Bakı Şəhəri Nəsimi Rayon Məhkəməsi Qərardad — İş №2(006)-4493/2021

Azərbaycan Respublikası adından QƏRARDAD Bakı şəhəri İş № 2(006)-4493/2021 15.07.2021 BAKI ŞƏHƏRİ NƏSİMİ RAYON MƏHKƏMƏSİ Hakim Xəlilov Ramin Adilxan oğlunun sədrliyi, İsmayılova Səbinə İmran qızının katibliyi ilə, İddiaçı cavabdeh "xxxx" Məhdud Məsuliyyətli Cəmiyyətinə qarşı "əmrin ləğv edilməsi" tələbinə dair iddia ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı cavabdeh "xxxx" Məhdud Məsuliyyətli Cəmiyyətinə qarşı "əmrin ləğv edilməsi" tələbinə dair iddia ərizəsi ilə məhkəməyə müraciət etmişdir. Məhkəməyə İddiaçı tərəfindən ərizə daxil olmuş, ərizədə mülki işə onun iştirakı olmadan baxılması və iddia tələbinin təmin edilməsini barədə qətnamə qəbul edilməsi xahiş edilmişdir. Məhkəmə iclasının vaxtı və yeri barədə məlumatlandırılmasına baxmayaraq, cavabdehin nümayəndəsi məhkəmə iclasına gəlməmişdir. Məhkəmə ərizəni mülki işin materialları ilə birlikdə araşdırıb hesab edir ki, ərizə təmin edilməməli və iddia ərizəsi isə tərəflər məhkəməyə gəlmədiyi üçün mülki iş üzrə icraat baxılmamış saxlanılmalıdır. Belə ki, qeyd olunan ərizənin notarial qaydada təsdiq olmadığından iradə ifadəsinin kimin tərəfindən göndərilməsinin mötəbərliyi şübhə altındadır. Odur ki, ərizə notarial qaydada təsdiq olunmadığına görə ərizə təmin oluna bilməz. Belə olan halda Məhkəmə hesab edir ki, tərəflər məhkəmədə iştirak etmədiyindən Mülki Prosessual Məcəllənin 259.0.6-ci maddəsinə əsasən iddia ərizəsi baxılmamış saxlanılmalıdır. Ərizə baxılmamış saxlanıldıqda məhkəmə baxışı qərardad qəbul edilməklə başa çatdırılır. İddianın baxılmamış saxlanılması həmin iddia ilə məhkəməyə yenidən müraciət etməni istisna etmir. Qeyd olunanlara əsaslanaraq və Azərbaycan Respublikası Mülki Prosessual Məcəlləsinin 259.0.11, 263-264, 266-268-ci maddələrini rəhbər tutaraq, QƏRARA ALDİ: İddiaçı cavabdeh "xxxx" Məhdud Məsuliyyətli Cəmiyyətinə qarşı "əmrin ləğv edilməsi" tələbinə dair iddia ərizəsi üzrə mülki iş baxılmamış saxlanılsın. Qərardaddan 10 (on) gün müddətində Nəsimi Rayon Məhkəməsinə şikayət verilə bilər. Hakim Ramin Xəlilov