Bakı Şəhəri Nərimanov Rayon Məhkəməsi Qətnamə — İş №2(005)-4391/2020

Azərbaycan Respublikası adından QƏTNAMƏ Bakı şəhəri İş № 2(005)-4391/2020 24.12.2020 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, Məmmədov Anar Rasim oğlunun katibliyi ilə, İddiaçı “ABC Telecom” Məhdud Məsuliyyətli Cəmiyyətinin cavabdeh Qurbanova (Məmmədova) Pərvanə Ramiz qızına qarşı “pul tələbi”nə dair kiçik iddiası üzrə mülki işə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı “ABC Telecom” Məhdud Məsuliyyətli Cəmiyyəti cavabdeh Qurbanova (Məmmədova) Pərvanə Ramiz qızına qarşı “pul tələbi”nə dair kiçik iddia ərizəsi ilə məhkəməyə müraciət edərək, İMEİ kodu **********32533 olan “Samsung Galaxy A7” markalı telefon üçün 580 (beş yüz səksən) manat məbləğində ödənilməmiş hissə və 58 (əlli səkkiz) manat məbləğində cərimə borcu olmaqla, cəmi 638 (altı yüz otuz səkkiz) manat məbləğində borc və 30 (otuz) manat məbləğində ödənilmiş dövlət rüsumu olmaqla, ümumilikdə 668 (altı yüz altmış səkkiz) manat məbləğində pul vəsaiti cavabdeh Qurbanova (Məmmədova) Pərvanə Ramiz qızından iddiaçı “ABC Telecom” Məhdud Məsuliyyətli Cəmiyyətinin xeyrinə ödənilməsi barədə qətnamə çıxarılmasını məhkəmədən xahiş etmişdir. İddiaçı “ABC Telecom” Məhdud Məsuliyyətli Cəmiyyəti kiçik iddia ərizəsini onunla əsaslandırmışdır ki, cavabdeh Qurbanova (Məmmədova) Pərvanə Ramiz qızı iddiaçı “ABC Telecom” Məhdud Məsuliyyətli Cəmiyyəti ilə bağladığı xx xxx 2019-cu il tarixli müqaviləyə əsasən, İMEİ kodu **********32533 olan “Samsung Galaxy A7” markalı telefon almış və nəticədə 638 (altı yüz otuz səkkiz) manat məbləğində borcu yaranmışdır. Cavabdeh Qurbanova (Məmmədova) Pərvanə Ramiz qızı müqavilənin şərtlərini pozmuş və nəticədə xx xxx 2019-cu il tarixli müqaviləyə əsasən, alqı-satqı qiyməti 828 (səkkiz yüz iyirmi səkkiz) manat (18 (on səkkiz) ay x 46 (qırx altı) manat + 0 (sıfır) manat ilkin ödəniş) məbləğində İMEİ kodu **********32533 olan “Samsung Galaxy A7” markalı telefon üçün 638 (altı yüz otuz səkkiz) manat məbləğində olmaqla, ondan 580 (beş yüz səksən) manat məbləğində ödənilməmiş hissə və 58 (əlli səkkiz) manat məbləğində cərimə borcu yaranmışdır. Cavabdeh Qurbanova (Məmmədova) Pərvanə Ramiz qızının cəmi ödədiyi məbləğ 248 (iki yüz qırx səkkiz) manat məbləğində təşkil etmişdir. Ödəniş cədvəlinin 2-ci bəndi üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1% həcmində mübahisəsiz olaraq penya ödəyir. Azərbaycan Respubikası Mülki Prosessual Məcəlləsinin: 284-cü maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə iş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edir ki, iddia tələbi təmin edilməlidir. Belə ki, iş materiallarına əlavə olunmuş xx xxx 2019-cu il tarixli müqavilədən görünür ki, həmin müqavilə əsasında Qurbanova (Məmmədova) Pərvanə Ramiz qızı “ABC Telecom” Məhdud Məsuliyyətli Cəmiyyətindən İMEİ kodu **********32533 olan “Samsung Galaxy A7” markalı telefon almış və nəticədə 638 (altı yüz otuz səkkiz) manat məbləğində borcu yaranmışdır. Cavabdeh Qurbanova (Məmmədova) Pərvanə Ramiz qızı müqavilənin şərtlərini pozmuş və nəticədə xx xxx 2019-cu il tarixli müqaviləyə əsasən, alqı-satqı qiyməti 828 (səkkiz yüz iyirmi səkkiz) manat (18 (on səkkiz) ay x 46 (qırx altı) manat + 0 (sıfır) manat ilkin ödəniş) məbləğində İMEİ kodu **********32533 olan “Samsung Galaxy A7” markalı telefon üçün 638 (altı yüz otuz səkkiz) manat məbləğində olmaqla, ondan 580 (beş yüz səksən) manat məbləğində ödənilməmiş hissə və 58 (əlli səkkiz) manat məbləğində cərimə borcu yaranmışdır. Cavabdeh Qurbanova (Məmmədova) Pərvanə Ramiz qızının cəmi ödədiyi məbləğ 248 (iki yüz qırx səkkiz) manat məbləğində təşkil etmişdir. İş materiallarına əlavə olunmuş xx xxxxxx 2020-ci il tarixli xəbərdarlıq məktubundan görünür ki, müvafiq müqavilə üzrə üzərinə götürdüyü öhdəliyi yerinə yetirmədiyi təqdirdə iddiaçı “ABC Telecom” Məhdud Məsuliyyətli Cəmiyyəti məhkəmədə mülki iddia qaldıracağı barədə cavabdeh Qurbanova (Məmmədova) Pərvanə Ramiz qızına xəbərdar etmişdir. İş materiallarına əlavə olunmuş xx xxxxxx 2020-ci il tarixli, ********* nömrəli mədaxil qəbzindən görünür ki, məhkəmədə iddia qaldırılması üçün iddiaçı “ABC Telecom” Məhdud Məsuliyyətli Cəmiyyətinin nümayəndəsi tərəfindən 30 (otuz) manat məbləğində dövlət rüsumu ödənilmişdir. Beləliklə, müəyyən olundu ki, “ABC Telecom” Məhdud Məsuliyyətli Cəmiyyəti ilə Qurbanova (Məmmədova) Pərvanə Ramiz qızı arasında bağlanmış xx xxx 2019-cu il tarixli müqaviləyə əsasən sonuncu İMEİ kodu **********32533 olan “Samsung Galaxy A7” markalı telefon almış və nəticədə 638 (altı yüz otuz səkkiz) manat məbləğində borcu yaranmışdır. Azərbaycan Respublikası Mülki Məcəlləsinin: 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinin tələbinə görə, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır; 442-ci maddəsinin tələbinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Tərəflər arasında olan müqavilə münasibətlərindən göründüyü kimi, tərəflər əşyanın nisyə alınıb-satılması barədə razılığa gəlmişlər. Azərbaycan Respublikası Mülki Məcəlləsinin: 600.1-ci maddəsinin tələbinə görə, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinin tələbinə görə, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; 462.1-ci maddəsinə görə, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir; 465.2-ci maddəsinə əsasən, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, məhkəmə hesab edir ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 284-5, 284-6, 216-220-ci maddələrini rəhbər tutaraq, məhkəmə QƏT ETDİ: İddia təmin edilsin. İMEİ kodu **********32533 olan “Samsung Galaxy A7” markalı telefon üçün 580 (beş yüz səksən) manat məbləğində ödənilməmiş hissə və 58 (əlli səkkiz) manat məbləğində cərimə borcu olmaqla, cəmi 638 (altı yüz otuz səkkiz) manat məbləğində borc və 30 (otuz) manat məbləğində ödənilmiş dövlət rüsumu cavabdeh Qurbanova (Məmmədova) Pərvanə Ramiz qızından iddiaçı “ABC Telecom” Məhdud Məsuliyyətli Cəmiyyətinin xeyrinə ödənilsin. Qətnamədən, onun alındığı və ya təqdim olunduğu gündən 1 ay müddətində Bakı şəhəri Nərimanov Rayon Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Hakim: Gültəkin Əsədova