmuş sənədlərin geri qaytarılmasını xahiş etmişdir. Cavabdehə məhkəmə iclasının vaxtı və yeri barədə məlumat verilməsinə baxmayaraq, cavabdeh məhkəmə iclasına gəlməmişdir. Məhkəmə Azərbaycan Respublikası Mülki Prosessual Məcəlləsinin 185.5-ci maddəsinə əsasən işə cavabdehin iştirakı olmadan baxılmasını mümkün hesab etmişdir. Azərbaycan Respublikası MPM-nin 170.1.–ci maddəsinə əsasən bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Məhkəmə mülki işin sənədlərini araşdırıb hesab edir ki, iddiaçının ərizəsi təmin edilərək iddia ərizəsi əlavə olunmuş sənədlərlə birlikdə geri qaytarılmalıdır. Şərh olunanlara əsasən və Azərbaycan Respublikasının MPM-nin 170.1.-ci maddəsini rəhbər tutaraq, məhkəmə QƏRARA ALDİ İddiaçı X1 Cavabdeh MMC-nə qarşı təqdim edilmiş mənzillərin sahələri arasında yaranmış fərqin kompensasiya olunması və ya fərqli mənzil verilməsi tələbinə dair iddia ərizəsi əlavə olunmuş sənədlərlə birlikdə geri qaytarılsın. Qərardaddan 10 gün müddətində Bakı şəhəri Nərimanov Rayon Məhkəməsinə şikayət verilə bilər. Hakim Kəmalə Əmirxanova