Bakı Şəhəri Nəsimi Rayon Məhkəməsi Qərardad — İş №2(006)-2121/2023

Azərbaycan Respublikası adından QƏRARDAD Bakı şəhəri İş № 2(006)-2121/2023 10.04.2023 BAKI ŞƏHƏRİ NƏSİMİ RAYON MƏHKƏMƏSİ Mən, Nəsimi rayon məhkəməsinin hakimi Tağıyeva Natavan Tağı qızı, İddiaçı cavabdeh "xxxx" ASC-yə qarşı “əmək haqqının tam hissəsinin akseptsiz qaydada tutulmasının qadağan edilməsi, yeni ödəniş cədvəlinin tərtib olunması” tələbinə dair iddia ərizəsinə baxaraq, MÜƏYYƏN ETDİM: İddiaçı Peyzəli qızı Cavabdeh "xxxx" ASC-yə qarşı “əmək haqqının tam hissəsinin akseptsiz qaydada tutulmasının qadağan edilməsi, yeni ödəniş cədvəlinin tərtib olunması” tələbinə dair iddia ərizəsi ilə məhkəməyə müraciət edərək, Beynəlxalq Bank" ASC tərəfindən iddiaçının maaş kartından maaşının tam hissəsinin tutulmasının qadağan edilməsi, 2021-ci ilin fevral ayından qətnamə çıxarılana qədər maaş kartından akseptsiz qaydada silinən məbləğ müəyyən edilərək ödəniş cədvəli üzrə hesablanmış əsas borc və faizdən silinməsi, kredit müqaviləsi üzrə gecikmə faizi kimi hesablanmış məbləğ müəyyən edilərək silinməsi, Azərbaycan Beynəlxalq Bankın Sabunçu filialı ilə bağlanmış xx.xx.2021-ci il tarixli kredit müqaviləsi üzrə kreditin restrukturizasiyası aparılması, kreditin müddətinin uzadılması, bank tərəfindən maaşından silinən bütün məbləğlər nəzərə alınaraq bu günə kimi qalıq borcun müəyyən edilərək yeni ödəniş cədvəli tərtib edilməsi, hazırda aldığı maaşın adekvat olaraq ididaçı tərəfindən aylıq ödəniləcək məbləğ maaşının 20 faizindən artıq olmamaq şərtilə müəyyən edilməsi barədə qətnamə çıxarılmasını məhkəmədən xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi Azərbaycan Respublikası Mülki Prosessual Məcəlləsinin tələblərinə uyğun tərtib edilmədiyindən iddia ərizəsi və ona əlavə olunmuş sənədlər iddiaçıya geri qaytarılmalıdır. Belə ki, iddia ərizəsinə məhz qanununla müəyyən edilmiş qaydada və məbləğdə dövlət rüsumunun ödənilməsini təsdiq edən sənəd əlavə edilməmişdir. Məhkəmə xatırladır ki, “X1” Azərbaycan Respublikası Qanunun 1-ci maddəsinə əsasən dövlət rüsumu dövlət orqanlarının müəssisə, təşkilat və fiziki şəxslərə göstərdikləri xidmətlərə və hüquqi hərəkətlərə görə dövlət büdcəsinə ödənilən məcburi ödənişdir. “X1” Azərbaycan Respublikası Qanunun 8.2-ci maddəsinə əsasən, qiymətləndirilməyən iddia ərizəsinin, məhkəmə əmri haqqında ərizənin, xüsusi icraat qaydasında baxılan iş üzrə ərizənin verilməsinə görə dövlət rüsumunun məbləği 100 manat təşkil edir. Azərbaycan Respublikası MPM-nin 152.1.5-ci maddəsinə əsasən, müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə, hakim iddia ərizəsini və ona əlavə edilmiş sənədləri geri qaytarır. Odur ki, iddiaçının diqqətinə çatdırılır ki, hazırda məhkəməyə təqdim etdiyi iddia ərizəsinə görə, müəyyən edilmiş qaydada və məbləğdə dövlət rüsumunun ödənilməsini təsdiq edən sənədin əslini iddia ərizəsinə əlavə etməklə ərizəsini məhkəməyə təqdim etməlidir ki, hazırki iddia ərizəsi icraata qəbul edilə bilinsin. Ona görə də, hesab edilir ki, iddia ərizəsi və ona əlavə edilmiş sənədlər geri qaytarılmalı və iddiaçıya qərardadda qeyd edilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ izah edilməlidir. Qeyd olunanlara əsasən və Azərbaycan Respublikası MPM-nin 152.1.5, 263-264-cü maddəsini rəhbər tutaraq, QƏRARA ALDİM: İddiaçı cavabdeh "xxxx" ASC-yə qarşı “əmək haqqının tam hissəsinin akseptsiz qaydada tutulmasının qadağan edilməsi, yeni ödəniş cədvəlinin tərtib olunması” tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya qərardadda qeyd edilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ izah edilsin. Qərardaddan 10 (on) gün müddətində Bakı şəhəri Nəsimi Rayon Məhkəməsinə şikayət verilə bilər. Hakim: Natavan Tağıyeva