Bakı Şəhəri Nərimanov Rayon Məhkəməsi Qərardad — İş №2(005)-981/2023

Azərbaycan Respublikası adından QƏRARDAD Bakı şəhəri İş № 2(005)-981/2023 13.01.2023 BAKI ŞƏHƏRİ NƏRİMANOV RAYON MƏHKƏMƏSİ Hakim Nuriyeva Səbinə Vidadi qızı, Ərizəçi Maraqlı şəxs olmaqla “mülkiyyət hüququ üzrə sahiblik, istifadə etmək və onun barəsində sərəncam vermək faktının müəyyən olunması ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: Ərizəçi Maraqlı şəxs olmaqla “mülkiyyət hüququ üzrə sahiblik, istifadə etmək və onun barəsində sərəncam vermək faktının müəyyən olunması barədə ərizəsi ilə məhkəməyə müraciət edərək, X3 istifadəsində olmuş ünvan 1 ünvan 1-переулок, улица Мира 11) yerləşən evə dair xx.xx.1989-cu il tarixdə X4 tərəfindən X2 verilmiş qəbz və xx.xx.1989-cu il tarixdə X4 tərəfindən X2 verilən etibarnamənin hüquqi əhəmiyyəti olan alqı-satqı müqaviləsi kimi qiymətləndirilməklə, həmin evə X1 qanun üzrə qardaşı oğlu vərəsə kimi Ərizəçi mülkiyyət hüququ üzrə sahiblik, istifadə etmək və onun barəsində sərəncam vermək faktlarının müəyyən edilməsi barədə qətnamə çıxarılmasını məhkəmədən xahiş etmişdir. Məhkəmə ərizə və ona əlavə olunmuş sənədləri nəzərdən keçirərək, hesab edir ki, ərizəsi geri qaytarılmalıdır. Belə ki, Azərbaycan Respublikası MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 149.2.3-cü maddəsinə əsasən iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Ərizəçi hazırkı ərizəsinə qanunvericiliklə nəzərdə tutulmuş sübutları məhkəməyə təqdim etməmişdir. Belə ki, hüquqi faktların müəyyən edilməsi barədə ərizə təqdim edilməmişdən qabaq ərizəçi tərəfindən qeyd olunan sənədlərin alınması imkanının tükənməsi barədə sübutların ərizəyə əlavə edilməsi maddi hüquq normasının imperativ tələbidir. Qeyd olunan hal üzrə məhkəmə qeyd edir ki, Azərbaycan Respublikası Ali Məhkəməsinin Plenumunun “Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında” xx.xx.2019-cu il tarixli 03 saylı Qərarının 7.2-ci bəndinə əsasən “özbaşına tikililər, istismara qəbul edilməmiş tikililər, qurğular, eləcə də başqasının adına qeydə alınmış tikililər üzərində sahiblik faktının, həmçinin avtonəqliyyat vasitələri və digər daşınar əmlak üzərində sahiblik, istifadə, sərəncam faktının müəyyən edilməsi barədə ərizələrə məhkəmələr tərəfindən xüsusi icraat qaydasında baxıla bilməz. Belə tələblərə məhkəmələr tərəfindən iddia icraatı qaydasında baxılmalıdır”. Şərh olunanlara əsasən, hazırda ərizəçi tərəfindən məhkəməyə verilmiş ərizə üzrə icraatın düzgün müəyyən edilməməsi müəyyən olunmuşdur. Belə olan halda ərizəçinin hazırki tələbi üzrə iddia icraatı qaydasında məhkəməyə müraciət etməsi zəruridir. Eyni zamanda ərizəçi tərəfindən ərizədə göstərilmiş xx.xx.1989-cu il tarixdə X4 tərəfindən X2 verilmiş qəbzin hüquqi əhəmiyyətli sənəd olaraq müəyyən edilməsi qanunvericliklə nəzərdə tutulmamışdır. Belə ki, sənədin məzmunundan göründüyü kimi həmin qəbz X4 tərəfindən X2 verilmişdir. Azərbaycan Respublikası Mülki Prosessual Məcəlləsinin 152.2-ci maddəsinə görə iddia ərizəsinin qaytarılması haqqında hakim qərardad çıxarır. Həmin Məcəllənin 152.3-cü maddəsinə görə iddia ərizəsinin qaytarılması haqqında qərardaddan şikayət verilə bilər. Həmin Məcəllənin 152.4-cü maddəsinə görə iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə yuxarıda göstərilən maddi hüquq normalarının tələblərinə əsasən Ərizəçi Maraqlı şəxs olmaqla “mülkiyyət hüququ üzrə sahiblik, istifadə etmək və onun barəsində sərəncam vermək faktının müəyyən olunması ərizəsini və ona əlavə edilmiş sənədləri geri qaytarılmalı və ərizəçiyə izah edilməlidir ki, o, qeyd olunan nöqsanları aradan qaldırdıqdan sonra müvafiq iddia ərizəsi ilə məhkəməyə müraciət edə bilər. Şərh olunanlara əsasən və Azərbaycan Respublikası MPM-in 149.2.4, 152.1.1, 152.2, 268-269-cu maddələrini rəhbər tutaraq, məhkəmə QƏRARA ALDİ: Ərizəçi Maraqlı şəxs olmaqla “mülkiyyət hüququ üzrə sahiblik, istifadə etmək və onun barəsində sərəncam vermək faktının müəyyən olunması ərizəsini və ona əlavə edilmiş sənədlər geri qaytarılsın. Ərizənin verilməsi üçün "xxxx" ASC vasitəsi ilə xx.xx.2022-ci il tarixli 29240 nömrəli qəbz əsasında ödənilmiş 100 (yüz) manat dövlət rüsumu Ərizəçi geri qaytarılsın. İddia ərizəsinin qaytarılması nöqsanlar aradan qaldırıldıqdan sonra ümumi qaydada təkrar məhkəməyə müraciət etməyə mane olmur. Qərardad tərəfə rəsmi qaydada verildikdən sonra 10 (on) gün müddətində müddətində “Elektron məhkəmə” informasiya sistemində yaradılan elektron kabinet vasitəsilə Bakı Şəhəri Nərimanov Rayon Məhkəməsinə şikayət verilə bilər. Hakim Səbinə Nuriyeva