Bakı Şəhəri Nəsimi Rayon Məhkəməsi Qərardad — İş №2(006)-6426/2020

Azərbaycan Respublikası adından QƏRARDAD Bakı şəhəri İş № 2(006)-6426/2020 18.12.2020 BAKI ŞƏHƏRİ NƏSİMİ RAYON MƏHKƏMƏSİ Nəsimi Rayon Məhkəməsinin hakimi Xəlilov Ramin Adilxan oğlu, Ərizəçi Maraqlı şəxs qismində cəlb edilməklə “etibarnamənin təsdiq edilməsi və evə ona məxsus olma faktı” tələbinə dair ərizəsinə baxaraq, MÜƏYYƏN ETDİ: Ərizəçi Maraqlı şəxs qismində cəlb edilməklə “etibarnamənin təsdiq edilməsi və evə ona məxsus olma faktı” tələbinə dair ərizə ilə məhkəməyə müraciət etmişdir. Məhkəmə, ərizəni və ona əlavə edilmiş sənədləri nəzərdən keçirərək hesab edir ki, ərizənin yolverilməzliyinə görə qəbulundan imtina olunmalıdır. Belə ki, Azərbaycan Respublikası Mülki Prosessual Məcəlləsinin 153.2.1-ci maddəsinin tələbinə əsasən ərizəyə məhkəmə qaydasında baxılmalı deyildirsə, hakim iddianın yolverilməzliyinə görə ərizəni qəbul etməkdən imtina edir. Ərizənin ilkin araşdırması zamanı müəyyən olundu ki, göstərilən tələbə məhkəmə qaydasında baxılmalı deyildir. Notariaq haqqında qanunun 17-ci maddəsinə əsasən Dövlət notariusu aşağıdakı notariat hərəkətlərini aparır: 1) əqdləri və etibarnamələri təsdiq edir; 2) ... və s Odur ki, ərizəçi ilk öncə müvafiq notariat kontoruna xx xxxxx 1989-cu il tarixli etibarnamənin təsdiq edilməsi üçün müraciət etməli, narazı qaldığı təqdirdə isə müvafiq inzibati məhkəməyə müraciət etməlidir. Azərbaycan Respublikası Mülki Prosessual Məcəlləsinin 153.3-cü maddəsinə əsasən hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında baxılmalı deyildirsə, ərizəçinin hansı orqana müraciət etməli olmasını orada göstərir. Belə olan halda məhkəmə hesab edir ki, ərizənin qəbulundan imtina edilməli, ərizə ona əlavə edilmiş sənədlərlə birlikdə ərizəçiyə geri qaytarılmalı və ərizəçiyə izah edilməlidir ki, hazırki ərizə ilə bağlı müvafiq notariat orqanına müraciət etməli, həmin müraciətlə bağlı cavab almadıqda və ya imtina cavabını aldıqda həmin məsələ ilə əlaqədar müvafiq inzibati məhkəməyə müraciət etmək hüququna malikdir. Qeyd olunanlara əsasən və Azərbaycan Respublikası Mülki Prosessual Məcəlləsinin 153.2.1, 153.3 və 263-264-cü maddələrini rəhbər tutaraq, QƏRARA ALDİ: Ərizəçi Maraqlı şəxs qismində cəlb edilməklə “etibarnamənin təsdiq edilməsi və evə ona məxsus olma faktı” tələbinə dair ərizəsinin qəbulundan imtina edilsin və ərizəsi ona əlavə edilmiş sənədlərlə birlikdə ərizəçiyə geri qaytarılsın. Ərizəçiyə hazırkı ərizədə göstərilən məsələ ilə bağlı müvafiq notariat orqanına müraciət etmək hüququ izah edilsin. Qərardaddan 10 (on) gün müddətində Nəsimi Rayon Məhkəməsinə şikayət verilə bilər. Hakim Ramin Xəlilov