Bakı Şəhəri Nərimanov Rayon Məhkəməsi Qərardad — İş №2(005)-715/2023

Azərbaycan Respublikası adından QƏRARDAD Bakı şəhəri İş № 2(005)-715/2023 08.02.2023 BAKI ŞƏHƏRİ NƏRİMANOV RAYON MƏHKƏMƏSİ Hakim Nuriyeva Səbinə Vidadi qızının sədrliyi, Məhkəmə iclas katibi Fətəlizadə Rufanə Xıdır qızının katibliyi, Cavabdeh Nurana Mamedlinin, Cavabdehlərin nümayəndəsi və vəkili X1 iştirakı ilə, İddiaçılar İddiaçı1 və İddiaçı2 cavabdehlər Nurana Mamedliyə və Cavabdeh2 qarşı “ləyaqətsiz vərəsə hesab edilmə və vərəsəlik hüququndan məhrum etmə” tələbinə dair iddia ərizəsi üzrə mülki işə məhkəmənin binasında baxaraq, məhkəmə müəyyən etdi: İddiaçılar İddiaçı1 və İddiaçı2 cavabdehlər Nurana Mamedliyə və Cavabdeh2 qarşı “ləyaqətsiz vərəsə hesab edilmə və vərəsəlik hüququndan məhrum etmə” tələbinə dair iddia ərizəsi ilə müraciət edərək müvafiq qətnamə qəbul edilməsini xahiş etmişdir. İddia ərizəsi məhkəmənin icraatına qəbul edilərək, qanuna müvafiq prosessual hərəkətlər edilmişdir. İddiaçılar İddiaçı1 və İddiaçı2 nümayəndəsi və vəkili xx.xx.2023-cü il tarixində məhkəməyə ərizə ilə müraciət edərək iddia ərizəsini və ona əlavə olunmuş sənədlərin geri qaytarılmasını xahiş etmişdir. Məhkəmə iclasında iştirak edən cavabdeh və onun nümayəndəsi və vəkili iddiaçının iddia tələbinin geri götürülməsi barədə ərizəsinin təmin edilməməsini məhkəmədən xahiş etdilər. Məhkəmə cavabdeh və onun nümayəndəsi və vəkilinin izahatını dinləyib, iddiaçının nümayəndəsi və vəkilinin ərizəsini nəzərdən keçirib, iş materiallarını araşdıraraq belə nəticəyə gəlir ki, iddia ərizəsi və ona əlavə edilmiş sənədlər iddiaçıya geri qaytarılmalıdır. Azərbaycan Respublikası Mülki Prosessual Məcəlləsinin 170.1-ci maddəsinə əsasən Bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Həmin Məcəllənin 170.3-cü maddəsinə əsasən, bu Məcəllənin 170.1-ci və 170.2-ci maddələrində göstərilən qaydada qəbul edilmiş qərardaddan şikayət verilə bilər. Beləliklə, məhkəmə yuxarıda qeyd edilənlərə əsaslanaraq hesab edir ki, hazırkı iş üzrə iddiaçının nümayəndəsi və vəkilinin azad iradə ifadəsi olan ərizəsi üzrə iddia ərizəsi və ona əlavə edilmiş sənədlər geri qaytarılmalıdır. Qeyd olunanlara və Azərbaycan Respublikası Mülki-Prosessual Məcəlləsinin 170.1, 263-264 və 267-268-ci maddələrinə əsaslanaraq, məhkəmə q ə r a r a a l d ı: İddiaçılar İddiaçı1 və İddiaçı2 cavabdehlər Nurana Mamedliyə və Cavabdeh2 qarşı “ləyaqətsiz vərəsə hesab edilmə və vərəsəlik hüququndan məhrum etmə” tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. İddia ərizəsinin verilməsi üçün “X3 vasitəsi ilə xx.xx.2022-ci il tarix, ********** nömrəli qəbz üzrə ödənilmiş 100 (yüz) manat dövlət rüsumu iddiaçıların nümayəndəsi və vəkili Vəkil1 geri qaytarılsın. Qərardad tərəfə rəsmi qaydada verildikdən sonra 10 (on) gün müddətində müddətində “Elektron məhkəmə” informasiya sistemində yaradılan elektron kabinet vasitəsilə Bakı Şəhəri Nərimanov Rayon Məhkəməsinə şikayət verilə bilər. Hakim Səbinə Nuriyeva