Bakı Şəhəri Nəsimi Rayon Məhkəməsi Qərardad — İş №2(006)-382/2022

Azərbaycan Respublikası adından QƏRARDAD Bakı şəhəri İş № 2(006)-382/2022 06.01.2022 BAKI ŞƏHƏRİ NƏSİMİ RAYON MƏHKƏMƏSİ Hakim Musayeva Cəmilə Ceyhun qızının sədrliyi, məhkəmə iclas katibi Namazova Çinarə İmaməddin qızının katibliyi, cavabdeh LPO QSC "Bank Standard" KB-nin nümayəndəsi X1 iştirakı ilə, iddiaçı Ağayev Hafı̇ z Bı̇ nyət oğlunun cavabdehlər Əmanətlərı̇ n Sığortalanması Fonduna və LPO QSC "Bank Standard" KB-yə qarşı "qanunsuz yazılmış pul məbləğinin, ona hesablanmış faizin silinməsi və s." tələbinə dair iddia ərizəsi üzrə mülki işə Bakı şəhəri Nəsimi Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı Ağayev Hafı̇ z Bı̇ nyət oğlu cavabdehlər Əmanətlərı̇ n Sığortalanması Fonduna və LPO QSC "Bank Standard" KB-yə qarşı "qanunsuz yazılmış pul məbləğinin, ona hesablanmış faizin silinməsi və s." tələbinə dair iddia ərizəsi ilə məhkəməyə müraciət etmişdir. İşin məhkəmə baxışı iclası 06.01.2022-ci il tarixə, saat 10:00-a təyin edilmişdir. İddiaçı və digər cavabdeh məhkəmə iclasının yeri və vaxtı barədə qanunla nəzərdə tutulmuş qaydada məlumatlandırılmalarına baxmayaraq, onlar göstərilən tarixdə məhkəmə iclasına heç bir üzrlü səbəb göstərmədən gəlməmiş və işə onların iştirakı olmadan baxılmasını məhkəmədən xahiş etməmişlər. Məhkəmə Azərbaycan Respublikası Mülki Prosessual Məcəllənin 185.4-cü maddəsinə əsasən işə onların iştirakı olmadan baxılmasını mümkün hesab etmişdir. Məhkəmə iclasında iştirak edən cavabdeh LPO QSC "Bank Standard" KB-nin nümayəndəsi X2 işin mahiyyəti üzrə baxılmasını tələb etmədiyini və iddia ərizəsinin baxılmamış saxlanmasına etirazı olmadığını bildirmişdir. Azərbaycan Respublikası Mülki Prosessual Məcəlləsinin 259.0.7-ci maddəsinə əsasən işə onun iştirakı olmadan baxmağı xahiş etməmiş iddiaçı məhkəmənin birinci çağırışında gəlmədikdə, cavabdeh isə işin mahiyyəti üzrə baxılmasını tələb etmədikdə, hakim ərizəni baxılmamış saxlayır. Məhkəmə hesab edir ki, iddiaçıya məhkəmə iclasının yeri və vaxtı barədə qanunla nəzərdə tutulmuş qaydada məlumat verilməsinə baxmayaraq, o, məhkəmə iclasında iştirak etmədiyindən, cavabdeh LPO QSC "Bank Standard" KB-nin nümayəndəsi X2 işin mahiyyəti üzrə baxılmasını tələb etmədiyindən, digər cavabdehin isə heç bir məlumat vermədən məhkəmə baxışı iclasında nümayəndəsinin iştirakını təmin etmədiyindən və bununla da faktiki olaraq işin mahiyyəti üzrə baxılmasında maraqlı olmadığından iddia ərizəsi baxılmamış saxlanılmalıdır. Həmçinin iddiaçı tərəfindən ödənilmiş dövlət rüsumu ona geri qaytarılmalıdır. Şərh olunanlara əsasən və Azərbaycan Respublikası Mülki Prosessual Məcəlləsinin 259.0.7, 260, 263-264, 267-268-ci maddələrini rəhbər tutaraq, məhkəmə QƏRARA ALDİ: İddiaçı Ağayev Hafı̇ z Bı̇ nyət oğlunun cavabdehlər cavabdehlər Əmanətlərı̇ n Sığortalanması Fonduna və LPO QSC "Bank Standard" KB-yə qarşı "qanunsuz yazılmış pul məbləğinin, ona hesablanmış faizin silinməsi və s." tələbinə dair iddia ərizəsi baxılmamış saxlanılsın. İddiaçıya izah edilsin ki, o məhkəmə iclasında iştirak etməməsinin və bu haqda məlumat verməməsinin üzrlü səbəbdən baş verməsi haqqında sübutlar təqdim edərsə, bu Məcəllənin 259.0.7-ci maddəsində göstərilən əsaslarla ərizənin baxılmamış saxlanılması barədə qərardad ləğv oluna bilər. Qərardaddan 10 (on) gün müddətində Bakı şəhəri Nəsimi Rayon Məhkəməsinə şikayət verilə bilər. Hakim Cəmilə Musayeva