Bakı Şəhəri Nəsimi Rayon Məhkəməsi Qərardad — İş №2(006)-4377/2023

Azərbaycan Respublikası adından QƏRARDAD Bakı şəhəri İş № 2(006)-4377/2023 25.09.2023 BAKI ŞƏHƏRİ NƏSİMİ RAYON MƏHKƏMƏSİ Hakim - İbadzadə Anar Qənimət oğlu, İddiaçı cavabdehlər Cavabdeh1 və Cavabdeh2 ASC-yə qarşı «zaminliyin dayandırılması və pul» tələbinə dair iddia ərizəsini və ona əlavə edilmiş sənədləri nəzərdən keçirərək MÜƏYYƏN ETDİ: İddiaçı cavabdehlər Cavabdeh1 və Cavabdeh2 ASC-yə qarşı «zaminliyin dayandırılması və pul» tələbinə dair iddia ərizəsi ilə məhkəməyə müraciət edərək, Cavabdeh1 ilə "Kapital Bank*' arasında bağlanmış 111GTKR172430004 saylı, 31 avqust 2017-ci il tarixli kredit müqaviləsinə əsasən, Cavabdeh1 36 ay müddətinə illik 29.84% kreditdən istifadəyə görə haqq ödəmək şəni ilə 11000 (on bir min) manat məbləğində nağd pul şəklində verilmiş kreditin ödənilməməsi ilə əlaqədar, "Kapital Bank” la iddiaçı X1 arasında yenidən bağlanmış Z-111 GTKR172430004 saylı. 31 avqust 2017-ci il tarixli zaminlik müqaviləsinə əsasən faizlə birlikdə olan 12872.19 manat (on iki min səkkiz yüz yetmiş iki manat on doqquz qəpik) pul 84 ay müddətinə illik 20% hesablanmaqla restrukturizasiya olunmasına baxmayaraq 26 sentyabr 2019-cu ildən 26 sentyabr 2023-cü ilə qədər “Kapital Bank" iddiaçıya məxsus olan kartdan cəmi 13440.72 manat (on üç min dörd yüz qırx manat yetmiş iki qəpik) pul çıxarılaraq Kapital bankın hesabına kredit üçün ödənilmişdir. Kapital Bank tərifindən zaminliyin dayandırılaraq qalan kreditin cavahdelı Cavabdeh1 tutulmasını, Cavabdeh1, zamin kimi Kapital Banka ödəmiş olduğu 13440.72 manat (on üç min dörd yüz qırx manat yetmiş iki qəpik) pulun tutularaq İddiaçı qaytarılması barədə qərar qəbul edilməsini xahiş etmişdir. İş materiallarında olan xx.xx.2023-cü il tarixli ********** saylı qəbzdən görünür ki, iddia ərizəsinin məhkəməyə təqdim edilməsi üçün İddiaçı tərəfindən 131 manat məbləğində dövlət rüsumu ödənilmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi geri qaytarılmalıdır. Belə ki, iş materiallarında iddiaçı tərəfindən cavabdehlə mübahisənin məhkəməyə qədər (pretenziya) nizama salınmasına riayət edilməsini göstərən dəlillər məhkəməyə təqdim edilməmişdir. Məhkəmə qeyd edir ki, hazırkı iddia tələbi müqavilə öhdəliklərindən irəli gəldiyinə görə (müqavilə üzrə pul tələbi, dayandırılması və s.) iddiaçı tərəfindən məhkəməyə müraciət etməzdən əvvəl cavabdehlərə qanunvericiliklə müəyyən edilmiş qaydada pretenziya (bildiriş, müraciət və s.) göndərilməlidir. Azərbaycan Respublikası Mülki-Prosessual Məcəlləsinin: 152.1.6-ci maddəsinə görə müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya) nizama salınmasına riayət edilməsinə dair sənəd təqdim etmədikdə hakim iddia ərizəsini və ona əlavə edilmiş sənədləri qaytarır. 152.2-ci maddəsinə əsasən, iddia ərizəsinin qaytarılması haqqında hakim qərardad çıxarır. 152.3-cü maddəsinin tələblərinə görə, iddia ərizəsinin qaytarılması haqqında qərardaddan şikayət verilə bilər. 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Eyni zamanda məhkəmə qeyd edir ki, hazırkı iddia ərizəsi geri qaytarıldığına görə İddiaçı tərəfindən məhkəməyə müraciət etmək üçün ödənilmiş 131 manat məbləğində (xx.xx.2023-cü il tarixli ********** saylı qəbz üzrə) dövlət rüsumu da iddiaçıya qaytarılmalıdır. Belə ki, Azərbaycan Respublikası Mülki-Prosessual Məcəlləsinin: 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. “Dövlət rüsumu haqqında” Azərbaycan Respublikası Qanunun 5.1.2-ci maddəsinə əsasən ödənilmiş dövlət rüsumu ərizələr (şikayətlər) qaytarıldıqda və ya ərizə baxılmamış saxlanıldıqda, habelə notariat əməliyyatlarının icrasından imtina edildikdə dövlət büdcəsindən qismən və ya tamamilə qaytarılır. Məhkəmə hesab edir ki, iddia ərizəsinin verilməsi zamanı yuxarıda sadalanan qanunvericiliyin tələblərinə riayət edilmədiyindən, iddia ərizəsi və ona əlavə edilmiş sənədlər geri qaytarılmalı, iddiaçıya qeyd olunan nöqsan aradan qaldırıldıqdan sonra məhkəməyə yenidən müraciət etmək hüququ izah edilməlidir. Göstərilənlərə əsasən və Azərbaycan Respublikası Mülki-Prosessual Məcəlləsinin 152.1.6, 114, 263, 264, 267 və 268-ci maddələrini rəhbər tutaraq, QƏRARA ALDİ: İddiaçı cavabdehlər Cavabdeh1 və Cavabdeh2 ASC-yə qarşı «zaminliyin dayandırılması və pul» tələbinə dair iddia ərizəsi və ona əlavə edilmiş sənədlər geri qaytarılsın. İş üzrə ödənilmiş 131 manat məbləğində (xx.xx.2023-cü il tarixli ********** saylı qəbz üzrə) dövlət rüsumu İddiaçı qaytarılsın. İddiaçıya izah edilsin ki, qərardadda göstərilən nöqsan aradan qaldırıldıqdan sonra məhkəməyə yenidən, ümumi qaydada müraciət etmək hüququ vardır. Qərardaddan, tərəflərə rəsmi qaydada verildikdən sonra 10 (on) gün müddətində (“Elektron məhkəmə” informasiya sistemi vasitəsilə) Bakı şəhəri Nəsimi Rayon Məhkəməsinə şikayət verilə bilər. Hakim Anar İbadzadə